देवीले जितिन् कार

नारी संवाददाता

वैशाख १९, २०७६

 

यसै सता राजधानीको जमलस्थित राष्ट्रिय नाचघरको डबलीमा म्याग्दी २२ वर्षिया देवी मगर रातो रंगको ड्याट्सन गो कार ड्राइभिङ सिटमा बस्दा हर्षले विभोर भइन् । कारण उक्त कार उनले जितेको मिस नेसनल आइकन २०१९ को पुरस्कार स्वरुप थियो । 

नेपालको सौन्दर्य प्रतियोगिताको परिवेशमा गत वर्ष देखि थालनी भएको यो प्रतियोगिताको विजेताले पहिलो संस्करणको विजेताले जस्तै यस पटक कार पुरस्कार प्राप्त गरेकी हुन् । मिस नेसनल आइकन २०१९ को विजेता हुनु बाहेक देवीले प्रतियोगितामा वेष्ट वाकको अवार्ड पनि हात पार्न सफल भइन् । 

ब्राइट इन्टरटेन्मेन्ट प्रा.लि.को आयोजनामा रोजिन शाक्यले कोरियोग्राफ गरेको सो प्रतियोगितामा मञ्जना राई फस्ट रनर अप भइन् भने समृद्धि कार्कीले सेकेन्ड रनर अप स्थान हासिल गरिन् । मञ्जनाले पुरस्कारका रुपमा नयाा स्कुटी तथा समृद्धिले नगद पुरस्कार रु पचास हजार प्राप्त गरिन् । 

प्रतियोगितामा ट्यालेन्ट विधाको अवार्ड सहित थर्ड रनर अप बनिन् मुना राई । उनले नगद पुरस्कार रु बीस हजार पनि प्राप्त गरिन् । प्रतियोगितामा आकांक्षा श्रेष्ठ फोटोजेनिक, कल्पना राई स्माइल, नेहा मिश्र इन्टिलेक्चुयल तथा रञ्जना राई पपुलारिटी विधामा विजेता चयन गरिएका थिए । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्