मध्यरातमा प्रियंकाको छमछमी

नारी संवाददाता

वैशाख ६, २०७६

नयाँ वर्षको अवसर पारेर विराटनगरस्थित सेन्ट्रल मलमा राति सम्पन्न ‘फेस्टा न्यू इयर इभेन्ट’ मा अभिनेत्री प्रिंयका कार्कीको प्रस्तुतिबाट युवायुवतीहरूले भरपुर मनोरञ्जन लिए । रातको ८ बजे प्रारम्भ भएको ऊक्त कार्यत्रममा तीन घण्टासम्म भारतबाट आएका डिजेले नेपाली, हिन्दी तथा रिमिक्स गीतमा युवाहरूलाई उफारेपछि मध्यराति साढे ११ बजे प्रियंका सेन्ट्रल मलको ग्राण्ड फेलरमा उपस्थित भएकी थिइन् ।

आफ्नो प्रस्तुति दिन चोली र रातो लेहेङ्गामा सेन्ट्रल मल पुगेकी प्रिंयकालाई ‘डोली’ मा चढाएर चार जना युवाले स्टेजमा पुर्‍याए । हातमा फूल बोकेकी प्रिंयकाले स्टेजमाथि रातो गुलाफको फुल फाल्दै सहभागीहरूलाई अभिभादन गरेपछि नृत्य प्रस्तुत गरिन् ।

डिजेले बजाएको ननस्टप गीतमा नृत्य गरेर लखतरान भएका युवाहरू प्रियंका स्टेजमा आएसँगै फेरि जोस्सिए । प्रियंकाले स्थानीय कलाकारहरूका साथमा आफूले अभियन गरेका चलचित्रको गीतबाट प्रस्तुति आरम्भ गरिन् । प्रिंयकाले नृत्य गर्दा तन्नेरी युवाहरू ‘वान्समोर’ भन्दै चिच्याइरहेका थिए । दर्शकदीर्घाबाट निरन्तर हुटिङ भै रह्यो भने २० मिनेटमा प्रिंयकाले दमदार प्रस्तुति दिइन् । प्रियंकाले नृत्य गरिसक्दा रातको १२ बजिसकेको थियो ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्