दमन्ता खनाल स्मृति नारी स्रष्टा सम्मान डिक्रा वादीलाई 

नारी संवाददाता

वैशाख ३, २०७६

नेपाल स्रष्टा समाजले २०७६ सालको दमन्ता खनाल स्मृति नारी स्रष्टा सम्मान सुदूरपश्चिमकी लोक गायिका डिक्रा वादीलाई प्रदान गर्ने भएको छ ।

 

बाजुरामा जन्म भई कञ्चनपुरमा बसोबास गर्दै आएकी डिक्रा बादी, देउडा गीतकी प्रसिद्ध गायिका, संस्कृतिकर्मी तथा नेपालका बादी समुदायलाई सामाजिक रूपान्तरणका लागि अभियन्ताको कार्य गर्दै आएकी छिन । 

स्रष्टा समाजको गत चैत्र ८ गते बसेको बैठकले महिला अधिकारकर्मी तथा लेखक दुर्गा घिमिरेको संयोजकत्वमा गठित सिफारिस समितिले डिक्रा वादीको नाम सिफारिस गरेको हो । समाजमा प्राप्त दर्जनौँ नामहरूमध्ये सिफारिस समितिले छानबिन गरी डिक्रा वादीको नाम सिफारिस गरेको जानकारी गराइएको छ ।

सम्मान पत्र र एघार हजार एक सय एघार रुपैयाँ नगद राशिसहितको यो सम्मान दमन्ता खनालको जन्मजयन्तीका अवसरमा वैशाख ९ गते प्रदान गरिने छ । यो सम्मान गत वर्ष २०७५ का लागि सिर्जना शर्मालाई प्रदान गरिएको थियो ।

दमन्ता खनाल स्मृति नारी स्रष्टा सम्मान पुष्पा खनालले आफ्नी माताको स्मृतिमा स्थापना गरेकी हुन् ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्