मेरो डिजाइन लगाउने नारीमा खुसी देख्न चाहन्छु  

लक्ष्मी भण्डारी थापा

माघ १६, २०७५

 

अन्ती गुरुङ 

फेसन डिजाइनर

तपाईंले आफ्नो पहिलो अन्तर्वार्तामा कस्तो पहिरन लगाउनु भएको थियो ?

अन्तर्वार्ता दिँदा म जहिले पनि सेमी–फर्मल आउटफिट नै रुचाउँछु । 

सामाजिक सञ्जालले फेसन इन्डस्ट्रिजमा खेलेको भूमिकाका बारेमा तपाईं के सोच्नुहुन्छ ?

फेसनले नै समय कसरी चलिरहेको छ भन्ने कुराको संकेत गर्छ । आजको फेसनको दुनियाँलाई ड्रयाग गर्ने मुख्य अस्त्रमध्ये सामाजिक सञ्जाल पनि एक हो । यसैको माध्यमबाट कतिपयले त्यहाँ डिस्प्ले गरिएका डिजाइनमा फ्युजन गरेर नयाँ सिर्जना गरिरहेका हुन्छन् । 

डिजाइनिङ गर्दा तपाईंलाई अत्यधिक मनपर्ने भाग ? 

जब म डिजाइन सिर्जनाका लागि बसेकी हुन्छु तब सबैभन्दा पहिले अवधारणा बनाउँछु । मुड बोर्डपछि, इल्युस्ट्ेरसन र फेब्रिक हन्टिङ गर्दै ट्रेल तथा फिटिङ गर्दासम्म जे–जति काम गर्छु उत्तिकै इन्जोय गरिरहेकी हुन्छु । 

तपाईंको डिजाइन लगाउने महिलाले कस्तो अनुभूति गरून् भन्ने चाहनुहुन्छ ?

मेरो डिजाइन लगाउने नारीको अनुहारमा खुसी र हाँसो देख्न चाहन्छु । 

आफ्नो व्यक्तिगत स्टाइललाई कसरी परिभाषित गर्नुहुन्छ ?

मलाई समय, स्थान र अवसर हेरेर पहिरन लगाउन मन लाग्छ । कामका बेला सहज हुने पहिरन हेर्छु भने अन्य समयमा म फेमिनाइन, एलिगेन्ट र स्टाइलिस्ट परिधानको पारखी हुँ । 

रिसाहा ग्राहकसँग कसरी डिल गर्नुहुन्छ ?

म हरेक ग्राहकसँग समान व्यवहार गर्न रुचाउँछु । मेरो जान्न चाहने र सुन्न सक्ने धैर्यका कारण ग्राहकहरू आफैं कन्भिन्स भएका थुप्रै उदाहरण छन्, त्यसैले म नरिसाई उहाँहरूका कुरा सुन्न र उहाँहरूलाई बुझ्न चाहन्छु । 

कुन सेलिब्रेटीका लागि कस्तो डिजाइन गर्ने इच्छा छ ?

पर्सनालिटी, स्टाइल र उनले गरेको काम र योगदान सुनेका आधारमा जोर्डनकी रानी ‘क्विन रानिया’ का लागि एलिगेन्ट रोयल लुक्सको पहिरन डिजाइन गर्ने ठूलो इच्छा छ । 

तपाईंको पछिल्लो डिजाइन कुन हो ?

मैले गरेको पछिल्लो डिजाइन मेरो स्प्रिङ–समर कलेक्सनका पहिरन थिए, जसलाई मैले लन्डनको एउटा भव्य इभेन्टमा प्रस्तुत गरेको धेरै भएको छैन । 

तपाईंलाई सोध्नैपर्ने कुनै एउटा प्रश्न कुन होला, जसमा तपाईंको उत्तर के हुनेछ ? 

मेरो डिजाइन स्टुडियोका बारेमा सोध्नुभयो भने मेरो उत्तर–‘मेरो इन्स्पायर फेसन स्टुडियोभित्र म पहिरनभन्दा पनि मानिसको खुसी डिजाइन गर्न चाहन्छु जसले मेरा पहिरन लगाउनेहरूको मुहारमा मुस्कान ल्याओस् ।’

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्