मिस शेर्पा दाबुटी

नारी संवाददाता

पुस १७, २०७५

 

राजधानी शहरको रामहिटीस्थित रामनगर पार्टी प्यालेसमा सम्पन्न भएको शेर्पा समुदायका युवतीहरु लक्षित मिस शेर्पा २०१८ को उपाधि दोलखाकी दाबुटी शेर्पा हात पार्न सफल भएकी छिन् । ट्यालेन्ट अवार्ड पनि जित्न सफल दाबुटीले मिस शेर्पा उपाधि विजेताका रुपमा नगद पुरस्कार तीस हजार तीन सय तेत्तीस रुपैंया पनि प्राप्त गरिन् । यो संगै पनि मिस टुरिजम वल्र्डमा नेपालका तर्फबाट सहभागि हुने भएकी छिन् । 

क्याफे मितिनीकी चिफ सुपरभाइचरसमेत रहेकी उनी सगरमाथा आरोहीसमेत हुन् । उनले नेपाली कफीको प्रचार गर्दै गत सिजनमा सगरमाथा आरोहण गरेकी थिइन् । प्रतियोगितामा दावा याङ्जी शेर्पा फोटोजेनिक अवार्ड सहित फस्ट रनर अप भइन् भने निमा ल्हामु शेर्पा सेकेन्ड रनर अप भइन् । 

मिष्टर शेर्पा २०१८ तर्फ भने सोनम जाङ्बु शेर्पा उपाधि विजेता बने । उनले पुरस्कारका रुपमा तीस हजार तीन सय तेत्तीस रुपैयाँ प्राप्त गरे । प्रतियोगितामा पेम्बा शेर्पा फस्ट रनर अप तथा पासाङ शेर्पा सेकेन्ड रनर अप चयन गरिएका थिए । प्रतियोगिता दिपास इन्टरनेसनलको आयोजनामा कला सुब्बाको कोरियोग्राफीमा सम्पन्न भएको थियो । 

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्