सुप्रानेसनल–२०१८ मा महिमा

नारी संवाददाता

मंसिर १५, २०७५

मिस वल्र्ड–२०१८ मा नेपाल सुन्दरी श्रृङ्खला खतिवडाले प्रतिस्पर्धा गरिरहेकै बेला अर्की चेली महिमा सिंह मिस सुप्रानेसनल–२०१८ मा नेपालका तर्फबाट प्रतिस्पर्धामा छिन् । विश्वका ७० भन्दा मुलुकका सुन्दरीहरूको सहभागिता रहेको मिस सुप्रानेसनल–२०१८ पोल्याण्डमा सञ्चालन भैरहेको छ ।

२३ वर्षीया महिमा सिंह मिस नेपाल–२०१८ की टप सेभेन प्रतिस्पर्धीमध्ये एक हुन् । मिस नेपालको आयोजक संस्थाले महिमालाई मिस नेपाल सुप्रानेसनल–२०१८ को ताज पहिर्‍याइदिएपछि महिमा अन्तर्राष्ट्रिय सौन्दर्य प्रतियोगिता मिस सुप्रानेसनलको दसौं संस्करणमा सहभागी भएकी हुन् ।

काठमाडौं निवासी ५ फिट ८ इन्च अग्ली महिमाले एस इन्स्टिच्युट अफ म्यानेज्मेन्टबाट बिबिएको अध्ययन पूरा गरेकी छिन् । मिस सुप्रानेसनल–२०१८ को ग्राण्ड फिनाले मिस वल्र्ड–२०१८ को ग्रान्ड फिनालेको ठीक एक दिनअघि अर्थात् डिसेम्बर ७ तारिखमा सम्पन्न हुने बताइएको छ ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्