ढिलो महिनावारी र यसका असर

डा.बालकृष्ण शाह

आश्विन ७, २०७५

मेरो साथीको महिनावारी ४३ दिनमा भयो । त्यसभन्दा अघि यस्तो कहिल्यै भएको थिएन अनि रगत पनि कालो आएको छ । के भएर यस्तो भएको होला ?

                                                                                            -आर.एस.

प्रश्नमा तपाईंको साथीको उमेर उल्लेख छैन । समान्यत: महिनावारी २१ दिन देखि ३५ दिनको अन्तरमा ३ देखि ५ दिन सम्म हुन्छ । पहिलो दिन कम रगत गए पनि दोस्रो–तेस्रो दिन ८० मिलिग्राम सम्म रगत जान सक्छ अर्थात ३–४ वटा प्याड फेर्नुपर्ने हुन सक्छ भने कसै–कसैमा रगत जमेर वा कालो भएर आउन सक्छ ।

किशोरावस्था तथा महिनावारी सुक्ने बेलामा महिनावारीमा अनियमितता तथा ढिलाइ हुन सक्छ । त्यसबाहेक अण्डबाहिनी नली, अण्डाशयको संक्रमण, थाइराइड तथा अन्य हार्मोनको असन्तुलन, पोलिसिटिक ओभरियन सिन्ड्रमजस्ता रोगका कारण पनि महिनावारी अनियमित हुन, ढिला हुन वा रोकिन सक्छ ।

 किशोरावस्थामा महिनावारी ढिला भयो भनेर खासै आत्तिनु पर्दैन, तर समयमै परीक्षण गराएर अन्य रोग होइन भन्ने पक्का गरेको राम्रो हुन्छ ।

                                                                स्त्री तथा प्रसूति रोग विशेषज्ञ,

                                                                 मोरङ सहकारी अस्पताल

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्