नर्भिकको रजत महोत्सव

नारी संवाददाता

जेष्ठ ४, २०७५

गत महिना नर्भिक इन्टरनेसनल हस्पिटलले आफ्नो रजत महोत्सव मनाएको छ । उक्त अवसरमा स्वास्थ्य क्षेत्रमा अतुलनीय योगदान पुर्‍याउने १४ वरिष्ठ चिकित्सकलाई अभिनन्दन गरिएको थियो । समारोहमा प्रमुख अतिथि प्रदेश नम्बर ३ की प्रमुख अनुराधा कोइरालाले सम्मानितहरूलाई अभिनन्दन गरेकी थिइन् ।

रजत महोत्सवको अवसर पारेर अस्पतालले अत्याधुनिक सुविधायुक्त चार शैयाको हेमोडायलाईसिस सेवा पनि शुभारम्भ गरेको थियो, जसको विशेषताका बारेमा नर्भिकका वरिष्ठ नेफ्रोलोजिस्ट डा. राजेन्द्र अग्रवालले जानकारी दिएका थिए । नर्भिकले २५ वर्ष पार गरेको अवसरमा प्रकाशित ‘नर्भिक माइलस्टोन’ को विमोचन पनि सोही समारोहमा गरिएको थियो ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्