लिरिल फ्रेस फेस हिसिला महर्जन

नारी संवाददाता

माघ ११, २०७४

लिरिल फ्रेस फेसमा कसरी सहभागी हुनुभयो ?

म लिरिल फ्रेस फेस सिजन–२ की विनर शिक्षा संग्रौलालाई इन्स्टाग्राममा फलो गर्थें । उनलाई फलो गर्ने क्रममा लिरिल फ्रेस फेसको फर्म खुलेको कुरा थाहा पाएपछि आफैंले फर्म भरेकी हुँ ।

यसमा भाग लिन के कुराले आकर्षण गर्‍यो ?

मैले यसका ३ वटै सिजन युट्युबमार्फत हेरें । यो नयाँ मोडललाई अवसर दिने राम्रो प्लेटफर्म हो जस्तो लाग्यो । म मोडलिङमा आउन चाहन्थें तसर्थ यही नै आफ्ना लागि उपयुक्त अवसर हो भन्ने लागेर

सहभागिता जनाएँँ ।

आफू विजयी हुन्छु भन्ने लागेको थियो ?

७ सय जनाले फर्म भरेका थिए जसबाट ७० जना छानिए । अन्तिम चरणमा छानिएका १० जनाभित्र परेपछि चाहिँ मेरो आत्मविश्वास बढ्यो र प्रतियोगिता आफूले नै जित्छुजस्तो लाग्न थाल्यो ।

प्रतिस्पर्धाका क्रममा सबैभन्दा राम्रो लागेको पक्ष ?

टिमको युनिटी तथा प्रतिस्पर्धीहरूबीच पारिवारिक वातावरण ।

अब तपाईंको योजना के छ ?

एक वर्ष त लिरिलको ब्रान्ड एम्बेसडरका रूपमा काम गर्ने र अध्ययनलाई समय दिने योजना छ । त्यसपछि भने मोडलिङमै सक्रिय हुने मन छ ।

अरू केमा रुचि छ ?

पुस्तक धेरै नै पढ्छु, म बुक लभर हुँ । फुर्सद भए डान्स पनि गरिहाल्छु । बाल्यकालमा डान्सर बन्ने सपना थियो ।

तपाईंलाई मनपर्ने मोडल ?

माल्भिका सुब्बा, आस्था पोखरेल तथा शिक्षा संग्रौला ।

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्