भाँडा माझ्न रुचाउँछु : सौगात मल्ल

  • सौगात मल्ल, नायक

नारी संवाददाता

मंसिर ६, २०७४ व्यस्त जीवनको सेड्युल कसरी मिलाउनुहुन्छ ?

म सेड्युल बनाएर हिँड्दिन, जे काम छ त्यसमा हिँड्छु । व्यस्त भए पनि फुर्सदमा आनन्दले बस्छु । म टेन्सन लिएर काम गर्दिन । व्यस्तताबीचपनि समय निकालेर आराम गर्न छुटाउँदिन ।

अहिलेसम्म तपाईंले निर्वाह गरेका चरित्रमध्ये सबैभन्दा जमेको चरित्र कुन हो ?

म जस्तोसुकै चरित्र पनि जीवन्त रूपले निर्वाह गर्ने प्रयास गर्छु । लुटको हाकु कालेदेखि शब्दको दमाई, फाटेको जुत्ताको मधेसी चरित्र सबै उत्तिकै मनपर्छन् । यद्यपि दर्शकहरूमाझ उही हाकु कालेको चरित्र नै छाएजस्तो लाग्छ ।

अभिनयबाहेक अरूकेमा रुचि छ ?

म चलचित्र धेरै हेर्छु । राति प्राय: पुस्तक पढ्छु ।

तपाईंको दिमागमा हरेक समय चलचित्र नै घुमिरहन्छ कि क्या हो ?

त्यसो पनि होइन, तर कुनै चलचित्रमा काम गर्दा चरित्रलाई पर्दामा जीवन्त तुल्याउन सक्नुपर्छ भन्ने मान्यता राख्छु ।

आफू कस्तो छु जस्तो लाग्छ ?

लप्पनछप्पन नजान्ने, अभिनयमै डुब्ने अनि हाइफाइको जीवन नखोज्ने साधारण व्यक्ति ।

सँगै अभिनय गरेका नायिकामध्ये कसको कामबाट प्रभावित हुनुहुन्छ ?

दिया मास्के तथा प्रियंका कार्की ।

कस्तो गेटअपमा हिँड्न रुचाउहुन्छ ?

म पहिरनका मामिलामा त्यति चुँजी छैन । यस्तो फेसन छ, यस्तो गेटअप गर्छु भन्ने कहिल्यै सोचिएन । जिन्स र टिसर्ट नै मलाई मनपर्ने तथा सजिलो लाग्ने पहिरन हुन् ।

भान्साको काम कत्तिको गर्नुहुन्छ ?

 गर्छु,म चिया र अण्डाका परिकार निकै मीठो बनाउँछु । यद्यपि पकाउने कुरामा भन्दा भान्सा सफा गर्न र भाँडा माझ्न रुचाउँछु ।

अफेयरलाई विवाहमा कहिले परिवर्तन गर्ने त?

भोलिको कुरा भोलिलाई नै छोडौं । म वर्तमानमा बाँच्ने व्यक्ति हुँ ।

 

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्