वडाका एजेन्डा : बालविवाह मुक्त

नारी संवाददाता

मंसिर १, २०७४ 

देश चुनावी माहौलमा होमिएको छ । अहिले विभिन्न दलका विभिन्न खाले प्रतिबद्धता र एजेन्डाहरु सुन्न पाईन्छ । यसको विपरित कपिलवस्तु नगरपालिकाको वडा नम्बर १२ सौराहामा भने बालविवाह मुक्त वडा घोषणा गर्ने अभियान तिब्र पारिएको छ ।

‘साथी कपिलवस्तु आस्था परियोजना’ र वडा नम्बर १२ कार्यालयको सहकार्यमा आगामी पौषको पहिलो साता वडालाई बालविवाह मुक्त घोषणा गर्ने कार्ययोजना अनुरुप अभियानलाई तिब्रता दिईएको हो ।

अभियानका क्रममा घरदैलो, पम्पलेट र माईकिंग लगायतका कार्य सम्पन्न गर्नुका साथै स्थानीय सूचक अनुसारको अध्ययन कार्य अगाडी बढाईएको परियोजनाको जिल्ला संयोजक खग प्रसाद चापागाईले जानकारी दिए ।

नेपाल सरकार र दिगो विकास लक्ष्यले समेत बालविवाह नियन्त्रणको कार्ययोजना अनुसार काम गरेको सन्दर्भमा सचेतना र कानुनी कारबाहीलाई तिब्रता दिई बालविवाह रोक्न अभियान प्रभावकारी बनाईने वडा अध्यक्ष ओम प्रकाश पाण्डेले बताए ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्