तन्दुरी बेबिकर्न

नारी संवाददाता

कार्तिक २६, २०७४

सामग्री : बेबिकर्न ८–१० वटा, दही १ सय ग्राम, रातो खुर्सानीको पेस्ट १ चम्चा, अदुवा र लसुनको पेस्ट १ चम्चा तथा गरम मसला आधा चम्चा, बिरेनुन र नुन स्वादअनुसार, अलैंची पाउडर र जिरा पाउडर आधा चम्चा, तेल आवश्यकताअनुसार ।

विधि : पातलो सुती कपडामा दहीलाई बाँधेर ३–४ घन्टा झुन्ड्याएर राख्ने । दहीलाई बावलमा निकालेर सबै मसला हाली मज्जाले फिट्ने । बेबिकर्नलाई उक्त पेस्टमा मेरिनेट गरेर १ घन्टाजति छोड्ने । उक्त बेबिकर्नलाई तन्दुरी वा ग्रिल गर्ने । 

चिजी ओनियन रिंग्स

सामग्री : प्याज २ वटा (गोलाइमा काट्ने), बेसन ४ चम्चा, कोरेको चीज २ चम्चा, ज्वानो र धनियाँको पाउडर आधा–आधा चम्चा, रातो खुर्सानीको धूलो आधा चम्चा, नुन र चाट मसला स्वादअनुसार तथा तेल आवश्यकताअनुसार ।

विधि : बेसन, चीज, ज्वानो, धनियाँको पाउडर, नुन, चाट मसला तथा खुर्सानी एउटा भाँडामा हाली पानी मिसाएर घोल बनाउने । प्यानमा तेल तताउने । एक–एकवटा ओनियन रिंग्सलाई घोलमा डुबाएर तातो तेलमा खैरो हुन्जेल तार्ने । चिजी ओनियन रिंग्स टोम्याटो केचपका साथ खान सकिन्छ ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्