तीजमा गहना

नारी संवाददाता

भाद्र ४, २०७४

शान्ता न्यौपाने कार्की,

सञ्चालक, स्वीकृति गहना गृह

महिलाहरू तीजमा आफूसँग भएका गरगहनाको सक्दो प्रयोग गर्छन् । दर वा पार्टीमा सहभागी हुँदा होस् वा व्रत बस्दा होस् अथवा नाचगानमा सहभागी हुँदा नै किन नहोस् यो पर्वमा महिलाहरू झपक्क गरगहनामा सजिनु नेपाली संस्कृतिको एउटा पाटो नै भैसकेको छ । पोहोर सालसम्म तीजमा जन्तर खुब चल्यो, नौगेडी भर्खर–भर्खर भित्रिएको थियो ।

अहिले भने मोटो झुप्पा पोतेमा मिडियम तिलहरी खुब चलेको छ भने नौगेडी पनि लोकप्रिय छ । पछिल्लो समयमा आएर सम्भ्रान्तहरू मात्र होइन मध्यम वर्गीय महिलाहरू बरु एउटै लगाउने डायमण्ड नै लगाउने भन्ने मनस्थितिमा भएको बताइन्छ ।

तीजकै अवसरमा भए पनि कतिपय महिला उहिले जस्तो सुनले पहेंलपुर हुने चलन फेरिइसकेको छ बरु सबैजना पहिरन एवं मेकअप र हेयर स्टाइललगायत अन्य कुरामा केन्द्रित हुन थालेको पाइन्छ । यद्यपि ठूलो संख्याका महिलाहरू अझै पनि यो चाडमा सुन नै लगाउनुपर्छ भन्ने मान्यता राख्छन् । संस्कारलाई निरन्तरता दिनै परेको खण्डमा फेसनअनुसारका सुहाउँदा गहना लगाउनु उपयुक्त हुन्छ ।  

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्