ब्रेड कर्ड रेलिस

नारी संवाददाता

श्रावण १६, २०७४

सामग्री : पाउरोटी स्लाइस ४ पिस, स्याउ मसिनो तथा लामो आकारमा काटिएको १ सय ग्राम, काँक्रा मसिनो तथा लाम्चो काटिएको २० ग्राम, प्याज मसिनो गरी काटिएको २ वटा, आलु २ वटा उसिनेर मसिनो गरी काटिएको, गाजर १ वटा कोरेसोमा मसिनो गरी काटिएको, दही ३ सय ५० ग्राम, चाट मसला ५ ग्राम, चिनी स्वादअनुसार, नुन स्वादअनुसार, खुर्सानी काटिएको आवश्यकता अनुसार ।

विधि : कराहीमा आवश्यक तेल तताई खरो हुन्जेल पाउरोटी सेकाउने । अर्को एउटा गहिरो भाँडामा दही र अलिकति पानी हालेर फिट्ने । दहीलाई स्वादिलो बनाउन चाट मसला, चिनी तथा नुन हाल्ने । पहिले फ्राई गरेर राखिएको ब्रेडलाई दहीको मिक्स्चरमा डुबाउने । त्यसलाई निकालेर प्लेटमा राख्ने । ब्रेडमाथि आलु, काँक्रा, हरियो खुर्सानी, प्याज आदि हाल्ने । दहीको भाँडामा मिक्स्चर बाँकी छ भने त्यसलाई माथिबाट छर्किदिने । यसलाई माथिबाट गाजर र धनियाँले सजाउने ।  

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्