सन्तानले आर्जेको दस प्रतिशत बाबुआमालाई

नारी संवाददाता

चैत्र ३, २०७३
महिला, बालबालिका तथा समाज कल्याणमन्त्री कुमार खड्काले ज्येष्ठ नागरिकको संरक्षणमा सन्तानले आफ्नो आर्जनको कम्तीमा १० प्रतिशत रकम अनिवार्य रूपमा खर्च गर्नुपर्नेसहितको नीति लागू गर्ने कार्ययोजना अघि सारेका छन् । मन्त्रालयमा आयोजित एक पत्रकार सम्मेलनमार्फत उनले आफ्नो कार्ययोजना ज्येष्ठ नागरिकको अधिकार एवं महिलाको स्वास्थ्य सुधारमा केन्द्रित रहेको जानकारी गराए । उनले आफूलाई साना छँदा हुर्काउने र शिक्षादीक्षा दिने बाबुआमाका लागि सन्तानले आफ्नो आम्दानीको कम्तीमा १० प्रतिशत रकम खर्चनुपर्ने नीतिगत व्यवस्था गरिने बताए ।

 

‘अभिभावकको लालनपालनमा छोरा र बुहारी जिम्मेवार हुनैपर्छ, अविवाहित छोरीको हकमा समेत यो नीति लागू हुन्छ,’ उनले भने । उनले प्रत्येक जिल्लामा ज्येष्ठ नागरिकका लागि वृद्धाश्रमको निर्माण गर्ने लक्ष्यअनुरूप आगामी आर्थिक वर्ष प्रत्येक प्रदेशमा एक–एकवटा नमुना सशुल्क वृद्धाश्रम निर्माण गर्ने कार्यक्रम रहेको जानकारी दिए ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्