टेरियाको जादु

नारी संवाददाता

फाल्गुन १४, २०७३  

सन् २०१४ मा डिआइडी लिटिल मास्टर्समा ४० हजार प्रतिस्पर्धीलाई पछि पार्दै उपाधि जितेकी रुपन्देही, रुद्रपुरकी टेरिया मगरले यसपटक अर्को ठूलो सफलता हासिल गरेकी छिन् । भारतीय टेलिभिजन च्यानल कलर्सबाट प्रसारण हुने झलक दिखला जा सिजन–९ को गत महिना सम्पन्न फाइनलमा तेरियाले अन्य २ फाइनलिस्टभन्दा बढी मत प्राप्त गरेकी थिइन् । गत जुलाईमा प्रारम्भ भएको यो प्रतियोगितामा १२ जोडी (पुरुष र महिला) डान्स सेलिब्रेटी प्रतिस्पर्धामा थिए ।

 

टेरिया अक्टुबर ८ तारिखमा जुनियर च्यालेन्जरका रूपमा यो रियालिटी शोमा प्रवेश गरेकी थिइन् । रोचक कुरा के भने प्रतियोगितामा प्रवेश गरेको दुई हप्तामै आउट भएकी टेरिया वाइल्ड कार्डमार्फत अन्य तीन जनासँगै पुन: त्यसमा सहभागी भएकी हुन् । वाइल्ड कार्डबाट प्रवेश पाएकामध्ये निर्णायकको नजरमा सबैभन्दा उत्कृष्ट ठहरिएर टेरिया टप फाइभ हुँदै फाइनलमा पुगेकी हुन् ।

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्