टिनएजर पार्टी लुक्स

नारी संवाददाता

फाल्गुन १०, २०७३ 

लन्डनमा मेकअप आर्टसम्बन्धी कोर्स पूरा गरेर उतै मेकअप आर्टिस्टका रूपमा सक्रिय श्रद्धाले अहिले नेपालमै केही नयाँ गरौं भनेर आफ्नै मेकअप स्टुडियो खोलेकी छिन् । उनले नारीका लागि टिनएजर पार्टी मेकअप थिममा मोडल मतिना ताम्राकारको मेकओभर गरेकी छिन् । श्रद्धाका अनुसार मोडलको फेसकट सार्प भएकाले उनलाई सफ्नेस बनाउनुपर्छ । तसर्थ उनले मेकअप, आइब्रो सबै नै सफ्ट बनाएर यो मेकअप गरेकी छिन् ।

 

मतिनाको अनुहार लामो भएकाले चिनमा स्याडो दिएकी छिन् । उनको आँखामा श्रद्धाले हलो आइ मेकअप गरेकी छिन् । मतिनाको फिचर सार्प भएकाले आइलाइनर प्रयोग नगरी आइलाइसेस मात्र लगाइएको छ । मतिनाको परेला कर्ल गरी मस्कारा लगाइएको छ । टिनएजर भएकीले हल्का पिंक लिप नै उनलाई सुहाएको छ । कन्ट्रोलर र हाइलाइटरले मतिनाको सेपमा सफ्टनेस दिएर मेकओभर गरिएको छ । युवापुस्तामाझ पार्टीका लागि यही थिमको मेकअप उपयुक्त हुने श्रद्धा बताउँछिन् ।

मेकअप : श्रद्धा मास्के, मेकअप आर्टिस्ट

द एक्जिभिट मेकअप एन्ड फोटोग्राफी स्टुडियो, पुल्चोक

मोडल : मतिना ताम्राकार

तस्बिर : महेश प्रधान

संयोजन : सिर्जना दुवाल श्रेष्ठ

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्