आफ्नो सुरक्षा आफैं गरौं

नारी संवाददाता

माघ १९, २०७३

गत महिनाको नारीमा ‘महिलाका लागि आत्मसुरक्षा’ पढें । उक्त लेख हरेक महिलाका लागि उपयोगी छ । महिलालाई कमजोर चित्रण गर्ने, कमजोर हुन सिकाउने तथा सदैव दबाउन एवं थिचोमिचोमै पार्न खोज्ने सामाजिक अवस्थामा आफूलाई जोगाउन कसरी सक्षम हुन सकिन्छ भन्ने विषयमा लेखले थुप्रै उपाय बताएको छ । विभिन्न बहानामा हुने अत्याचार, मानसिक तथा शारीरिक शोषण झेल्न विवश महिलाहरूले एक पटक पढ्नैपर्ने उक्त लेखले कसैबाट हुने अभद्र क्रियाकलापविरुद्ध लड्न ऊर्जा प्रदान गर्छ ।

 

महिला स्वयंले शक्तिशाली बन्नुपर्ने त छँदैछ राज्यले पनि महिलामाथि हुने हिंसामा शून्य सहनशीलताको नीति अंगाल्नु आवश्यक छ । सामाजिक व्यवहारमा पुरुषको पिछलग्गु बनाइएकाले महिलाहरू पुरुषमाथि निर्भर भए पनि अहिले उनीहरूको क्षमता क्रमश: प्रकट हुँदैछ । क्षमताका हिसाबले कम नहुँदानहुँदै पनि सामाजिक परिपाटीले पाखा लगाइएका महिलाहरू अब जुर्मुराएर अघि बढ्ने बेला आएको छ । अब महिलाको क्षमतालाई कम आँक्ने र पोथीमाथि भाले जातिको प्रभुत्व जसरी पनि कायम रहनुपर्छ भन्ने मान्यता हटाएर नयाँ सम्भावनाको क्षितिज कोरिनुपर्छ जसले महिला गौरवलाई नयाँ उचाइमा पुर्‍याओस् ।

सविता काफ्ले, बुटवल 

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्