नृत्यमा अब्बल कमला

नारी संवाददाता

पुस २६, २०७३
कमला दाहाल, अन्तर्राष्ट्रिय नेपाली कलाकार समाज इनासकी केन्द्रीय बरिष्ठ उपाध्यक्ष 
टिपिकल नेपाली कल्चरल शोमा  राम्रो नृत्य प्रस्तुत गर्ने विशेष कला भएकी  डान्स पारखी हुन्–कमला । उनी अन्तर्राष्ट्रिय नेपाली कलाकार समाज इनासकी केन्द्रीय बरिष्ठ उपाध्यक्ष पनि हुन् । हाल जर्मनमा बसोबास गर्दै आएकी कमलालाई नृत्य क्विनको उपमा दिँदा फरक पर्दैन । उनको रुचिको कुरा गर्ने हो भने स्टेजको एक छेउमा आफ्ना सन्तानलाई दूध चुसाएर आफू त्यही स्टेजमा नाच्ने कला उनमा छ । सानैदेखि नृत्यमा रुचि भएकी र यस्ता कार्यक्रमहरूमा आफ्नो कला थुप्रै ठाउँमा प्रस्तुत गरिसकेकी छिन्।


युरोपका प्राय: मुलुकमा डान्स गरिसकेकी कमलाले एउटा कार्यक्रममा पाँच पटकसम्म नाचेकी छिन् । उनी भन्छिन्–‘आफू स्वदेशमा रहेर पनि कलामा टिकिराख्नुको कारण विदेशीहरूले पनि नेपाली कला–संस्कृति अत्यन्त मन पराइदिनु हो ।’सानैदेखि कलाप्रति रुचि राख्ने कमलालाई  विवाहपछि  उनका श्रीमान्ले हौसला दिइरहे । राजु शाहको सपनाको नौलो संसार चलचित्रमा महिलाको मुख्य भूमिका निभाएकी कमलाले हिमेश, किशोर भट्टराई  र ओमविक्रम विष्टका गीतहरूमा मोडलिङ पनि गरेकी छिन् । सिरियलमा समेत आफ्नो कला प्रस्फुटन गर्न भ्याएकी कमला दुई छोरीकी आमा हुन् । 

 

आफू आबद्ध इनासका बारेमा उनले निकै प्रशंसा गरिन्  । कमला इनास नेपाली कला, संस्कृितको जगेर्ना र प्रबद्र्धनका लागि जन्मिएको दाबी गर्छिन् । सन् २०१२ देखि सुरू भएको इनास वास्तवमै कला र संस्कृति प्रवद्र्धनमा दह्रिएको छ । उनी भन्छिन्– इनास अवार्ड खोल्नुको अर्काे सकारात्मक पक्ष नेपाली कलाकारको विपद्का बेला उपचारका लागि सहयोग कोषका रूपमा खोलिएको कमलाले बताइन् । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्