सुपर मोडलका धेरै सपना

नारी संवाददाता

कार्तिक २२, २०७३

क्यानाडामा क्यानेडियन ब्युटी कलेजमा पढेर उतै क्याला नेल्स एण्ड स्पाको मेडिकल एसिस्टेन्टका रूपमा कामको अनुभव बटुलेकी इच्छा कार्की यसपटककी सुपर मोडल हुन् । सुपर मोडलको उपाधि जितेपछि उनमा विदेश बस्ने मोह हराएको छ । इच्छा छोटो समयमै धेरैको नजरमा परिसकेकी छिन् । त्यसैले पनि उनले डेढ–दुई महिनाभित्रै थुप्रै पत्रपत्रिका, विज्ञापन तथा र्‍याम्प शोमा अवसर प्राप्त गरिन् । अहिले हेयर स्टाइलसम्बन्धी प्रशिक्षण लिइरहेकी इच्छा नेपालमै ब्युटी सैलुन खोल्ने तयारीमा छिन् । इच्छा सबैसँग सजिलै घुलमिल हुन्छिन् ।

 

सुपर मोडल भएलगत्तै उनलाई थुपै्र चलचित्रबाट अफर आएको थियो तर उनले नेपाली चलचित्रको अवस्था नियाल्दै ती अफरहरू अस्वीकार गरिन् । अहिले उनलाई सुविन भट्टराईको समर लभका लागि अफर आएको छ । सानैदेखि चलचित्रमा रुचि भए पनि कस्तो चलचित्रबाट डेब्यु गर्ने हो भन्ने दोधार छिन्–इच्छा । अहिले उनी बालबालिका तथा महिलाहरूका लागि संस्था खोलेर उनीहरूको सेवा गर्ने लक्ष्यका साथ अघि बढ्दैछिन् ।  

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्