ग्याजेट तथा होम अप्लाइन्सेसमा नयाँ प्रविधि

लक्ष्मी भण्डारी थापा

आश्विन ३०, २०७३  

बजारमा ग्याजेट तथा होम अप्लाइन्सेसमा नयाँ–नयाँ प्रविधि भित्रिइरहेका छन् जसले मानिसको दैनिक जीवनलाई सहज बनाउने मात्र होइन मनोरञ्जन प्रदान गरी दिचर्यालाई नै स्र्फुत बनाउन सहयोग गरिरहेका छन् । बजारमा उपलब्ध यस्ता प्रविधिले युवापुस्तादेखि लिएर वृद्धवृद्धाहरूमा समेत प्रभाव जमाइसकेका छन् ।


चौधरी गु्रपको पिजन ब्रान्डले बजारमा ल्याएको कालो रंगको कडाइ र प्रेसर कुकरको एउटै सेटमा तीनवटा बिर्का छन् जसले एउटै भाँडोमा भात पकाउन, तरकारी पकाउन र म:म स्टिम गर्न मिल्छ । ३३ सयदेखि ३५ सय ९० रुपैंयाँ पर्ने यस्ता कुकर मल्टी प्रपोज मात्र होइनन् मल्टी प्रयोग गर्न सकिने खालका छन् । हरेक सिजी शोरुममा उपलब्ध यो कुकर व्यस्त महिलाका लागि निकै उपयोगी छ । आजको व्यावसायिक जमानामा हरेक व्यस्त मानिसले जतिसक्दो छिटो काम सम्पन्न गर्नुपर्ने हुन्छ । यही कुरालाई मध्यनजर राख्दै चौधरी ग्रुपले बजारमा ल्याएको हाइ भोल्टेज मिक्स्चर र इन्डक्सन बेस्ड फास्ट कुकिङ तावा अहिले चल्तीमा छ ।

 

९ सय ५० रुपैंयाँदेखि १२ सय ५० रुपैंयाँ पर्ने यस्ता तावाको ठूलो माग रहेको वल्र्ड ट्ेरड सेन्टर त्रिपुरेश्वरस्थित सिजी डिजिटल वल्र्डकी म्यानेजर रिना झा बताउँछिन् । झा अनुसार अहिले बजारमा निस्किएका जति पनि होम अप्लाइन्सेस छन् ती व्यावसायिक तथा समय कम भएकाहरूमा केन्द्रित छन् । यही कम्पनीले उत्पादन गरेको ब्याट्रीबाट चल्ने टेलिभिजन पनि लोडसेडिङको समयमा निक्कै उपयोगी छ । गर्मी मौसममा मोबाइलमा पंखाको काम गर्ने सिजी युएसबी फ्यान अहिले युवाहरूमाझ अत्यन्तै डिमान्ड भएको ग्याजेट हो । चौधरी ग्रुपकै यो उत्पादन भर्खरै मात्र बजारमा आएको लेटेस्ट टेक्नोलोजी हो जसले एकजनाका लागि शीतलता प्रदान गर्ने काम गर्ने सेल्स एक्ज्युकेटिभ आकाश तामाङ बताउँछन् । आकाशका अनुसार प्रचण्ड गर्मीमा यसले दिने शीतलता म्यासेन्जरमा आफ्ना प्रेमीसँग गरिने च्याटको आनन्द भन्दा कम हुँदैन ।

 

सिजी विड्स सेट अर्को नयाँ ग्याजेट हो जुन भर्खरै मात्र बजारमा आएको छ । यसमा ब्लु टुथ कनेक्सन गरेर जुनसुकै ठाउँमा पनि आफूले चाहेको म्युजिक सुन्न सकिन्छ । सामसुङ होम अप्लाइन्सेसअन्तर्गत भर्खरै मात्र बजारमा भित्रिएको अटो क्यामेरा फिटिङ भएको रेफ्रिजेरेटर समय कम भएकाहरूका लागि अत्यन्तै उपयोगी छ । यसभित्र फिट गरिएको क्यामेराले फ्रिजभित्रका हरेक सामग्रीको फोटो खिच्ने काम गर्छ त्यति मात्र होइन बिग्रन लागेका फ्रिजभित्रका सामानको फोटो खिची डिस्प्ले गरिदिन्छ ताकि उक्त सामग्री समयमै बाहिर निकाल्न सकियोस् र त्यसले अन्य सामग्री नबिगारोस् । 

 


ज्योति गु्रपले नेपाल भित्र्याएको फिलिप्स ब्रान्डको इयर प्युरिफायर कोठाभित्र अक्सिजनसहितको स्वच्छ हावा फ्याँक्ने उपयोगी विद्युतीय सामग्री हो । यसलाई किन नेपाल भित्र्याइयो भन्ने प्रश्नको उत्तरमा ज्योति ग्रुपकी अनिरा ज्योति भन्छिन्–काठमाडौंमा प्रदूषण बढ्दो छ । हामीले श्वास लिँदा कत्ति स्वच्छ श्वास लिइरहेका छौं भन्न कठिन छ । यो हाम्रो प्रत्यक्ष स्वास्थ्यसँग जोडिएको विषय हो तसर्थ प्रत्येक मानिसको स्वास्थ्यलाई ध्यानमा राख्दै हामीले यो सामग्री नेपाल भित्र्याएका हौं ताकि हरेक नेपालीले दूषित श्वास लिनु नपरोस् । कोठामा जडान गरेपछि यसले फ्याँक्ने स्वच्छ र स्वस्थ हावाले आवश्यक मात्रामा अक्सिजन उपलब्ध गराउँछ । 


एलजीको रोबोर्टिक भ्याकुम निकै सुन्दर देखिन्छ । यसले निश्चित एरियाको फोहोरलाई क्षणभरमै सफा पार्ने काम गर्छ । मोबाइल स्क्रिन क्यामेराद्वारा कन्ट्रोलरको काम गर्न सकिने यो ह्याण्डी भ्याकुम क्लिनरले मोबाइल क्यामेराले निश्चित गरिदिएको एरियाभित्र सफाइको काम गर्छ । हायर ब्रान्डको रोबोर्टिक रेफ्रिजेरेटरले पेय पदार्थलाई चिसो पार्ने काम मात्र गर्दैन आफ्नै सामुन्ने बियर, वाइन वा सफ्ट ड्रिंक्स सर्भ गर्ने कामसमेत गर्छ तर यो रेफ्रिजेरेटर नेपालमा उपलब्ध छैन । एलजीको पछिल्लो उत्पादन फास्ट एण्ड फेयर डिसवासरले भाँडा सफा गर्ने मात्र होइन माझिएका भाँडामा लागेको पानीको दागलाई समेत सेन्सर क्यामेराले बाहिरै प्रस्ट देखाइदिन्छ । त्यसलाई मेटाउन अर्को स्विच दबाएपछि भाँडा सफा हुनुका साथै पानीको बचतसमेत हुन्छ । यसका लागि ५९ मिनेट कुर्नुपर्ने हुन्छ । 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्