नेशनल साईबर ओलम्पियाड भदौ १४ देखि

नारी संवाददाता

भाद्र १०, २०७३ 

कम्प्युटर बिषयका शिक्षक तथा आइटीमा आबद्ध केहि व्यक्तिहरुको अगुवाइमा ८ वर्ष अगाडि स्थापना भएको ब्रसअप अनलाइनले आफ्नो तेश्रो अन्तर विद्यालय स्तरिय आइसीटी हाजिरी जवाफ प्रतियोगिता गर्ने भएको छ । बिगत २ वर्षदेखि निरन्तर रुपमा आइसीटी हाजिरी जवाफ प्रतियोगिता गर्न सफलब्रसअप अनलाइनले यस बर्ष भने कार्यक्रम भदौको दोश्रो साताबाट शुरु गर्ने भएको हो  । नेशनल साईबर ओलम्पियाड नाम दिएको उक्त प्रतियोगिता भाद्र १४ बाट शुरु हुन्छ ।

गत वर्ष ४६ विद्यालयका ४९ टिमको सहभागिता गराउन सफल प्रतियोगितामा ललितपुरको नाइटेन्गल्स स्कुलले आफ्नो पोल्टोमा उपाधि पारेको थियो । बिगतका कार्यक्रमहरुको सफलता एवं संस्थाका पदाधिकारी तथा सदस्यहरुको उत्साहले गर्दा यसपटकको कार्यक्रम काठमाडौंमा बाहेक रा र चितवनमा पनि आयोजना गर्ने तयारी भइरहेको संस्थाका अध्यक्ष सुशील उप्रेतीले बताए । बिगतको सफलता र उत्कृष्ट सहभागिताको संख्यालाई बढाउने र यो  वर्ष ७५ टिम सहभागिता गराउने बृहत तयारी समेत भइरहेको छ । 

 

तपाईको प्रतिक्रिया

कमेन्टको लागि यहाँ click गर्नुहोस्

फेसबूक कमेन्ट गर्नुहोस्

फेसबूक छैन? यो फारम प्रयोग गर्नुहोस्