महिला दृष्टि

साहसी महिला

 अहिले नेपाली महिला तुलनात्मक धेरै अगाडि बढिसकेका छन् । समाजले महिलालाई हेर्ने दृष्टिकोणमा पनि परिवर्तन आउन थालेको छ । यसले गर्दा पनि महिलालाई हरेक क्षेत्रमा कदम बढाउन केही सहज हुँदै गएको छ । अहिले अप्ठ्यारो तथा चुनौतीपूर्ण काम गर्ने महिलाहरूको संख्या पनि बढ्दै गएको छ । अग्ला–अग्ला हिमाल चढ्ने , कायाकिङ गर्ने, अग्ला पहाडमा साइकल कुँदाउने , पहिरो तथा ठूला–ठूला बिल्डिङ एवं पहाड फोड्ने , बस चलाउने साहसी महिलाहरूको संख्या पनि बढ्दो क्रममा छ । महिलाहरू जस्तो सुकै संघर्षपूर्ण तथा अप्ठ्यारो पेसामा पनि रिस्क लिन सक्षम छन् भन्ने कुरा यसले पनि प्रमाणित गरिदिएको छ । सर्वोच्च शिखर सगरमाथा चढ्ने नेपाली महिलाको संख्या पनि बढ्दो छ । तीन पटक सगरमाथा आरो हण गरिसकेकी माया शेर्पा साहसी महिला हुन् । सन् २००३ देखि हिमाल चढ्न थालेकी माया शेर्पा सुरुमा आमादाब्लाम हिमाल चढेको बताउँछिन् । नेपाल माउन्टेरिङ एसोसियसन (नाम) मा केही समयको बेसिक ट्रेनिङ लिएपछि मात्र उनी हिमाल चढ्न थालेकी हुन् । सुरुमा केही डर लागे पनि साहस गरेर चढेपछि सबै दु:ख बिर्सने मायाले बताइन् । इतिहास बनाउन मात्र नभएर साहसिक काम गर्ने नशाजस्तै भएको माया बताउँछिन् । मायाका अनुसार अहिलेका महिला कुनै पनि कुरामा पुरुषभन्दा कम छैनन् ।रोमाञ्चक साथै चुनौतीपूर्ण साइकल यात्रा गर्ने साहसी महिला हुन्–लक्ष्मी मगर । पहाडमा पुरुषसरह साइकल कुँदाएर आफ्नो नाम उच्च राख्न सफल छिन्–लक्ष्मी । लक्ष्मीले साइकलबाटै अप्ठ्यारा पहाडको यात्रा तय गरिसकेकी छिन् । ८ वर्षदेखि चुनौतीपूर्ण क्षेत्रमा उदाहरणीय काम गरिरहेकी लक्ष्मीले राष्ट्रिय तथा अन्तर्राष्ट्रिय गरी ३२ भन्दा बढी प्रतियोगितामा भाग लिइसकेकी छिन् ।अहिलेका महिला अवसर पाए जुनसुकै र जतिसुकै अप्ठ्यारो परिस्थितिमा पनि अघि बढ्न सक्छन् भन्ने कुराको ज्वलन्त उदाहरण हुन्– डोजर चालक मुना घिमिरे श्रेष्ठ । अक्सर डोजर चालक पुरुष मात्र देखिए पनि मुनाले महिला पनि कम छैनन् भनेर प्रमाणित गरेकी छिन् । उनले पहिरो गएको ठाउँमा पहिरो पन्छाउने होस् वा भवन भत्काउने काम डोजर को माध्यमबाट गरेको धेरै वर्ष भैसकेको छ । यसै गरी पुरुषसँगै हातमा हात र काँधमा काँध मिलाएर अघि बढेकी ठूला बस चलाउने महिला रेविका थापाको आँटलाई पनि कम मान्न सकिँदैन ।महिलाको शारीरिक बनोट पुरुषको तुलनामा भिन्न भएकाले शारीरिक रूपमा उनीहरू केही कमजोर हुन्छन् भनिन्छ । महिनावारी महिलाहरूको प्राकृतिक बाध्यता हो । महिनावारी भएको समयमा महिलालाई शारीरिक एवं मानसिक रूपमा केही गाह्रो हुन्छ । यद्यपि उनीहरू आफ्नो लक्ष्यमा पुग्न दिनरात लागिपरेका छन् र सफल पनि भएका छन् ।अप्ठ्यारो तथा चुनौतीपूर्ण काम गर्ने महिलाहरूको संख्या पनि बढ्दै गएको छ । अग्ला–अग्ला हिमाल चढ्ने , कायाकिङ गर्ने, अग्ला पहाडमा साइकल कुँदाउने , पहिरो तथा ठूला–ठूला बिल्डिङ एवं पहाड फोड्ने , बस चलाउने साहसी महिलाहरूको संख्या पनि बढ्दो क्रममा छ ।

नारी संवाददाता , कार्तिक २५, २०७३

-- पुरै पढ्नुहोस् --

लैंगिक समानताका दृष्टिले नेपाल एक सय दसौं स्थानमा

पटक–पटकको जनआन्दोलन र महिलाहरूको संघर्षपछि नेपालको संविधानले महिलाहरूलाई विशेष प्राथमिकता दिएको छ ।

युवराज गौतम, चैत्र २८, २०७२

-- पुरै पढ्नुहोस् --

कति स्वच्छन्द छन् महिलाहरू ?

जीवनका कतिपय क्षण महत्वपूर्ण हुन्छन् ।.....

नारी संवाददाता , फाल्गुन ११, २०७२

-- पुरै पढ्नुहोस् --

कति स्वच्छन्द छन् महिलाहरू ?

जीवनका कतिपय क्षण महत्वपूर्ण हुन्छन् । जीवनको अप्ठ्यारो पलबाट हामीले केही न केही सिक्नुपर्छ । यसमध्ये केही स्मरण यथावत् रहन्छन् भने केही मेटिन्छन् । महिलाहरूको जीवनमा पनि यस्ता क्षणहरू आइरहन्छन् । आज महिलाहरूको जीवन स्वतन्त्र छ ।

नारी संवाददाता , पुस १७, २०७२

-- पुरै पढ्नुहोस् --

अविवाहित रहनु अभिशाप होइन

हाम्रो समाजमा कतिपय गलत धारणाले पनि स्थान पाउँदै गएका छन् । समाजमा खराब विचारहरूले स्थान पाएकै हुनाले कतिपय असल कुरा विलीन हुँदैछन् । जसले गर्दा समाजका सबै व्यक्तिले खराब कुरा मात्र देख्ने अनि सुन्ने गरेका छन् । हरेक कुराका दुई पाटा हुन्छन् ।

नारी संवाददाता , पुस ३, २०७२

-- पुरै पढ्नुहोस् --

मम्मी मेकओभर

आफ्नो प्रतिबिम्बलाई संसारमा अवतरण गर्ने चाहना हरेक नारीमा हुन्छ तर गर्भावस्थाका कारणउनको शरीरमा पर्ने प्रभावलाई लिएर अधिकांश महिला आशंकित रहन्छन् ।

झरना नहर्की, मंसिर २१, २०७२

-- पुरै पढ्नुहोस् --

घुम्टोभित्रका हीरा

महिलाहरू हरेक क्षेत्रमा व्यावसायिक रूपमा अघि बढ्न धर्म बाधक बनेको भन्दै संसारभरबाट विरोध आइरहेका बेला यही समुदायका कतिपय महिलाले आफ्नो साहस र संघर्षलाई खुलेर अभिव्यक्त गरिरहेका छन् । विखण्डित समाजमा हुर्किएका उनीहरूले चलिआएको संस्कारलाई सहर्ष स्वीकार गरेका छन् तर सँगै आफ्नो विकास र सशक्तीकरणमा पनि आफूलाई परिमार्जित गर्दै लगेका छन् । त्यति मात्र होइन, उनीहरू आफ्नो संस्कारको मर्मलाई मर्न नदिई आफ्नो क्षेत्रमा अघि बढिरहेका छन् । यसको उदाहरण बंगलादेशमा महिला प्रधानमन्त्रीहरूको निरन्तरता पनि हो । एयरपोर्टबाट बाहिर निस्कँदा बुर्काभित्र रहेका महिला बढी देखिए पनि यथार्थ बुझ्दै जाँदा उनीहरू परिवारभित्र निर्णयको स्वतन्त्रता, आर्थिक स्वतन्त्रता तथा शिक्षामा अब्बल भेटिए ।

झरना नहर्की र लक्ष्मी भण्डारी थापा ढाकाबाट फर्किएर , भाद्र ६, २०७२

-- पुरै पढ्नुहोस् --

संकलित विचार

अबको संविधानले समानतालाई सुनिश्चित गर्नुपर्छ । नागरिक–नागरिकबीचको विभेद अन्त्य गर्न वंशजको आधार र अङ्गीकृत नागरिकतासम्बन्धी व्यवस्था लैङ्गिक समानताको दृष्टिकोणबाट न्यायोचित हुनुपर्छ । प्रत्येक महिलाको सुरक्षित मातृत्व तथा प्रजनन स्वास्थ्यको अधिकार सुनिश्चित गर्नुपर्छ ।

दीपक दहाल, भाद्र १, २०७२

-- पुरै पढ्नुहोस् --