कला

सदन द फाइभ पेटल्स

 युवा महिला कलाकार सविता डंगोल, अनिशा महर्जन, दीपमाला महर्जन, अनामिका गौतम तथा नम्रता सिंहका अन्तहर््दयका आवाजहरू ‘सदन: द फाइभ पेटल्स’ चाकुपाटस्थित क्लासिक ग्यालरीमा प्रस्तुत भएका छन् । यी ५ जना कलाकारले आ–आफ्नो क्यानभासमा स्वतन्त्र विषयवस्तुमा आफ्ना भावना व्यक्त गरेका छन् । सविता, अनिशा, दीपमाला, नम्रता एउटै कलेजमा एमएफए गरेका सहपाठी हुन् भने अनामिकाले लखनउ युनिभर्सिटीबाट स्नातक गरेकी हुन् । उनीहरूले आ–आफ्नो कलामार्फत महिला सशक्तीकरण, देशको अवस्था एवं समसामयिक विषय आदिलाई प्रस्तुत गरेका छन् । एउटै फूलका ५ फरक पत्रझैं यी युवा कलाकार एउटै मञ्चमा समाजका फरक–फरक आयाम लिएर प्रदर्शनीमा उपस्थित भएका हुन् ।एउटै ब्याचमा एमएफए गरे पनि सक्रियताको हिसाबमा कलाकार सविता डंगोलले ४ वटा एकल कला प्रदर्शनी गरिसकेकी छिन् भने उनी विदेशका प्रदर्शनीहरूमा समेत सहभागी भैसकेकी छिन् । सविताको कलाको प्रतीक काइँयो हो । उनका यहाँ समावेश कलामा पनि काइँयो र प्रेमिल जोडीहरू समावेश छन् । प्रेमिल जोडीलाई आफ्नो चित्रकलाको मुख्य विषय बनाएकी सविताले आफ्नो मूल प्रतीक काइँयोलाई यथावत् राखी अष्ठमण्डलका आकृतिलाई समावेश गरेकी छिन् । बौद्ध धर्मदर्शनले अष्ठमण्डललाई शुभमंगलको प्रतीकका रूपमा लिने गरेको छ । कलाकार दीपमालाले आफ्नो क्यानभासमार्फत पितृसत्ताले विवाहित महिलालाई कति साँघुरो ठाउँ दिएको छ र उनीहरू कसरी अप्ठेरो गरी बसेका छन् भन्ने कुरा उजागर गरेकी छिन् । उक्त साँघुरो घेरा कुनै दिन तोडिन सक्छ भन्ने सन्देश पनि उनका चित्रमा पाइन्छ ।कलाकार अनामिकाले समाजमा विद्यमान लैंगिक विभेद, सामाजिक संरचना तथा राजनीतिक समस्याप्रति आफ्नो विरोधपूर्ण विचार व्यक्त गरेकी छिन् । अनामिका क्यानभासमा रंग भर्नुअघि नेपाली कागज टाँस्छिन् र विभिन्न टेक्निक अपनाई त्यसमा चित्र कोर्छिन् । यो उनको पृथक् अभ्यास हो ।अनिशाले आफूले भोगेका तथा वरपर देखेका घटनाहरूका कारण उत्पन्न हुने विचार तथा अनुभूतिहरूलाई चित्रमार्फत व्यक्त गरेकी छिन् । विशेषगरी उनले पितृसत्ताको खोलमा मिल्काइएका महिला अनुभवलाई उजागर गरेकी छिन् । अनिशाका चित्रमा महिला तथा बालबालिकाहरूका विविध पक्ष समेटिएका छन् ।कलाकार नम्रताले भने बुद्धको ज्ञान, आध्यात्मिकपथ एवं नि:स्वार्थ प्रेमलाई आत्मसात् गर्दै तिनमै केन्द्रित चित्रहरू कोरेकी छिन् । उनका चित्रमा मिथिला कलाको छनक पाइन्छ ।  

सिर्जना दुवाल श्रेष्ठ, आश्विन ११, २०७५

-- पुरै पढ्नुहोस् --

सेरामिक्स कलामा आकर्षण

रिस्ताले १० कक्षा पढ्दादेखि नै सेरामिक्स आर्ट सिक्न थालेकी हुन् । कलाप्रेमीको घर नजिककी रिस्तालाई सानैदेखि फायरिङ गरेको स्टाइल, भाँडा पोल्दाको गन्ध आदि निकै मन पथ्र्यो । त्यसैले उनी त्यहाँ सेरामिक्स आर्ट सिक्न पुगिन् । त्यहाँ सिक्न आउनेहरूमध्ये उमेरले सबैभन्दा सानी भए पनि सेरामिक्स आर्टकी पाकी महिला कलाकार भने उनै हुन् ।

सिर्जना दुवाल श्रेष्ठ, श्रावण ४, २०७५

-- पुरै पढ्नुहोस् --

रेग्मीको नवौँ चित्रकल प्रदर्शनी

सन २०१३ मा “बुद्धका अनुहारहरु’ शिर्षकको सातौँ एकल चित्रकला प्रदर्शनीबाट ख्याती कमाएकी सन्ध्या रेग्मीले नेपाल र बिदेशमा गरी नौ पटक सम्म आफ्नो पेन्टिङहरु प्रदर्शनी गरिसकेकी छिन् ।

नारी संवाददाता , असार ३१, २०७५

-- पुरै पढ्नुहोस् --

एरिनाको तेस्रो नेत्र

२५ वर्षको चित्रकारिताको निरन्तरतामा उनले महिलाका थुपै्र आयाममा चित्र कोरिसकेकी छिन् । यद्यपि थर्ड आईको सिरिजमा विशेष आत्मसन्तुष्टि मिलेको उनी बताउँछिन् । एरिनाले थर्ड आईको सिम्बोल देवीकुमारी, महादेव तथा बुद्धबाट लिएकी हुन् । महिलाहरूलाई तेस्रो नेत्र आवश्यक छ । चित्रमा महिला हिंसाविरुद्ध सशक्तीकरणको महत्वको सन्देशका साथै नारी र प्रकृति उस्तै हुन् भन्ने भाव पनि छ ।

सिर्जना दुवाल श्रेष्ठ, असार २७, २०७५

-- पुरै पढ्नुहोस् --

रंगमञ्चको एक्सन कटमा महिला

महिलाले गरेको कामलाई ‘एसेप्ट’ गर्न नसक्ने परिपाटी रंगमञ्चमा पनि हाबी रहेको रंगकर्मीहरु बताउँछन् । पुरुषले भन्दा राम्रो क्षमता प्रस्तुत गरेका महिलालाई ‘महिला भएकै कारण’ इन्करेज गर्ने तर, उनीहरुको क्षमतालाई ‘डोमिनेट’ गर्ने परम्पराका कारण पनि महिलाले रंगमञ्चको एक्सन कटमा उल्लेख्य उपस्थिती जनाउन नसकेको पुराना पुस्ताको भनाई छ ।

राधिका अधिकारी, माघ ८, २०७४

-- पुरै पढ्नुहोस् --

छैनन् कलाका नेपाली ग्राहक

कलामा गीत–संगीत तथा चलचित्रको जस्तै कलाको प्रचार–प्रसार हुन नसक्दा आर्टका बारेमा थोरैले मात्र चासो राख्ने सुदेशा बताउँछिन् । विभिन्न पर्यटकीय स्थलका ग्यालरीबाट केही थान चित्र विदेशी पर्यटकले किने पनि आर्टका विशुद्ध नेपाली ग्राहक भने लगभग नभएको दुखेसो छ ।

राधिका अधिकारी, मंसिर ६, २०७४

-- पुरै पढ्नुहोस् --

राष्ट्रिय ललितकला प्रदर्शनी

नेपाल ललितकला प्रज्ञा प्रतिष्ठानको आयोजनामा गत महिना सातौं राष्ट्रिय ललितकला प्रदर्शनी–२०७४ बबरमहलस्थित आर्ट काउन्सिलमा सम्पन्न भयो । यो वर्षको प्रदर्शनीमा प्रतियोगी तथा अप्रतियोगी गरी विभिन्न विधाका कुल ४ सय ५८ कलाकृति प्रदर्शन गरिए जुन ४ सय २८ जना कलाकारले निर्माण गरेका थिए ।

नारी संवाददाता , असार २०, २०७४

-- पुरै पढ्नुहोस् --

विश्वभरका कलाकारहरूको जमघट : काठमाडौं ट्रिएनल

विश्वभर आयोजना हुँदै आएको ट्रिएनल नेपालमा पहिलो पटक सिद्धार्थ आर्ट फाउन्डेसनले काठमाडौं ट्रिएनलका रूपमा सम्पन्न गर्‍यो । उक्त ट्रिएनलको उद्देश्य नेपाली कला–संस्कृतिलाई चिनाउनुका साथै काठमाडौंलाई दक्षिण एसियाको कल्चरल हबका रूपमा विकास गर्ने रहेको काठमाडौं ट्रिएनलका निर्देशक निश्चल वलीले बताए।

सिर्जना दुवाल श्रेष्ठ, वैशाख १३, २०७४

-- पुरै पढ्नुहोस् --

कस्तो सेपका लागि कस्तो पहिरन ?

कम्मरभन्दा तल्लो भाग मोटो छ यसमा विशेष ध्यान दिनुपर्छ । यसका लागि स्ट्रेट कट जिन्स पाइन्ट लगाउनुपर्छ सिगरेट पाइन्ट लगाउनु हुँदैन ।

नारी संवाददाता , चैत्र ८, २०७३

-- पुरै पढ्नुहोस् --

जादु पेडिङको

ब्रेस्ट ट्रान्सप्लान्टभन्दा धेरै गुणा कम जोखिम र कम खर्चमा हेभी ब्रेस्ट प्राप्त गर्ने सबैभन्दा सरल उपाय पेडेड तथा पुसअप ब्राको प्रयोग हो । यसबाट स्तनलाई ठूलो देखाउन सकिन्छ । यसलाई कुनै पनि पहिरनअनुरूप लगाउन सकिन्छ ।

नारी संवाददाता , पुस २८, २०७३

-- पुरै पढ्नुहोस् --

पियर बडी सेप

यो बडी सेपमा शरीरको तल्लो भाग, शरीरको माथिल्लो भागको तुलनामा ठूलो हुन्छ । हिप्स पोर्सन सोल्डर्सभन्दा चौडा हुन्छ । यो बडी सेपमा हिप्सबाट ध्यान हटाएर पातलो कम्मरलाई उभार्नुपर्ने हुन्छ । आफ्नो सोल्डर्सलाई भोल्युम प्रदान गर्नुपर्छ र शरीरको तल्लो भागमा भोल्युम कम गर्नुपर्ने हुन्छ । यो बडी सेपले फेमिनेन लुक प्रदान गर्छ र पातलो कम्मर आकर्षणको केन्द्र बन्छ ।

नारी संवाददाता , पुस २४, २०७३

-- पुरै पढ्नुहोस् --