मिस नेपाल

मिस नेपाल–२०१९ का खोजी हुँदै

वर्ष २०१८ का मिस नेपाल वर्ल्ड श्रृङ्खला खतिवडा, मिस नेपाल युनिभर्स मनिता देवकोटा तथा मिस नेपाल अर्थ प्रिया सिग्देलले आ–आफ्नो अन्तर्राष्ट्रिय प्रतियोगितामा प्राप्त गरेको उपलब्धि एवं सफलताका कारण उनीहरूको उत्तराधिकारी को होलान् भन्ने कौतूहलता बढ्दै गएको छ । यही कौतूहलताको यथार्थ आधार खोज्ने कार्य मिस नेपाल–२०१९ का लागि सम्पन्न अडिसनमा सम्पन्न भएको छ । मिस नेपाल–२०१९ का लागि देश दौडाहामा निस्किएको मिस नेपाल आयोजक संस्था द हिडेन ट्रेजरले संघीय राजधानी काठमाडौंलगायत देशका प्रमुख सहरहरूमा अडिसन सम्पन्न गरेको छ । मिस नेपाल–२०१९ का लागि फागुन २९ देखि चैत १ गते सम्ममा धनगढी, नेपालगन्ज, बुटल र पोखरामा,  चैत्र ३ देखि ५ गते सम्ममा चितवन, वीरगन्ज, धरान र विर्तामोडमा चैत १० गते काठमाडौंमा फाइनल अडिसन संचालन गरिएको थियो । होटल अन्नपूर्णमा सम्पन्न फाइनल अडिसनमा मिस नेपाल आयोजक संस्था द हिडेन ट्रेजरका गोपाल सुन्दरलाल कक्षपति, सुवर्ण राणा, दिवाकर राज कर्णिकार, रुपेश श्रेष्ठ, कोरियोग्राफर रचना गुरुङ शर्मा तथा पूर्व मिस नेपालद्वय मलिना जोशी एवं इशानी श्रेष्ठ निर्णायकका रूपमा सहभागी थिए । अब अडिसनबाट चयन भएका अन्तिम २० देखि २५ जनालाई काठमाडौंमा सात हप्ता लामो ग्रुमिङ तथा प्रशिक्षणपश्चात् २०७६ को वैशाख २६ गते काठमाडौंमा सञ्चालन हुने ग्रान्ड फिनालेमा उतारिनेछ । प्रतियोगिताको फाइनलका लागि मिस नेपाल ओसिनिया–२०१८ अनुष्का श्रेष्ठ, मिस हङकङ नेपाल–२०१८ प्रिया गुरुङ, मिस पूर्वाञ्चल–२०१८ पूजा श्रेष्ठ, मिस पोखरा–२०१८ सारा बजिमयले मिस नेपाल–२०१९ले सोझै प्रवेश पाएका छन् ।यस पटकको मिस नेपालबाट मिस नेपाल वर्ल्ड, मिस नेपाल युनिभर्स, मिस नेपाल अर्थ, मिस नेपाल इन्टरनेसनल तथा मिस नेपाल सुप्रानेसनलको समेत छनौट गरिनेछ । मिस नेपाल–२०१९ मा रचना गुरुङ शर्मा अफिसियल कोरियोग्राफर, राजभाइ सुवाल अफिसियल फोटोग्राफर, मनिष राई, वुमेन्स प्लानेटका सुष्मा सिंह तथा नटराज द बुटिकका आशुतोष अग्रवाल अफिसियल डिजाइनर रहनेछन् । काठमाडौं जेसिजको रजत जयन्ती समारोहका अवसरमा थालनी भएको मिस नेपाल प्रतियोगिताले वर्ष २०१९ मा आफ्नो आयोजनाको रजत जयन्ती वर्ष मनाउादैछ अर्थात् मिस नेपाल आयोजनाको यो २५ औं वर्ष हो । 

नारी संवाददाता , चैत्र १८, २०७५

-- पुरै पढ्नुहोस् --

‘मिसेस नेपाल ग्ल्याम’को आवेद खुल्यो

‘मिसेस नेपाल ग्ल्याम’को दोस्रो अडिसन सुरु भएको छ । आयोजक ग्ल्याम वल्र्ड इन्टरटेनमेन्टले बुधबार विज्ञप्ति जारी गरी ‘मिसेस नेपाल ग्ल्याम २०१९’को आवेदन खुला भएको जनाएको हो ।

नारी संवाददाता , फाल्गुन १६, २०७५

-- पुरै पढ्नुहोस् --

सुरु भयो मिस नेपाल २०१९ को खोजी 

राजधानीमा यसै साता आयोजना गरिएको एक पत्रकार सम्मलेन मार्फत् मिस नेपाल २०१९ को खोजी कार्य विधिवत् रुपमा प्रारम्भ भएको घोषणा गरिएको थियो । द हिडेन ट्रेजरको आयोजनामा संचालन हुने मिस नेपाल २०१९ मा सहभागिता हुनका लागि इच्छुक युवती १९ देखि २५ वर्ष उमेर समूहको हुनु पर्ने प्रावधान रहेको छ ।

रोजिन शाक्य, फाल्गुन १३, २०७५

-- पुरै पढ्नुहोस् --

अन्तर्राष्ट्रिय ब्युटी प्याजेन्टमा सफलता

हाम्रो छिमेकी देश भारतले मिस वल्र्ड, मिस युनिभर्सदेखि धेरै अन्तर्राष्ट्रिय प्याजेन्ट जितिसकेको छ भने अर्काे छिमेकी देश चीनले थुप्रै पटक मिस वल्र्डदेखि अन्य अन्तर्राष्ट्रिय प्याजेन्टहरू आयोजित गर्दै आएको छ ।

सिर्जना दुवाल श्रेष्ठ, पुस ५, २०७५

-- पुरै पढ्नुहोस् --

मिस नेपाल आइडल मेरिना

पहिलो पटक राजधानीमा सम्पन्न मिस नेपाल आइडलको शिर्ष उपाधि मेरिना लिम्बुले उचालेकी छिन् । यसै साता सम्पन्न प्रतियोगीतामा धरानकी मेरिनाले १६ प्रतियोगीलाई पछि पार्दै उपाधि हात पारेकी हुन् । उनले इन्टेलिजेन्ट विधाको अवार्ड समेत हात पारेकी छिन् ।

नारी संवाददाता , असार १५, २०७५

-- पुरै पढ्नुहोस् --

रोनाली अमात्य, मिस नेपाल इन्टरनेसनल

उनी उपाधि जित्छु भन्ने टार्गेटका साथ यसमा सहभागी भएकी थिइन् । उनमा म सफल हुन्छु भन्ने भरपूर आत्मविश्वास पनि थियो । आत्मविश्वासले नै उनलाई मिस नेपाल–२०१८ मा मिस नेपाल इन्टरनेसनलको उपाधि जित्न सघाउ पुर्‍यायो । उपाधिसँगै रोनालीले जापानमा हुने मिस इन्टरनेसनल–२०१८ मा नेपालको प्रतिनिधित्व गर्नेछिन् ।

नारी संवाददाता , असार ३, २०७५

-- पुरै पढ्नुहोस् --

मनिता देवकोटा, मिस नेपाल युनिभर्स

मिस नेपाल युनिभर्स भएपछि आफूमा जिम्मेवारी थपिएको महसुस गर्ने मनिता अब अन्तर्राष्ट्रिय प्रतियोगिताको तयारीमा लागेकी छिन् । मिस युनिभर्सको यसपटकको थिम कन्फिडेन्ट्ली ब्युटिफुल भएकाले मनिताले ग्ल्यामर र फिजिकमा विशेष ध्यान दिइरहेकी छिन् ।

नारी संवाददाता , जेष्ठ ३१, २०७५

-- पुरै पढ्नुहोस् --

प्रिया सिग्देल, मिस नेपाल अर्थ–२०१८

नृत्य तथा यात्रामा रुचि राख्ने प्रियाले सफल सामाजिक अभियन्ता बन्ने लक्ष्य लिएकी छिन् । उक्त लक्ष्य साकार तुल्याउन पहिले सबैको नजरमा पर्नुपर्छ भन्ने मान्यताकै कारण उनले मिस नेपालमा भाग लिएकी हुन् । प्रियाले मिस नेपालमा सहभागी हुनु नै हरेक प्रकारले उपयोगी हुनु हो भन्ने कुरा आफ्नो सामाजिक अभियानकै क्रममा अनुभव गरिसकेकी थिइन् ।

नारी संवाददाता , जेष्ठ २७, २०७५

-- पुरै पढ्नुहोस् --

मिस नेपाल २०१८ को ताज श्रृंखलालाई

मिस नेपाल– २०१८ को उपाधि हेटौंडाकी श्रृंखला खतिवडाले जितेकी छन् । हिडन ट्रेडरले बुधबार साँझ काठमाडौंमा आयोजना गरेको २३ औं संस्करणको मिस नेपाल– २०१८ को उपाधि श्रृंखला २२ वर्षीया खतिवडाले जितेकी हुन् ।

नारी संवाददाता , चैत्र २९, २०७४

-- पुरै पढ्नुहोस् --

मिस नेपालमा सहभागी हुन दुई वर्षदेखि तयारी

ललितपुरकी सहारा बस्नेत सानैदेखि सौन्दर्य प्रतियोगिताहरूमा रुचि राख्थिन् । उनले ४ कक्षामा पढ्दादेखि नै मिस नेपालमा भाग लिने सपना पालेकी थिइन् । काठमाडौं विश्वविद्यालयमा स्नातक तह अध्ययनरत सहारा समाजसेवामा पनि संलग्न छिन् ।

नारी संवाददाता , श्रावण ३२, २०७४

-- पुरै पढ्नुहोस् --

आत्मविश्वास बढेको महसुस

काठमाडौंकी रोजिना श्रेष्ठ आफ्नो आत्मविश्वास, लगनशीलता, परिश्रम तथा मेहनतका कारण मिस नेपाल अर्थको उपाधि हात पार्न सफल भएको बताउँछिन् । सानैदेखि विभिन्न किसिमका इभेन्टमा सहभागी हुन रुचाउने रोजिनाले मिस एपेक्स–२०१४ को उपाधि जितेकी थिइन् ।

नारी संवाददाता , श्रावण २०, २०७४

-- पुरै पढ्नुहोस् --