बजार रिपोर्ट

सुन्दर देखिन नयाँ प्रविधि

 सुन्दर देखिन सामान्यतया गाजल, टीका, सिन्दूर अनि चुरापोतेजस्ता सामग्री प्रयोग गर्ने हाम्रा आमा–हजुरआमाको समयमा अहिले ठूलो परिवर्तन आइसकेको छ । माथि भनिएका सौन्दर्य सामग्री प्रयोग नगरी अन्य विधिद्वारा आकर्षक देखिने ट्रेन्ड बढिरहेका बेला सुन्दरता थप्न नयाँ प्रविधिसँगै नयाँ शैलीको थालनी भएको छ । माइक्रोब्लेडिङ, हेयर ब्रिडिङ तथा एक्सटेन्सन, हेयर ट्रान्सप्लान्ट, बोटोक्स, आइल्यासेस–एक्सटेन्सन, नेल एक्सटेन्सन तथा आर्ट, बडी स्लिमिङ, केमिकल पिलिङ आदि प्रविधिले मानिसलाई सुन्दर बनाउने मात्र होइन सधै जवान देखाउने र सौन्दर्यमा निखार थप्ने काम गरिरहेका छन् । अस्ट्रेलियाको सिड्नी ब्युटी स्कुलबाट सौन्दर्यका पछिल्ला प्रविधि अध्ययन गरेर नेपाल फर्किएकी कस्मेटिक ट्याटु आर्टिस्ट तथा हेयर स्पेशलिस्ट सान्द्रा पुन भन्छिन्–‘सौन्दर्य जगत् विशाल र कल्पना बाहिरको छ । हामी थोरै नेपाली मात्र भर्खरै यसमा सक्रिय हुँदैछौं । यदि हामीले यससम्बन्धी ज्ञान र सूचना प्राप्त गर्न सक्यौं भने हामी सधै सुन्दर देखिनुका साथै आफ्नै देशमा रोजगारी प्राप्त गर्न सक्षम हुन्छौं । महिलाका लागि यो व्यवसाय सुरक्षित र सहज छ ।’अहिले नेपालमा त्यस्ता थुप्रै ब्युटी क्लब, स्टुडियो तथा स्लिमिङ सेन्टरहरूले सेवा प्रदान गरिरहेका छन् जसले शरीर घटाउनेदेखि शरीरको सेप निकाल्ने, छालालाई आकर्षक देखाउने, केशै नभएकाहरूको केश उमारेर लहराउँदो केशको रहर मेटिदिने, साना आँखा भएकाहरूलाई ठूलो र आकर्षक आँखा बनाइदिने, बाक्लो तथा लोभलाग्दो आँखीभौं र आइल्यासेस सिर्जना गर्ने यस्ता स्थानमा दक्ष विशेषज्ञ र पछिल्ला प्रविधि देख्न पाइन्छ । नेपाल तथा दुबईमा नेल आर्ट र एक्सटेन्सनको काम गरिरहेका सुनीलजंग मल्लका अनुसार अहिले नङ बनाउनेहरूको संख्या ५० प्रतिशतले बढेको छ । ‘केही समयअघि आर्टमा माक्र सीमित यो कला अहिले जेल, एत्रेलिक हुँदै मार्बल डिजाइनसम्म आइपुगेको छ ।’ टिजङ्स नेपाल एन्ड दुबईका सिइओ तथा नेल आर्टिस्ट मल्लले भने–‘नेलमा अहिलेको लेटेस्ट प्रविधि भनेको मार्बल डिजाइन हो जुन बढी एक्रेलिकमा गरिन्छ तर जेलमा पनि गर्नै नमिल्ने होइन ।’ लिड हेयर रिप्लेसमेन्ट टेक्नोलोजी राजेश विक्रम शाहका अनुसार यस्ता फरक खालका सेवाले मुलुकको जनशक्तिलाई थप जुझारु, आत्मविश्वासी र उत्पादनमुखी बन्न सघाउँछ । व्यावसायिक जीवनमा आफ्नो लुक्सका कारण पछाडि छोडिएका र छोडिन लागेका धेरैलाई राजेशको सेवाले आत्मविश्वास दिलाएको छ । शाह भन्छन्–‘करियर उँचो राख्न व्यक्तिगत लुक्सको पनि धेरै ठूलो महत्व हुन्छ । व्यक्तित्वलाई बलियो बनाउने भनेको आउट लुक्स नै हो । हामी केश बुन्ने होइन मानिसको सपना बुन्छौं र त्यसलाई साकार पार्छौं ।’ कस्मेटिक डर्माटोलोजिस्ट डाक्टर शिरपा बज्राचार्यलाई सुन्दर देखिनु आधा काम फत्ते गर्नु हो भन्ने लाग्छ । विशेषतः छालालाई कसरी यौवन, सुन्दर र सदाबहार राख्ने भन्ने काममा कार्यरत यी डर्माटोलोजिस्ट जवान देखिँदा जवानीकै जस्तो जोस–जाँगर र फुर्ती आउने दाबी गर्छिन् जसको प्रभाव सम्बन्धित व्यक्तिको काम, करियर तथा स्टामिनामा समेत पर्छ । 

लक्ष्मी भण्डारी थापा, चैत्र २६, २०७५

-- पुरै पढ्नुहोस् --

उज्यालोका लागि मात्र रहेन बत्ती

अहिले बजारमा ९९ प्रतिशतभन्दा बढी लिड–लाइट्स नै उपलब्ध छन् जसको मुख्य कारण कम बिजुली खपत नै हो । शुभ इलेक्ट्रिक इन्टरप्राइजेज भोटेबहालका नवराज पोखरेल बत्तीको इतिहास प्रस्ट्याउँदै भन्छन्–ॅपहिले फिलामेन, त्यसपछि सिसिएल, सिएफएल हुँदै हामी अहिले एलइडी अर्थात् लिडमा आइपुगेका छौं । लिडकै कारण आज हामी लोडसेडिङको चपेटाबाट मुक्त छौं ।’

लक्ष्मी भण्डारी थापा, चैत्र ३, २०७५

-- पुरै पढ्नुहोस् --

यसरी रहौं न्यानो

जाडो महिनामा मसलायुक्त खानेकुराको प्रयोग बढी मात्रामा हुन्छ जसले शरीरलाई न्यानो राख्न सघाउँछ । हिमाली भेगतिर, जहाँ अत्यधिक चिसो र हिउँ पर्ने हुन्छ त्यहाँ फापरको पिठो राखी बनाइएको सुपमा च्याङ्ग्राको सुकुटी मिसाइन्छ, त्यति मात्र होइन विभिन्न जडीबुटी हालेर त्यसलाई अझ स्वादिष्ट बनाइन्छ ।

लक्ष्मी भण्डारी थापा, माघ ३, २०७५

-- पुरै पढ्नुहोस् --

जाडोका प्रसाधन

जाडो लक्षित हेयर तथा स्किन केयरका विभिन्न प्रसाधन अहिले नेपाली बजारमा भित्रिएका छन् । अहिले उच्च गुणस्तरीय ब्रान्डका हेयर तथा स्किन केयर सामग्री नेपालमै उपलब्ध हुन थालेका छन् ।

नारी संवाददाता , पुस ११, २०७५

-- पुरै पढ्नुहोस् --

ज्वेलरी डिजाइनमा नैना

अमेरिकामा सम्पन्न ८० भन्दा बढी मुलुक सहभागी ‘प्रेस्टिजियस ज्वेलरी डिजाइन कम्पिटिसन’ मा टप फाइभमा परेकी काजलको ‘लोटस इन पोन्ड–रेनइसेन्स’ अर्थात् पोखरीमा तैरिरहेको कमलको फूलमा आधारित डिजाइनको औंठी संसारभरका मानिसले मन पराए ।

काजल नैना शेरचन राई, मंसिर १२, २०७५

-- पुरै पढ्नुहोस् --

छुट तथा सेलको रौनक

छुट तथा सेल ग्राहकलाई लोभ्याउने प्रमुख अस्त्र पनि हुन् । छुट भन्नासाथ कुनै पनि सामानमा सहुलियत भन्ने बुझिन्छ । चाडपर्वलगायतका विशेष अवसरमा छुटको बोर्ड सबैजसो पसलमा देख्न सकिन्छ । एउटा किन्दा अर्को सित्तैमा, दुईवटा खरिद गर्दा एउटा अर्को सित्तैमा, २५ देखि ५० प्रतिशतसम्म छुटजस्ता बोर्ड जताततै देखिन्छन् ।

नारी संवाददाता , आश्विन १६, २०७५

-- पुरै पढ्नुहोस् --

शिरोधारा

मनतातो तेलको स्पर्शले मस्तिष्कमा शीतलता प्रदान गर्छ अनि रक्त सञ्चार बढाउँछ । गसले ब्रेनमा अल्फाबिटा वेभ उत्पादन गर्न सहयोग पुर्‍याउने हुँदा डिप्रेसन, एन्जाइटी, अनिन्द्रा आदि समस्या कम गरी स्मरणशक्ति बढाउने काम गर्छ ।

नारी संवाददाता , भाद्र ३१, २०७५

-- पुरै पढ्नुहोस् --

स्पा तथा नेचुरोपेथी उपचार

सन् २००८ मा खुलेको ट्रयांक्युलिटी स्पाले यो क्षेत्रमा क्रान्ति नै ल्याएको हो । स्पा सर्भिसका अतिरिक्त यससम्बन्धी शैक्षिक तालिम उपलब्ध गराएर आफ्नो छुट्टै ब्रान्ड स्थापित गर्न सफल ट्रयांक्युलिटी स्पाको विशेषता आयुर्वेदिकका साथै भेराइटिज अफ मसाज र शिरोधारा नै हो ।

लक्ष्मी भण्डारी थापा, भाद्र ३१, २०७५

-- पुरै पढ्नुहोस् --

फ्युजन र युनिक ज्वेलरी तथा एसेसरिज

पहिलेजस्तो फेसनमा जे भित्रिएको छ, त्यसकै पछि दगुर्नेहरू अहिले निकै कम हुँदै गएका छन् । जसरी महिलाहरू पहिरन, ब्याग, जुत्ता एवं मेकअपमा युनिक हुने दौडमा हुन्छन् त्यसैगरी एसेसरिज तथा ज्वेलरीमा पनि उत्तिकै विविधता खोज्छन् । अहिलेका महिलाहरू पूजा तथा घरका पार्टीहरूमा डायमण्ड तथा गोल्डका गहना लगाए पनि अन्य पार्टी एवं कार्यक्रममा आफ्नो पूरै मेकओबर खोज्छन् ।

सिर्जना दुवाल श्रेष्ठ, चैत्र २, २०७४

-- पुरै पढ्नुहोस् --

रौनक रोयल फर्निचरको

केही समययता मानिसहरू क्लासी लुक्सबाट लोभिन थालेका छन् । रोयल लुक्स दिने जुनसुकै चीज हुन् आधुनिक मानिसहरू सजावटका रूपमा सुरक्षित राख्न चाहन्छन् । पहिरन, मेकअप, जुत्ता–ब्याग मात्र होइन खानपान एवं जीवनशैलीमा समेत क्लासी लुक्स देखापर्न थालेको छ ।

लक्ष्मी भण्डारी थापा, मंसिर २८, २०७४

-- पुरै पढ्नुहोस् --

ग्याजेट्स थरीथरी

ग्याजेट आधुनिक युवाका लागि व्यक्तित्व झल्काउने सामग्री हो । अहिले युवाहरू राम्रो पहिरन, राम्रो सवारी साधन मात्र होइन राम्रो ब्रान्डको ग्याजेट्स बोक्नुपर्छ भन्ने मान्यता राख्छन् । नोकिया, मोटोरोला, लेनेभो, हुवावे, सामसुङ, ओप्पो आदि कम्पनी पृथक् शैलीका ग्याजेट्स उत्पादनमा सक्रिय छन् ।

लक्ष्मी भण्डारी थापा, आश्विन २५, २०७४

-- पुरै पढ्नुहोस् --