बजार रिपोर्ट

फ्युजन र युनिक ज्वेलरी तथा एसेसरिज

हरेक महिला आकर्षक एवं युनिक देखिन चाहन्छन् । पहिलेजस्तो फेसनमा जे भित्रिएको छ, त्यसकै पछि दगुर्नेहरू अहिले निकै कम हुँदै गएका छन् । जसरी महिलाहरू पहिरन, ब्याग, जुत्ता एवं मेकअपमा युनिक हुने दौडमा हुन्छन् त्यसैगरी एसेसरिज तथा ज्वेलरीमा पनि उत्तिकै विविधता खोज्छन् । अहिलेका महिलाहरू पूजा तथा घरका पार्टीहरूमा डायमण्ड तथा गोल्डका गहना लगाए पनि अन्य पार्टी एवं कार्यक्रममा आफ्नो पूरै मेकओबर खोज्छन् । गोल्डका सीमित ज्वेलरी हुने हुँदा आफूले चाहेजस्ता गहना लगाउन पाइँदैन भने केही फरक देखिनुपर्छ भन्ने मान्यताका कारण फ्युजन तथा युनिक एसेसरिजको क्रेज बढेको बैंकर रविना देशराज बताउँछिन् । रविना विदेश जाँदा यस्तै युनिक एसेसरिजहरू कलेक्सन गर्छिन् ।यही क्रेजकै कारण अहिले ठाउँठाउँमा फ्युजन एसेसरिजहरूका आउटलेट खुलेका छन् । काठमाडौं मल, विशाल बजार, सिभिल मल, सिटी सेन्टर तथा राइजिङ मलहरूमा एसेसरिजका छुट्टै कर्नरहरू नै छन् । त्यहाँ विभिन्न उमेर र विभिन्न सामग्रीले फ्युजन गरिएका ज्वेलरी उपलब्ध हुन्छन् । न्यूरोड, खिचापोखरीमा गोल्ड प्लेटेड, सिल्भर तथा विड्सदेखि फ्युजन ज्वेलरीका थुप्रै पसल छन् ।जसरी फेसन शोरुमहरूको वृद्धि भैरहेको छ त्यसरी नै ती ठाउँतिरै एसेसरिजहरूका पसल पनि खुलिरहेका छन् । बानेश्वर, पुरानो बानेश्वरतिर पनि हाल थुप्रै गोल्ड प्लेटेड गहना तथा एसेसरिजका पसल छन् । अहिले विभिन्न अनलाइन मार्केटिङसमेत एसेसरिजलाई फोकस गरेर संचालनमा ल्याइएका छन् । काठमाडौं युनिभर्सिटीमा अध्यनरत जश्मिन तुलाधर अनलाइन सपिङमा निकै रुचि राख्छिन् । उनलाई ज्वेलरीमा सुन–चाँदीभन्दा युनिक पिस मन पर्छन् । पहिले यस्ता गहनाका लागि मसला विड्समा निर्भर जश्मिन अहिले अनलाइनमार्फत पनि अर्डर गर्छिन् । अहिले महिलाहरू साथी सर्कलमा एउटै खालका पहिरन, गहना आदि होलान् भनेर निकै सतर्क हुन्छन् । अरु जस्तो किन हुने, बेग्लै देखिनुपर्छ भन्ने उनीहरूको मान्यता छ । त्यसैले पनि विविध प्रकारका एसेसरिजको माग बढेको छ ।साडी, कुर्ता तथा लेहेंगामा डायमण्ड वा गोल्ड ज्वेलरी नै लगाउनुपर्छ भन्ने छैन, पहिरनसँग म्याच हुने कुनै पनि विड्स, ब्रास, क्रिस्टलका इयररिङ वा नेकपिस लगाउन सकिन्छ । भिजे तथा मोडल शुभेच्छा खड्काका अनुसार आफूलाई जस्तो एसेसरिज लगाउँदा सजिलो लाग्छ र सुन्दर देखिएको छ त्यही लगाउँदा हुन्छ । शुभेच्छालाई विड्स तथा स्टोनका गहना मनपर्छन् । कतिपय सिम्बोलिक एसेसरिज पनि पाइने हुँदा ठाउँ, समय र कामअनुसार एसेसरिज प्रयोग गर्न मिल्ने विज्ञापन तथा रेस्टुरेन्ट व्यवसायी सिर्जना जोशी बताउँछिन् । जोशीका अनुसार डायमण्ड तथा पर्लका गहनामा क्लासी देखिन सकिन्छ तर युनिक लुक्स भने डिजाइनर फ्युजन ज्वेलरीबाटै प्राप्त हुन्छ ।हिजोआज गोल्ड, सिल्बर, ब्ल्याक मेटल, ह्वाइट मेटलका साथमा पेपर ज्वेलरी पनि उत्तिकै रुचाइँदैछ । नेपालमा नेपाली कागजमा विभिन्न कलर तथा प्रिन्ट गरेर इयररिङ तथा मालाहरू तयार गरिन्छ । पैसा कम पर्ने तथा हलुका समेत हुने भएकाले यस्तै गहना टिनएजरहरूको रोजाइमा परेका छन् । यस्ता ज्वेलरी अफिस वुमन तथा फरक देखिने चाहना बोकेका महिलाहरूको समेत छनोटमा पर्छन् । कतिपय स्किन एलर्जीले गर्दा एसेसरिज प्रयोग गर्न हिच्किचाउँछन् तर पेपर ज्वेलरीले ती सबै समस्याबाट जोगाउँछ । यसले पंक एवं सिम्पल लुक दिन्छ भने यसमा वुडन, ग्लास विड्स, कुन्दन, स्टोन, पोलकी तथा प्लास्टिक पनि प्रयोग गरिन्छ । अहिले वुडन इयररिङ, चुरा तथा नेकपिसहरू पनि फेसनमा छन् । कतिपयले वुडनमा पेन्टिङ गराएर पनि युनिक पिसहरू तयार पार्न लगाइरहेको पाइन्छ ।चाँदीमा गोल्ड प्लेटेड आमुकेयूबाट ग्राफिक्स डिजाइनिङ गरेकी आयुषामा आर्टकै कुनै विधामा सक्रिय हुने सोच थियो । फलस्वरूप आयुषा अहिले कन्सेप्टच्युअल ज्वेलरी डिजाइनिङमा सक्रिय छिन् । आफूले बनाएका ज्वेलरी युवापुस्तामाझ मात्र होइन प्लस ५० सम्मले पनि उत्तिकै रुचाएको आयुषा बताउँछिन् । अरू गहनाभन्दाफरक र भिन्न देखिने भएकाले पनि आयुषाको आमु ब्रान्ड मेड इन नेपाली ज्वेलरीको माग बढ्दो छ । उनले बनाएको चन्द्र, सूर्य लकेट भने धेरै नै माग भएको डिजाइन हो । आयुषाले डिजाइन गरेको इयररिङ, नेकलेस, रिङ, ब्रासलेट, चुरा आदि आकर्षकसमेत छन् । उनले डिजाइन गरेका ज्वेलरी २ हजार २ सयदेखि ७–८ हजार रुपैयाँसम्मका छन् । आकर्षक एवं युनिक एसेसरिजका कारण नै आमुका ज्वेलरीको माग बढेको आयुषा बताउँछिन् ।मसला विड्ससन् १९९७ मा काठमाडौंको ठमेलमा एसेसरिजहरूको शोरुम मसला विड्सको स्थापना भएको हो । अहिले युवापुस्तादेखि मिडिल एजसम्ममा डायमण्ड, गोल्ड एवं सिल्भरका साथमा विड्स तथा विभिन्न धातुका एसेसरिजप्रति विशेष आकर्षण छ । त्यसैलाई मध्यनजर गरी नेपाली युवासँग विवाह गरेर नेपाल आएकी जापानी युवती युरिका योसिकाले मसला विड्सको स्थापना गरेकी हुन् ।नेपालका साथै भारत, इन्डोनेसिया, जापान आदि मुलुकबाट विड्स, स्टोन, ब्रास आदि ल्याई धागोबाट हातैले यी एसेसरिजहरू तयार पारिन्छ जसमा इयररिङ, नेकलेस, ब्रासलेट, हेयर एसेसरिज आदि प्रमुख छन् ।मसला विड्समा पाइने सबै एसेसरिज युनिक हुन्छन् । अफिसमा लाउन मिल्ने साधारणदेखि टिनएजर एवं पार्टी वेयरसम्मका लागि हुने फ्युजन तथा युनिक ज्वेलरीहरू १ सय ५० देखि २ हजार रुपैंयाँसम्ममा उपलब्ध हुन्छन् । यस्ता एसेसरिज विदेशमा बस्ने नेपालीहरूबीच पनि उत्तिकै प्रिय छन् ।गोल्ड प्लेटेडका लागि शुभम् ज्वेलरीअहिले मानिसहरू गोल्ड प्लेटेड गरगहनाप्रति बढी रुचि राख्छन् । त्यसैले पनि नेपाली बजारमा यसको बजार फराकिलो हुँदै गएको छ । लामो समयदेखि मखनटोलमा शुभम् ज्वेलरीले गोल्ड प्लेटेड गहनाहरू बिक्री गर्दै आएको छ । शुभम्का नीरजकुमार केडिया यस्ता ज्वेलरीमा मिडिल तथा लोयर मिडिल क्लासका महिलाहरूको क्रेज बढी भएको बताउँछन् ।यहाँ पाइने गहना नेपालमै निर्मित तथा भारतबाट आयातीत छन् । केडियाका अनुसार गोल्ड प्लेटेड गहनाले ट्रेन्डलाई फलो गरिरहेका हुन्छन् । सुनका ज्वेलरीमा जे नयाँ डिजाइन आएको छ त्यसको कपी तत्काल बजारमा आइहाल्ने हुँदा सुन लगाउन नसक्नेहरूका लागि यो एउटा राम्रो विकल्प भएको छ । यस्ता गोल्ड प्लेटेड गहनामा टप, इयररिङ, फिंगर रिङ, लकेट, नेकलेस, सिक्री, चन्द्रमा, चुरा, माला, ब्रासलेट हेयर पिन आदि प्रमुख छन् । त्यसमा पनि विवाहको समयमा रानीहार तथा चुरा बढी बिक्री हुने केडिया बताउँछन् ।पोतेमा विविधता धनकुटा सिस्टरडेढ दशकदेखि विवाहित महिलाहरूलाई लक्षित गरी पोतेमा विविध डिजाइन दिई इयररिङ, माला, हेबी डबल पोते, नेकलेस, फिंगररिङ, ब्रासलेटहरू तयार पारिँदै आएको छन् । साधारणतया पोते पसलहरूमा नपाइने पोतेका डिजाइनर एसेसरिज पाइने धनकुटा सिस्टरको आउटलेट कुपन्डोलमा छ । परम्परागत रातो र हरियोभन्दा अन्य फेसनेबल कलर तथा पोते प्रयोग गरी तयार पारिएका युनिक पिसहरू यहाँ उपलब्ध हुन्छन् । 

सिर्जना दुवाल श्रेष्ठ, चैत्र २, २०७४

-- पुरै पढ्नुहोस् --

रौनक रोयल फर्निचरको

केही समययता मानिसहरू क्लासी लुक्सबाट लोभिन थालेका छन् । रोयल लुक्स दिने जुनसुकै चीज हुन् आधुनिक मानिसहरू सजावटका रूपमा सुरक्षित राख्न चाहन्छन् । पहिरन, मेकअप, जुत्ता–ब्याग मात्र होइन खानपान एवं जीवनशैलीमा समेत क्लासी लुक्स देखापर्न थालेको छ ।

लक्ष्मी भण्डारी थापा, मंसिर २८, २०७४

-- पुरै पढ्नुहोस् --

ग्याजेट्स थरीथरी

ग्याजेट आधुनिक युवाका लागि व्यक्तित्व झल्काउने सामग्री हो । अहिले युवाहरू राम्रो पहिरन, राम्रो सवारी साधन मात्र होइन राम्रो ब्रान्डको ग्याजेट्स बोक्नुपर्छ भन्ने मान्यता राख्छन् । नोकिया, मोटोरोला, लेनेभो, हुवावे, सामसुङ, ओप्पो आदि कम्पनी पृथक् शैलीका ग्याजेट्स उत्पादनमा सक्रिय छन् ।

लक्ष्मी भण्डारी थापा, आश्विन २५, २०७४

-- पुरै पढ्नुहोस् --

इलेक्ट्रोनिक्स सामग्रीको बहार

दैनिक जनजीवनलाई सहज तुल्याउन विविध विद्युतीय सामग्री थपिँदै जान थालेका छन् । एक–दुई दशकअघिसम्म कम्मरमा दर्‍हो पटुका कसेर लुगा धुने, भाँडा मस्काउने अनि अचार–मसला पिस्ने काम गर्दा मात्र होइन सम्झिँदा पनि पसिना छुट्ने गृहिणीहरू आज यस्ता घरायसी सामग्रीलाई वरदान मान्छन् ।

नारी संवाददाता , आश्विन २४, २०७४

-- पुरै पढ्नुहोस् --

किचेन एसेसरिज

युग परिवर्तनसँगै दैनिक प्रयोग गरिने सामग्रीहरूमा समेत निकै परिवर्तन आइसकेको छ । खानपान, लवाइखवाइ तथा लाइफस्टाइल परिवर्तन गराउने यस्ता सामग्रीहरू वर्तमान मानव जीवनमा महत्वपूर्ण मान्न थालिएको छ । किचन सुस्ताउने स्थान पनि हो । बेलुका परिवार जम्मा भएर डिनरसँगै गफगाफमा रम्दा दिनभरिको थकाइ मर्छ । किचन यस्तो स्थान हो जहाँ गृहिणीले बढी समय बिताउँछन् भने बालबालिका किचन पस्दा खुसी मान्छन् ।

नारी संवाददाता , आश्विन २३, २०७४

-- पुरै पढ्नुहोस् --

चाडपर्व अनि छुट सेल

जति चाडपर्व नजिकिन्छन्, त्यति नै छुट, सेल, उपहार तथा थरिथरिका अफर बजारमा देख्न सकिन्छ । खाद्यान्न, पहिरन, होम अप्लाइन्सेजदेखि सवारी साधनमा पनि छुट, सेल तथा अफर राखिएको पाइन्छ । दसैंले मानिसलाई सामान जोड्ने राम्रो अवसर जुटाइदिन्छ ।

नारी संवाददाता , आश्विन ८, २०७४

-- पुरै पढ्नुहोस् --

किन बढी रुचाइयो हीरा ?

अहिले महिलाहरूले हीराको टप र सिंगल डायमण्ड फिंगर रिङ बढी मन पराएका छन् । दैनिक प्रयोगमा आउने स–साना डिजाइनका पेन्डेन्ट पनि अहिलेका महिलाहरूको रोजाइमा परेका छन् । सुलभ मूल्यमा उपलब्ध हुने हीराका गहनाको बिक्री बढिरहेको छ ।

नारी संवाददाता , भाद्र २०, २०७४

-- पुरै पढ्नुहोस् --

हीराका विशेषता

- हीरा सबैभन्दा बलियो स्टोन हो जसले सिसा काट्नसक्ने क्षमता राख्छ ।- यो चम्किलो हुन्छ । लाइट पास थ्रु नहुने हुनाले किरणहरू परावर्तित हुन्छन् ।

नारी संवाददाता , भाद्र १८, २०७४

-- पुरै पढ्नुहोस् --

अमूल्य हीरा

हीराको तुलना कमै चीजसँग मात्र हुन सक्छ । पत्थरको राजा हीरा अमूल्य रत्न हो । हीरालाई हीराले मात्र काट्न सक्छ भन्ने कुराले नै यसको कठोरता प्रमाणित गर्छ । हीरालाई अन्य धातु वा गहनासँग तुलना गर्न सकिँदैन । एक दशकअघिसम्म पनि नेपालका उच्च घरानियाँ तथा सम्भ्रान्तहरूसँग मात्र साक्षात्कार हुने हीरा अहिले मध्यमवर्गको पहुँचमा समेत पुग्न थालेको छ ।

लक्ष्मी भण्डारी थापा, भाद्र १६, २०७४

-- पुरै पढ्नुहोस् --

सिल्कको साडी कसरी जतन गर्ने ?

वार्डरोवमा हरेक अवसरका लागि साडी राखिन्छ । जसमा फेब्रिकदेखि रंगका असीमित रेन्ज हुनसक्छन् तर तिनको हेरचाहप्रति लापरबाही गर्दा राम्रो साडी पनि बिग्रनसक्छ । साडीको राम्रो जतन गरेर तिनको आयु बढाउन सकिन्छ ।

नारी संवाददाता , भाद्र ७, २०७४

-- पुरै पढ्नुहोस् --

एसेसरिज

तीज यस्तो पर्व हो जुन समयमा सबैभन्दा बढी एसेसरिज खरिद–बिक्री हुन्छ । तीजमा विशेषत: महिलाहरूले बढी किन्ने भनेकै जुत्ता–ब्याग, क्लचलगायतका एसेसरिज हुन्, जसभित्र मोबाइल–कारदेखि बैंगल्स, विभिन्न फेन्सी इयररिङ, नेकलेस, फिंगर रिंग्स, हेयर क्लिप, हेयर ब्यान्डजस्ता थुप्रै चीजबिज पर्छन् ।

नारी संवाददाता , भाद्र ५, २०७४

-- पुरै पढ्नुहोस् --