वर्ष विशेष

नयाँ वर्ष : सेलिब्रेटीहरुको योजना

कलाकार तथा निर्देशक दीपाश्री निरौला केही वर्षदेखि निकै व्यस्त छिन् । छक्का पञ्जाको प्रोडक्सनदेखि विदेशी कार्यक्रमहरूसम्ममा उनको व्यस्तता निकै रह्यो । यो कुराले उनी आफै पनि अब केही आराम चाहियो र आफ्ना लागि समय दिनुपर्छ भन्ने सोच्न थालिन् । यसपटक पनि उनको टिमले नयाँ वर्षकै दिन एउटा नयाँ चलचित्र सुरु गर्न लागेको छ तर उनी यसपटक त्यसमा निर्देशकका रूपमा नभई निर्मातृका रूपमा मात्र संलग्न हुनेछिन् । वर्षमा एउटा मात्र चलचित्र निर्माण गर्ने दीपाश्रीको टिमले यसपटक दुई वटा चलचित्र लन्च गर्ने भएको छ ।दुवैमा दीपाश्रीले मात्र लगानी गर्नेछिन् । दीपाश्रीले केही वर्षदेखि आफ्नो स्वास्थ्य, फिटनेस तथा ब्युटीको ख्याल गर्ने मौका पाएकी थिइनन् । यो वर्ष ब्युटी तथा फिटनेसमा आवश्यक समय खर्च गरी आफ्ना लागि समय निकाल्ने योजना छ । दीपा भन्छिन्–एक वर्षको मेहनतले म पक्कै सुन्दर र हेल्दी हुनेछु । अब म २०७७ सालमा मात्र छक्का पञ्जाको सिरिज लिएर निर्देशकका रूपमा आउनेछु । कभर गीतमा हिट त्रिशाला गुरुङले यो वर्ष आफ्नै गीत रेकर्ड गराई श्रोतामाझ आउने सोच बनाएकी छिन् । उकाली चढौंला, गैरी खेतको, सपना भई, पोहोर साल आदि गीतको कभर गीत गाएर धेरैको मन जितेकी त्रिशालाले यो वर्षको सुरुदेखि नै आफ्ना गीत रेकर्ड गर्दै जाने बताइन् । उनले केही चलचित्रमा स्वर दिए भए पनि आफ्नै गीत भने आगामी वर्षदेखि निरन्तर गाउने बताइन् । वैशाखको सुरुतिरै उनी कार्यक्रम लिएर अस्ट्रेलिया जाँदैछिन् । त्यहाँ उनले ४ वटा सहरमा प्रस्तुति दिनेछिन् । कभर गीतबाट हिट भए पनि आफ्नो गीत नहुँदा धेरै नै फरक पर्ने उनले अनुभव गरेकी छिन् । हुन त कभर गीतकै माध्यमबाट उनले युके तथा दुबईका कन्सर्टमा भाग लिइसकेकी छिन् तर यो वर्ष धेरैभन्दा धेरै आफ्नै गीत रेकर्ड गराउने योजना छ । म्युजिक नेपालले उनका केही हिट कभर गीतको भिडियो युट्युबबाट हटाइदिएपछि त्रिशालाले आफ्नै गीत गाउने सोच बनाएकी हुन् । त्रिशालाका प्रशंसकहरूले २०७६ सालको सुरुदेखि नै उनका गीत सुन्न तथा हेर्न पाउनेछन् । त्रिशाला नयाँ वर्षको अवसरमा आफूमा भएको अल्छीपन हटाउने संकल्प पनि लिन्छिन् । नायिका तथा कोरियोग्राफर पवित्रा आचार्यले नयाँ वर्षको खासै योजना बनाएकी छैनन् । उनी नयाँ वर्ष नेपालमै बसेर आफन्त तथा साथीभाइसँग रमाइलो गरी मनाउने योजनामा छिन् । चलचित्र होलिडेको केही छायांकन बाँकी भएकाले त्यसलाई पूरा गरी नयाँ चलचित्रमा हात हाल्ने आचार्य बताउँछिन् ।आगामी वर्ष चलचित्र कोरियोग्राफीमा बढी सक्रिय हुने उनको सोच छ । केही चलचित्रमा कोरियोग्राफीका लागि प्रस्ताव पनि आइरहेको उनले बताइन् । पवित्रा नयाँ वर्षको आगमनसँगै नयाँ जोस–जाँगरका साथ नयाँ काम गर्ने, सकारात्मक सोचको विकास गर्ने कुरा बताउँदै आफू सधै खुसी र स्वस्थ रहन सकूँ भन्ने प्रार्थना गर्छिन् । गएका वर्षहरूको तुलनामा आगामी वर्ष आफू बढी समय काममै फोकस हुने आचार्यले बताइन् ।गायिका जुना प्रसाईं अमेरिकामा कन्सर्टमा व्यस्त छिन् । उनी नयाँ वर्षमा पनि उतै रहनेछिन् । गायनविना जीवनको कल्पनासम्म गर्न नसकिने कुरा बताउने जुना २०७६ सालमा पनि धेरैभन्दा धेरै गीत रेकर्ड गरी देश–विदेशको भ्रमणमा रहने योजनामा छिन् । मिस नेपाल उषा खड्गी पनि आगामी दिनमा उस्तै जोस–जाँगरका साथ व्यस्त रहने सोचमा छिन् । केही वर्षदेखि उनी विभिन्न ब्युटी कन्टेस्टमा कोरियोग्राफरका रूपमा समेत व्यस्त रहँदै आएकी छिन् ।यसपटक अलि बढी प्रोफेसन हिसाबले काम गर्ने उनले बताइन् । उषा फेसन डिजाइनर पनि हुन् । उनी फेसन डिजाइनरका रूपमा अहिले चलेका ट्रेन्डका पहिरन डिजाइन गर्नुका साथै स्टेज शो एवं कोरियोग्राफी गर्ने योजनामा छिन् ।उषाले आगामी दिनमा आफ्ना कमी–कमजोरी हटाउने संकल्प लिएकी छिन् । खड्गी भन्छिन्–‘म अलि संवेदनशील छु । कोही रिसाउँछ कि भनेर नाइँ भन्न अप्ठ्यारो मान्थें तर यी कुरामा अब सुधार गर्दै जानेछु ।’ 

सिर्जना दुवाल श्रेष्ठ, वैशाख ८, २०७६

-- पुरै पढ्नुहोस् --

आफ्नो लक्ष्य पहिचान गरौं

कतिपय विद्यार्थी सोच–विचार नगरी आफ्ना साथीभाइको कुराबाट प्रभावित भएर त्यही कोर्सतर्फ आकर्षित हुन्छन्, जहाँ सबैजान चाहन्छन् । यद्यपि उनीहरू त्यहाँ केही दिनमै बोर हुन थाल्छन् र अर्को कुनै कोर्सतर्फ जान चाहन्छन् । यसो गर्दा समय, सम्पत्ति एवं शक्ति बर्बाद हुन्छ ।

नारी संवाददाता , वैशाख १८, २०७५

-- पुरै पढ्नुहोस् --

कसरी सफल हुने ?

सफलता प्राप्तिका लागि योजना प्रमुख कुरा हो । जस्तो किसिमको करियर छनोट गरिँदैछ उक्त क्षेत्रका बारेमा धेरै भन्दा धेरै जानकारी एवं ज्ञान जुटाउनु आवश्यक हुन्छ ।

नारी संवाददाता , वैशाख १७, २०७५

-- पुरै पढ्नुहोस् --

न्यू इयर, न्यू मी

हरेक बिहान उठेर जीवनलाई धन्यवाद दिँदै आभार प्रकट गरौं । जीवनको यो अमूल्य उपहारलाई स्वीकार गरी यसको महत्व बुझ्नुपर्छ । नयाँ वर्ष त क्यालेन्डरमा आउँँछ, तर सत्य के हो भने हरेक दिन नयाँ सम्भावना बोकेर आउँछ । त्यसैले हरेक दिनको स्वागत उत्साह र साहसका साथ गर्नुपर्छ ।

रोजिन शाक्य, वैशाख १७, २०७५

-- पुरै पढ्नुहोस् --

नयाँ वर्षलाई स्वागत

यो समाजका भनौं वा यो सिङ्गो पृथ्वीका कुनै पनि मानिसलाई नराम्रो बन्न मन लाग्दैन । आफूले गरेका हरेक गतिविधि, आफूले बोलेका कुरा सधैं सही लाग्छन्, राम्रा लाग्छन् तर कुनै बेला आफूले गरेका राम्रा गतिविधि आफूलाई सही लाग्दालाग्दै अरूलाई गलत लागिरहेको हुनसक्छ । हामी आफूले राम्रो सोचेर बोलिरहेका हुन्छौं सुन्नेले त्यसको गलत अर्थ लगाएर सुनिरहेको हुन्छ वा उसको बुझाइ गलत भैरहेको हुनसक्छ ।

कविता शर्मा, वैशाख ३, २०७५

-- पुरै पढ्नुहोस् --

म देशका लागि के गर्न सक्छु ?

एक थुकी सुकी, सय थुकी नदी भनेझैं सबैले आ–आफ्नो स्थानबाट सकेको काम गरे देश विकास हुन्छ । आमनागरिकका हैसियतले आ–आफ्नो क्षेत्र, पेसा तथा कर्ममार्फत हामीले के गर्न सक्छौं आफ्नो मुलुकका लागि ? हामी जहाँ, जसरी र जस्तो स्थानमा छौं त्यहीँबाट त्यसरी नै आफू सक्दो गर्न सकेको खण्डमा देशमा सभ्यता बढ्दै, भ्रष्टाचार घट्दै एवं लापरबाही तोडिँदै जान्छ ।

नारी संवाददाता , वैशाख २७, २०७४

-- पुरै पढ्नुहोस् --

वर्षका चर्चित महिला

वर्ष २०७३ सालमा सञ्चारमाध्यममा सबैभन्दा बढी छाउने महिला को होलान् ? निश्चय नै कौतूहलको विषय बन्न सक्छ । वर्षभरिका न्युजमेकर महिलाहरूको खोजी गर्ने क्रममा नारीले सबैजसो सञ्चारमाध्यमका समाचारलाई फर्केर हेर्ने प्रयास गरेको थियो ।

अश्विनी कोइराला, वैशाख २७, २०७४

-- पुरै पढ्नुहोस् --

जो तानिए विवादमा

दर्जनौं महिला परिश्रमले प्रगतिको सिँढी उक्लिरहँदा केही महिलाले भने अनपेक्षित विवादको सिकार हुनुपर्‍यो जसमध्ये केही महिला आफ्नै कारणले र केही महिला बाहिरी कारणले असफल भए ।

नारी संवाददाता , वैशाख २६, २०७४

-- पुरै पढ्नुहोस् --

नवदेवी सम्मान–२०१६ को चौधौं संस्करण सम्पन्न

सेलिब्रेटिङ वुमनहुड (नवदेवी सम्मान)–२०१६ को चौधौं संस्करण गत शनिबार सम्पन्न भएको छ । एसएसवाई (क्रियटिभ स्टेटमेन्ट्स) को आयोजनामा सन् २००२ देखि वार्षिक रूपमा निरन्तर आयोजना गरिएको सेलिब्रेटिङ वुमनहुड (नवदेवी सम्मान) मा विशेषत: ग्रामीण क्षेत्रमा आफ्नो सीप, मेहनत र परिश्रमद्वारा समाजमा योगदान पुर्‍याइरहेका परिवर्तनका संवाहकलाई एकैथलोमा राखेर सम्मान गरिन्छ ।

नारी संवाददाता , जेष्ठ २५, २०७३

-- पुरै पढ्नुहोस् --

राष्ट्रपति भण्डारी विश्वकै ५२ औं शक्तिशाली महिला

नेपालकी राष्ट्रपति विद्यादेवी भण्डारी विश्वकै ५२ औं शक्तिशाली महिला भएकी छिन् । चर्चित पत्रिका फोब्र्सले सार्वजनिक गरेको विश्वका

नारी संवाददाता , जेष्ठ २५, २०७३

-- पुरै पढ्नुहोस् --