वर्ष विशेष

आफ्नो लक्ष्य पहिचान गरौं

जीवनमा अघि बढ्न अत्यन्त दूरगामी योजना बनाउनु वा ठूलो लक्ष्य निर्धारण गर्नुको साटो प्रतिदिन स–साना लक्ष्य निर्धारित गरी तिनलाई पूरा गर्ने प्रयास गर्नुपर्छ ।पहिले आत्ममूल्यांकन गर्नुपर्छयदि आफ्नो पढाइ वा करियरलाई लिएर कुनै ठूलो योजना बनाउँदै हुनुहुन्छ भने पहिले इमान्दारिताका साथ आफ्नो क्षमता एवं रुचि आँकलन गर्नुपर्छ, जसले गर्दा आफूलाई कुन क्षेत्र मन पर्छ र कुन काममा बढी रुचि छ भन्ने थाहा हुन्छ । आफ्नो रुचि र क्षमताको पहिचान गरेपछि सचेत ढंगबाट कुनै विशेष दिशातर्फ पाइला सार्नुपर्छ । उदाहरणका लागि यदि आफ्नो रुचि रचनात्मक कार्यमा छ भने स्पष्ट रूपमा के तय गर्नुपर्छ भने तपार्इं कुन क्षेत्रमा काम गर्न मन पराउनुहुन्छ । यदि तपाईंलाई ड्रइङ र पेन्टिङ मन पर्छ भने आफूलाई त्यही क्षेत्रमा फोकस गर्नुपर्छ । आफने रुचि भएको प्रोफेसनल कोर्सका बारेमा जानकारी प्राप्त गरी त्यहाँ एडमिसन लिने दिशामा अग्रसर हुनुपर्छ । यद्यपि त्यसका लागि संस्था छनोट गर्दा अनुभवी व्यक्ति वा करियर काउन्सिलरको सल्लाह लिनु उपयुक्त हुन्छ ।सर्टकट खोज्नु राम्रो होइनकडा मेहनतको विकल्प हुँदैन । प्रोफेसनल कोर्सबाट सीप मात्र सिक्न सकिन्छ उक्त क्षेत्रमा अघि बढ्ने सम्भावना स्वयं आफैले खोज्नुपर्छ । त्यसैले उक्त कोर्स गर्नेबित्तिकै एक्सपर्ट भइन्छ भन्ने सोच राख्नु गलत हुन्छ । कुनै काममा सफलता प्राप्त गर्न पर्याप्त मेहनत तथा धैर्यको आवश्यकता हुन्छ । यस्तो तब मात्र सम्भव हुन्छ जब तपार्इंमा उक्त क्षेत्रप्रति भित्री ह्दयदेखि नै रुचि हुन्छ ।पियर प्रेसरबाट जोगिनुपर्छकतिपय विद्यार्थी सोच–विचार नगरी आफ्ना साथीभाइको कुराबाट प्रभावित भएर त्यही कोर्सतर्फ आकर्षित हुन्छन्, जहाँ सबैजान चाहन्छन् । यद्यपि उनीहरू त्यहाँ केही दिनमै बोर हुन थाल्छन् र अर्को कुनै कोर्सतर्फ जान चाहन्छन् । यसो गर्दा समय, सम्पत्ति एवं शक्ति बर्बाद हुन्छ । त्यसैले साथीभाइको दबाबमा होइन आफ्नो रुचिको करियरमा अघि बढ्नु उपयुक्त हुन्छ । करियरका बारेमा निर्णय गर्दा आफ्नो पढाइ, रुचि, क्षमता, सीपका साथै उक्त क्षेत्रमा आफ्नो जानकारी, सम्भावना, चुनौती आदिका बारेमा राम्रोसँग मूल्यांकन गर्नु महत्वपूर्ण हुन्छ । 

नारी संवाददाता , वैशाख १८, २०७५

-- पुरै पढ्नुहोस् --

कसरी सफल हुने ?

सफलता प्राप्तिका लागि योजना प्रमुख कुरा हो । जस्तो किसिमको करियर छनोट गरिँदैछ उक्त क्षेत्रका बारेमा धेरै भन्दा धेरै जानकारी एवं ज्ञान जुटाउनु आवश्यक हुन्छ ।

नारी संवाददाता , वैशाख १७, २०७५

-- पुरै पढ्नुहोस् --

न्यू इयर, न्यू मी

हरेक बिहान उठेर जीवनलाई धन्यवाद दिँदै आभार प्रकट गरौं । जीवनको यो अमूल्य उपहारलाई स्वीकार गरी यसको महत्व बुझ्नुपर्छ । नयाँ वर्ष त क्यालेन्डरमा आउँँछ, तर सत्य के हो भने हरेक दिन नयाँ सम्भावना बोकेर आउँछ । त्यसैले हरेक दिनको स्वागत उत्साह र साहसका साथ गर्नुपर्छ ।

रोजिन शाक्य, वैशाख १७, २०७५

-- पुरै पढ्नुहोस् --

नयाँ वर्षलाई स्वागत

यो समाजका भनौं वा यो सिङ्गो पृथ्वीका कुनै पनि मानिसलाई नराम्रो बन्न मन लाग्दैन । आफूले गरेका हरेक गतिविधि, आफूले बोलेका कुरा सधैं सही लाग्छन्, राम्रा लाग्छन् तर कुनै बेला आफूले गरेका राम्रा गतिविधि आफूलाई सही लाग्दालाग्दै अरूलाई गलत लागिरहेको हुनसक्छ । हामी आफूले राम्रो सोचेर बोलिरहेका हुन्छौं सुन्नेले त्यसको गलत अर्थ लगाएर सुनिरहेको हुन्छ वा उसको बुझाइ गलत भैरहेको हुनसक्छ ।

कविता शर्मा, वैशाख ३, २०७५

-- पुरै पढ्नुहोस् --

म देशका लागि के गर्न सक्छु ?

एक थुकी सुकी, सय थुकी नदी भनेझैं सबैले आ–आफ्नो स्थानबाट सकेको काम गरे देश विकास हुन्छ । आमनागरिकका हैसियतले आ–आफ्नो क्षेत्र, पेसा तथा कर्ममार्फत हामीले के गर्न सक्छौं आफ्नो मुलुकका लागि ? हामी जहाँ, जसरी र जस्तो स्थानमा छौं त्यहीँबाट त्यसरी नै आफू सक्दो गर्न सकेको खण्डमा देशमा सभ्यता बढ्दै, भ्रष्टाचार घट्दै एवं लापरबाही तोडिँदै जान्छ ।

नारी संवाददाता , वैशाख २७, २०७४

-- पुरै पढ्नुहोस् --

वर्षका चर्चित महिला

वर्ष २०७३ सालमा सञ्चारमाध्यममा सबैभन्दा बढी छाउने महिला को होलान् ? निश्चय नै कौतूहलको विषय बन्न सक्छ । वर्षभरिका न्युजमेकर महिलाहरूको खोजी गर्ने क्रममा नारीले सबैजसो सञ्चारमाध्यमका समाचारलाई फर्केर हेर्ने प्रयास गरेको थियो ।

अश्विनी कोइराला, वैशाख २७, २०७४

-- पुरै पढ्नुहोस् --

जो तानिए विवादमा

दर्जनौं महिला परिश्रमले प्रगतिको सिँढी उक्लिरहँदा केही महिलाले भने अनपेक्षित विवादको सिकार हुनुपर्‍यो जसमध्ये केही महिला आफ्नै कारणले र केही महिला बाहिरी कारणले असफल भए ।

नारी संवाददाता , वैशाख २६, २०७४

-- पुरै पढ्नुहोस् --

नवदेवी सम्मान–२०१६ को चौधौं संस्करण सम्पन्न

सेलिब्रेटिङ वुमनहुड (नवदेवी सम्मान)–२०१६ को चौधौं संस्करण गत शनिबार सम्पन्न भएको छ । एसएसवाई (क्रियटिभ स्टेटमेन्ट्स) को आयोजनामा सन् २००२ देखि वार्षिक रूपमा निरन्तर आयोजना गरिएको सेलिब्रेटिङ वुमनहुड (नवदेवी सम्मान) मा विशेषत: ग्रामीण क्षेत्रमा आफ्नो सीप, मेहनत र परिश्रमद्वारा समाजमा योगदान पुर्‍याइरहेका परिवर्तनका संवाहकलाई एकैथलोमा राखेर सम्मान गरिन्छ ।

नारी संवाददाता , जेष्ठ २५, २०७३

-- पुरै पढ्नुहोस् --

राष्ट्रपति भण्डारी विश्वकै ५२ औं शक्तिशाली महिला

नेपालकी राष्ट्रपति विद्यादेवी भण्डारी विश्वकै ५२ औं शक्तिशाली महिला भएकी छिन् । चर्चित पत्रिका फोब्र्सले सार्वजनिक गरेको विश्वका

नारी संवाददाता , जेष्ठ २५, २०७३

-- पुरै पढ्नुहोस् --

नयाँ वर्ष मनाउने शैली

नयाँ वर्ष उत्साहको क्षण हो । नयाँ वर्ष विश्वमा अलग–अलग तिथिमा मनाउने चलन छ । नेपालमा नयाँ वर्षको पहिलो महिना वा पहिलो दिन, वैशाख १ गते नयाँ जोस र जाँगरका साथ मनाउने परम्परा छ । नयाँ वर्ष सकारात्मक सोच, एकता, नयाँ योजनाका साथ मीठा परिकार खाई विशेष उत्सवका रूपमा मनाउने चलन छ ।

सरस्वती कटुवाल, वैशाख २१, २०७३

-- पुरै पढ्नुहोस् --