विशेष

ब्युटी विथ ब्रेन 

बाहिरी सुन्दरताका साथमा बौद्धिक रूपमा जो सुन्दर छिन् उनै सुन्दर महिला हुन् । सुन्दरताको परिभाषा हरेक व्यक्ति र सोचअनुसार फरक–फरक हुनसक्छ तर विश्व मापदण्डअनुसार यी दुई पक्षमै सुन्दर व्यक्ति नै सुन्दर हो । सुन्दरताको यो परिभाषाअनुरूप यसपटकका मिस नेपालहरू बाहिरी र भित्री दुवै रूपमा सुन्दर छन् । सबैमा आ–आफूले हिँड्ने बाटो स्पष्ट छ भने सबैले आफ्नो भविष्यको योजना आँखा खोलेरै बुनिसकेका छन् । यसपटक मिस नेपालमा शीर्ष उपाधि जितेका मिस नेपाल वर्ल्ड अनुष्का श्रेष्ठ, मिस नेपाल इन्टरनेसनल मीरा कक्षपति, मिस नेपाल सुपरनेचुरल रोज लामा, मिस नेपाल युनिभर्स प्रदीप्ता अधिकारी, मिस नेपाल अर्थ रिया बस्नेत सबैमा पर्याप्त आत्मविश्वास छ भने उनीहरू बौद्धिक रूपमा समेत सफल देखिन्छन् । अनुष्काले आफ्नो मास्टरको पढाइ अस्ट्रेलियामै गर्ने र पछि नेपाल फर्किएर विकासमूलक काममा सक्रिय हुने बताएकी छिन् । मीराले भने जीवन जिउने कला सिकाउने मोटिभेसनल स्पिकर बन्ने सोच बुनेकी छिन् । रोज लामाले अर्ग्यान थ्रीडी डिजाइनर बन्ने लक्ष्य लिएकी छिन् । अहिले विश्वमा थ्रीडी प्रिन्टको प्रचलन प्रारम्भ भएकाले उनी यही विधामा आफ्नै देशमा काम गर्ने सोचमा छिन् । प्रदीप्ता अधिकारीले भविष्यमा विश्व स्वास्थ्य संगठनको उच्च पदमा पुगेर नेपालको नाम उचाइमा पुर्‍याउने सपना देखेकी छिन् भने रिया बस्नेतले बढीभन्दा बढी नेपाली महिलालाई व्यवसायमा सम्लग्न गराउने सोचमा अघि बढ्ने बताइन् । मिस नेपालले आफ्ना सपना पूरा गर्दै अघि बढ्न अझ सहयोग पुर्‍याउने कुरा बताउने यी पाँच सुन्दरी यसपटक नारीको आवरणमा सजिएका छन् । अन्तर्राष्ट्रिय प्याजेन्टहरूमा आफूले सक्दो प्रयास गरी नेपालको नाम राख्न प्रयास गर्ने बताउने सबैको कामप्रतिको उत्सुकता एवं योजना आशालाग्दा छन् जसमा भावी पुस्ताको नेपाली नारीको झलक पाइन्छ ।बौद्धिक रूपमा सबलअश्मि श्रेष्ठ, मिस नेपाल–२०१६यसपटक निर्णायकका रूपमा मिस नेपालमा सहभागी हुँदा मैले सबै प्रतिस्पर्धीलाई बौद्धिक रूपमा बलियो पाएँ । पहिले–पहिलेका मिस नेपालमा कोही ठूलो हाइटका त कोही असाध्यै राम्रा त कोही पहिलेदेखि नै निकै पपुलर व्यक्तिहरू हुन्थे । यसपटक पब्लिकबाट यिनले जित्छिन् भन्ने त्यस्तो कुनै दाबी पनि थिएन । बौद्धिक प्रतियोगिता भैरहेजस्तो लाग्थ्यो । जो–जसले जुन उपाधिमा जित्नुपर्ने हो जितेका छन् । पाँचै जनाका ५ वटा उपाधिमा म त सन्तुष्ट छु । गत वर्षजस्तै सबै विजयीले आ–आफ्नो प्याजेन्टका लागि रिसर्च गरेर त्यहाँ वेस्ट पर्फर्मेन्सतिर लाग्नुपर्छ । अर्को कुरा मिस नेपाल एउटा यस्तो प्याजेन्ट हो जसले विजेताहरूलाई सेलीब्रेटी बनाइदिन्छ र ऊ एक वर्षका दौरान पूर्णरूपमा ग्रुमिङ भैसक्छ । अनुशासन र राम्रो एटिच्युटनीरज लामा, फिटनेस एक्सपर्ट, जस्मिन फिटनेस क्लब, त्रिपुरेश्वरब्युटी र फिटनेस एउटै रथका दुई पाङ्ग्रा हुन् । जो हेल्दी र फिट छैन ऊ सुन्दर हुनै सक्दैन । केही वर्षयतादेखि मिस नेपालको अडिसनमा आउने युवतीहरू पहिले नै रिसर्च गरेर, निखारिएर आएको पाइन्छ । यसपटक विजयी पाँचजनामा आ–आफ्नै विशेषता छन् । एक त उनीहरूमा अनुशासन, केही हुन्छु अर्थात् केही गर्छु भन्ने भावनाका साथै राम्रो एटिच्युट पनि छ । उनीहरूको कर्म र मेहनतले नै उनीहरूलाई उपाधि दिलाएको हो । २००९ मा जेनिशा मोक्तानको पालादेखि फिटनेस ट्रेनरका रूपमा काम गरेको अनुभवका आधारमा अहिलेकाहरू आफै सिक्ने, खोज्ने र निखार्ने खालका पाइरहेको छु । म त एक महिनादेखि यी २५ जना प्रतियोगीलाई बिहान ६ बजेदेखि प्रशिक्षण दिइरहेको थिएँ, मेरा लागि ती २५ जनाले नै मिस नेपालमा जिते हुन्छ जस्तो लाग्छ तर विजयी त पाँचैजना मात्रै हुने हुन् । यद्यपि यी पाँचैजना विजेता आ–आफ्नो उपाधिप्रति न्याय गर्न सक्ने खालका छन् भन्ने लाग्छ ।

सिर्जना दुवाल श्रेष्ठ, असार ९, २०७६

-- पुरै पढ्नुहोस् --

अर्गानिक कति अर्गानिक ?

खाद्यपदार्थमा मिसावट एवं विषादीको प्रयोगको चर्चा चलिरहेका बेला अहिले धेरैको ध्यान अर्गानिक खाद्य सामग्रीतर्फ खिचिएको छ । विशेषतः सहरी क्षेत्रमा बसोबास गर्ने मानिसहरू हरेक खाद्यपदार्थमा विषादीको डरले अर्गानिक खाद्यन्न किन्न वा कतैबाट मगाउन बढी पैसा खर्चिरहेका हुन्छन् ।

लक्ष्मी भण्डारी थापा, जेष्ठ ३०, २०७६

-- पुरै पढ्नुहोस् --

सफलताका लागि धैर्य र  निरन्तरता जरुरी 

सानैदेखि आफ्नै काम गर्नुपर्छ भनेर सोच राख्ने कृपा श्रेष्ठले ११ कक्षामा पढ्दा नै कम्पनी दर्ता गरी काम काम गर्न थालिन् । प्लस टु पछि १–२ जना साथीहरूबाहेक सबै जना विदेश पढ्न गए । सम्भवतः कृपाले त्यतिबेला काम नगरेकी भए उनी पनि साथीहरूजस्तै बिदेसिन्थिन् होला तर आफ्नै व्यवसाय सुरु गरिसकेकाले उनी त्यो मोहमा परिनन् ।

नारी संवाददाता , वैशाख २५, २०७६

-- पुरै पढ्नुहोस् --

बजारको ट्रेन्ड चेन्ज गर्न खोजेका छौं

नेपालमा अनलाइन व्यापारको कुरा उठ्दा निकिता आचार्यलाई नचिन्ने कमै होलान् । किरण तिमिल्सिनासँग मिलेर ६ वर्षदेखि अनलाइन व्यापार गर्दै आएकी  निकिता आचार्यले सन् २०१२ उक्त व्यापार सुरु गरेकी हुन् । त्यतिबेला उनी बीबीएस तेस्रो वर्षमा अध्ययनरत थिइन् । निकिताका अनुसार जुन कुराको धेरै विकास भएको छैन त्यहाँ चान्स धेरै हुन्छ ।

नारी संवाददाता , वैशाख २३, २०७६

-- पुरै पढ्नुहोस् --

नेपालका फेसियल ब्युटी

सौन्दर्य छान्ने हो भने शुद्ध रूपमा नबोली आँखाले हेरेर छान्ने हो । मानिसले झट्ट हेर्ने आँखा हो, ठूलो आँखा तथा हाँस्दा प्रस्ट रूपमा देखिने दाँतलाई सुन्दर मानिन्छ । नम्रता ५ नम्बरमा पर्नुको एउटा कारण उनको हाँसो पनि हो, अरूको नहाँसेको तस्बिर छ । हाँसोले जोकसैलाई अगाडि ल्याउँछ । 

जनक तिमिल्सिना, वैशाख २३, २०७६

-- पुरै पढ्नुहोस् --

कामले मानिस  सानो–ठूलो हुँदैन

नेपालमा समस्या नै समस्या छ, बजार छैन भनिन्छ । यद्यपि त्यही भएर धेरै अवसर पनि छ भन्ने आयुषी खाली सिसी र कबाडीका साथमा जिन्स पनि कलेक्ट गर्छिन् । किलोको १० रुपैंयाँसम्म दिने आयुषी ती जिन्स एकल महिलाको समूहलाई जिम्मा दिन्छिन् । त्यसबाट ती महिलाहरूले ब्याग, पर्स, फाइलहरू बनाई अतिरिक्त आम्दानी गर्छन् । त्यस्तै पत्रिकाको प्रयोग गरेर पेन्सिल बनाइरहेकी छिन् ।

नारी संवाददाता , वैशाख २२, २०७६

-- पुरै पढ्नुहोस् --

नेपाल स्कोपको खानी हो : सम्पदा मल्ल

नेपाल यस्तो देश हो, जहाँ स्किल छ भने जति पनि अवसर पाइन्छ र फाइनान्सली रूपमा पनि धेरै राम्रो छ । जति अमेरिकामा बसेर कमाइन्छ, यहाँ राम्रो कन्सेप्ट र क्षमता छ भने त्यति मेहनतविना नै अमेरिका बराबर कमाउन सकिन्छ । नेपाली फिल्ममै पनि राम्रो स्क्रिप्ट राइटर छ भने जति पनि पैसा दिन तयार हुने वातावरण छ तर त्यस्ता स्किलफुल मानिसहरू नै छैनन् ।

नारी संवाददाता , वैशाख २१, २०७६

-- पुरै पढ्नुहोस् --

स्कोप देखेरै नेपाल फर्किएकी हुँ : श्रद्धा मास्के

श्रीमान् र छोरासँग लन्डनमा बस्दै आएकी श्रद्धा मास्के मेकअप आर्टिस्टका रूपमा उतै व्यस्त थिइन् । २०१३ मा कामको सिलसिलामा नेपाल आउँदा उनले यहाँ यति धेरै अवसर देखिन् कि उनको मनमा लन्डन छोडेर नेपाल बस्ने सोच आउन थाल्यो । त्यतिबेला नेपालमा मेकअप आर्टिस्टहरू कमै थिए ।

नारी संवाददाता , वैशाख २१, २०७६

-- पुरै पढ्नुहोस् --

नेपालमा स्कोपैस्कोप देख्ने पुस्ता

परिवर्तन लिएर आउने पुस्ता भनेकै युवा पुस्ता हो । युवाहरू पढेलेखेका मात्र होइन संसारलाई बुझेका हुन्छन् । त्यसैले जुन देशमा युवाहरू सक्रिय भएर लागिपरेका छन् त्यही देश विकासको मार्गमा अघि बढेको पाइन्छ । हाम्रो देशको विडम्बना नै भन्नुपर्छ, केही बुझ्ने र केही गर्ने समयमा युवाहरूलाई विदेश जाने हतार हुन्छ ।

सिर्जना दुवाल श्रेष्ठ, वैशाख २१, २०७६

-- पुरै पढ्नुहोस् --

न्यूज मेकर्स

आधुनिक समाजमा महिला सशक्तीकरण प्रमुख प्रश्नका रूपमा अगाडि आइरहेको छ । नेपालजस्तो तेस्रो विश्वका लागि यो अझ जल्दोबल्दो प्रश्न हो । पछिल्ला वर्षहरूमा नेपालमा पनि महिलाहरूको सामाजिक परिवर्तनसँगै उनीहरूको पहुँच शिक्षामा मात्र बढेको छैन, आर्थिक आत्मनिर्भरतासमेत बढ्दै गएको छ ।

जनक तिमिल्सिना, वैशाख ३, २०७६

-- पुरै पढ्नुहोस् --

आफूलाई चिन्न सके सफलता 

एक महिनाको अस्पताल बसाइपछि जब उनी घर फर्किन् उनलाई संसार नै अन्धकार लाग्न थाल्यो । उनी निकै चिन्तित भइन् । दुर्घटनामा परी स्पाइल कर्ड इन्जुरीबाट ग्रस्त देवी हलचल गर्न नसक्ने अवस्थामा थिइन्, ह्विलचेयरविना हिँडडुल गर्न असम्भव थियो । लामो समय उनी डिप्रेसनको सिकारसमेत भइन् ।

नारी संवाददाता , चैत्र २६, २०७५

-- पुरै पढ्नुहोस् --