वर्क प्लेस

काम देखाउनु पनि जरुरी

आफ्नो कामको जानकारीमैले राम्रो काम गरेको छु र मेरो कामको मूल्यांकन भएको छ भनेर ढुक्क हुनु हुँदैन । अफिसमा आफूले गरेको कुनै पनि कामको विषयमा आफ्नो बोसलाई जानकारी गराउनुपर्छ । आफूले गरेको कामको व्यहोरा पनि आफ्नो साथमा राख्नुपर्छ । हरेक मानिसको आफ्नै विशेषता हुन्छ । त्यसका बारेमा बोसलाई बताउनुपर्छ ।स्मार्ट टिप्स आफ्नो कामको प्रशंसा त गर्नुपर्छ तर आलोचित हुने हिसाबले बढी प्रशंसा भने गर्नु हुँदैन । बोसलाई केवल आफ्नो कामका बारेमा बताउनुपर्छ अरुले के गरिरहेका छन् भन्ने कुरा चाहिँ भुलेर पनि गर्नु हुँदैन । लक्ष्य निर्धारण आफ्नो लक्ष्य तयार गर्नुपर्छ । आफूले काम गरेको कार्यालयको हितको विषयमा आफू सदैव चिन्तित हुनुपर्छ । आफूले काम गरेको संस्था कुन लक्ष्य लिएर अघि बढ्दा फाइदा हुन्छ यकिन गर्नुपर्छ र उक्त विषयमा आफ्नो बोसलाई बताउनुपर्छ । यसले गर्दा कार्यस्थलमा आफ्नो सकारात्मक छवि बन्छ । स्मार्ट टिप्स जोसमा आएर कुनै त्यस्तो लक्ष्य तय गर्नु हुँदैन जसलाई पूरा गर्न हम्मे–हम्मे होस् । आफूले पूरा गर्न सकिने लक्ष्य लिनुपर्छ । कसैलाई प्रभावित तुल्याउने लोभमा आफ्नो अस्तित्व बिर्सनु हुँदैन । नयाँ–नयाँ अवधारणाको विकास कुनै पनि कार्यालयमा सिर्जनशील तथा कल्पनाशील व्यक्तिलाई प्राथमिकता दिइन्छ । उनीहरूलाई व्यवस्थापनले हेर्ने दृष्टिकोण पनि फरक हुन्छ । आफ्नो दिमागमा कुनै आइडिया छ भने त्यसलाई भन्नुपर्छ । बिनासंकोच विचार आदान–प्रदान गर्नुपर्छ । आफूले दिएको आइडिया कसैलाई मनपर्‍यो भने सबैको प्रशंसा प्राप्त गर्न सकिन्छ । स्मार्ट टिप्स कुनै नयाँ विचार फुर्नेबित्तिकै तुरुन्तै बोसकहाँ जानुको साटो त्यसको परिणाम के हुन्छ, पहिल्याएर लागू गर्ने निर्णय गरेपछि मात्र बोसलाई बताउनुपर्छ । आफू पूर्णरूपमा तयार भएपछि मात्र बोससँग सम्पर्कमा रहनुपर्छ । पूर्णरूपमा गृहकार्य गरेपछि मात्र आफ्नो योजना बताउनुपर्छ । कामको रेकर्ड राख्नु तलबको विषयमा आफूप्रति न्याय भएको छैन भन्ने अनुभव भएको छ भने आफूले गरेको कामको जिम्मेवारीको रेकर्ड राख्नुपर्छ । आफूलाई उक्त परियोजना कहिले दिएको आफूले कुन–कुन जिम्मेवारी पूरा गर्ने हो निश्चित गर्नुपर्छ । बोससँग मीठा–मीठा कुरा गरेर सदैव फाइदामा रहने कर्मचारीहरूको कमी हुँदैन । आफूले गरेको कामको रेकर्ड राखेर त्यसबाट फाइदा उठाउन सकिन्छ । स्मार्ट टिप्सकामको रेकर्ड बनाउँदा त्यसलाई पूरा गर्न नसकिने तथा हाँसो उठ्ने खालको बनाउनु हुँदैन । पूरा इमान्दार भएर रेकर्ड राख्नुपर्छ । ब्रान्डिङ तथा बजारीकरणको सिद्धान्तअनुरूप सुन्दर वस्तुको माग बढी हुन्छ । सामानको गुणस्तरका साथै त्यसको प्याकेजिङ तथा लेबलिङलाई पनि प्राथमिकता दिनुपर्छ । बाहिरी आवरण राम्रो छ भने त्यसले ग्राहकहरूको मनमा तुरुन्तै प्रभाव पार्छ । त्यसैगरी कार्यालयमा सदैव राम्रो पहिरनमा जानुपर्छ । राम्रो पहिरनले व्यक्तित्वमा निखार ल्याउँछ । मानिसहरूले नोटिस गर्छन् फलतः कार्यालयमा आकर्षणको केन्द्र बन्न सकिन्छ । पहिरनका साथै आफ्नो कुरा पूरै आत्मविश्वासपूर्वक प्रस्तुत गर्ने बानी बसाल्नुपर्छ ।स्मार्ट टिप्स कार्यालयमा कुनै ड्रेस कोड छैन भने पनि औपचारिक पहिरन लगाउनुपर्छ । यसले आत्मविश्वास बढाउनुका साथै छवि पनि राम्रो बनाउँछ । नबोल्दा हुने नोक्सानी – कामको नोटिस हुँदैन । – बोसले जिम्मेवारी दिनुअघि सोच्न थाल्छन् । – काम गर्ने मानिसको गिन्तीमा परिँदैन । – आफ्नो कामको जस अरूले नै लिन्छन् ।

नारी संवाददाता , जेष्ठ ३१, २०७६

-- पुरै पढ्नुहोस् --

एकैपटक धेरै काम गर्नु खतरनाक

मनोवैज्ञानिकहरूका अनुसार तनावले शरीरमा फिल गुड हार्मोनको मात्रा कम गर्छ । कतिपयलाई साइकोलोजिकल हेडेक तथा ढाड दुख्ने समस्या हुन्छ । कोही एक्लोपनको सिकार हुनपुग्छन् भने कोही सदैव दु:खी हुन्छन् । यी महिलाहरू आफ्ना हाकिम, श्रीमान्, बालबालिका र सासू–ससुराको माग पूरा गर्नमा यति धेरै व्यस्त हुन्छन् कि स्वयंका लागि समय प्राप्त हुँदैन ।

नारी संवाददाता , श्रावण २०, २०७५

-- पुरै पढ्नुहोस् --

अफिसमा कस्तो हुनुपर्छ व्यवहार

अफिसमा काम गर्दा निकै विचार पुर्‍याउनुपर्ने हुन्छ । व्यवहारकै कारण प्रिय वा अप्रिय हुने भएकाले राम्रो व्यवहार गरेर सबैको प्रिय बन्न सकिन्छ ।

नारी संवाददाता , माघ २५, २०७३

-- पुरै पढ्नुहोस् --

नर्सिङ पेसामा अवसर तथा चुनौती

नेपालमा करिब ८६ वर्षअघि वि.सं. १९८५ मा नर्स विद्यादेवी, राधादेवी, विष्णुदेवी तथा धर्मदेवीलाई तत्कालीन प्रधानमन्त्री चन्द्रसमशेरका पालामा प्रसूति सेवासम्बन्धी डेढ वर्षे तालिमका लागि भारत पठाइएको थियो ।

नारी संवाददाता , फाल्गुन ८, २०७२

-- पुरै पढ्नुहोस् --

कार्यस्थलमा भेदभाव

कानुनले महिला–पुरुषलाई समान अधिकार प्रत्याभूत गर्न खोजे पनि व्यवहारमा भने त्यस्तो देखिँदैन । महिला–पुरुष समान गतिमा अघि बढिरहेको अवस्थामा कार्यक्षेत्र वा स्थलमा महिलाप्रति गरिने व्यवहार फरक पाइन्छ ।

नारी संवाददाता , कार्तिक ३०, २०७२

-- पुरै पढ्नुहोस् --

करियर परिवर्तन गर्दा

कार्यक्षेत्र परिवर्तन जीवनको महत्वपूर्ण निर्णय हो जसका लागि पूर्वयोजना आवश्यक हुन्छ । एक क्षेत्रबाट अर्को क्षेत्रमा जाँदा धेरै कुरामा ध्यान पुर्‍याउनुपर्छ । आफ्नो करियर बदल्ने चाहना छ भने पुराना अनुभवका साथ केही नयाँ कुरा सिक्नुपर्छ ।

झरना नहर्की, भाद्र १०, २०७२

-- पुरै पढ्नुहोस् --

कस्तो हुनुपर्छ व्यावसायिक सम्बन्ध

व्यक्तिगत होस् वा व्यावसायिक, जुनसुकै सम्बन्ध स्थापित गर्न वर्षौं समय लाग्नसक्छ तर बिगार्न भने केही क्षण नै पर्याप्त हुन्छ ।

पुस १, २०७१

-- पुरै पढ्नुहोस् --