पुरुष

पुरुषहरु कहिले र किन झूटो बोल्छन् ?

लन्डन साइएन्स म्युजियमको एक अनुसन्धानअनुसार पुरुषहरू औसतमा दिनको तीन पटक झूट बोल्छन् । पुरुषको दिनभरिको गतिविधिलाई ध्यान दिएर हेर्ने हो भने यो कुरा साँचो पनि लाग्छ । सामान्यत: पुरुषहरूले बोल्ने झूट हुन्–म अहिले बाटोमा छु, मिटिङमा थिएँ, त्यसैले फोन गर्न पाइन, ट्राफिक जाममा फसेको छु, सरी, फोन ह्याङ भएको थियोत्यसैले फोन उठाउनै सकिन, ...तिमी पहिलेभन्दा स्लिम भएकी छ्यौ, तिमी जुन पहिरनमा पनि सुन्दर देखिन्छ्यौ, तिमी मैले चाहेजस्तै छ्यौ आदि । अझ कतिपय पुरुष त यति गजबले झूटो बोल्छन् कि उनीहरूले बोलेको झूट पनि सत्यजस्तै लाग्छ ।पुरुषहरूमा बाल्यावस्थादेखि नै आफूलाई विशेष मान्ने बानी हुन्छ । यसमा पारिवारिक तथा सामाजिक दृष्टिकोणले पनि महत्वपूर्ण भूमिका निर्वाह गरेको हुन्छ । यही विशेषताका कारण पुरुषहरू झूटो बोल्छन् । हुनत यसमा अपवाद पनि उत्तिकै हुन्छन् । श्रीमतीले सोध्ने अनेकथरी सवाल–जवाफबाट जोगिन श्रीमानहरू झूट बोल्छन् ।    श्रीमानहरू साथीहरूसँगको अचानक हुने जमघटका कारण घर आउन ढिलो भएपछि अफिसको काम वा ओभरटाइमको बहाना बनाउँछन् ।    सत्य कुरा बताउँदा शंका हुने भएकाले पनि झगडाबाट जोगिन यस्ता कुरामा श्रीमानहरू झूट बोल्छन् ।    प्रेमिका कुरिरहेकी छिन् तर आफू पुग्न ढिलो भए केटाहरू झूट बोल्छन् । यस्तो अवस्थामा केटाहरू परिवारका सदस्य बिरामी भएको, व्यापारमा समस्या आएको, अफिसमा हाकिमले अतिरिक्त काम दिएको आदि बहाना बनाउँछन् ।    यस्तो अवस्थामा प्रेमीले झूटो बोलेन भने उसले प्रेमिकाको कडा रिस झेल्नुपर्ने हुन्छ र लामो समय उनलाई मनाउनकै लागि खर्चन सक्छ ।    युवकहरूको पोजिसन, पहिरन, पर्सनालिटी आदिबाट युवतीहरू छिट्टै प्रभावित हुन्छन् । उनीहरूको यो कमजोरीका कारण पनि युवकहरू झूटो बोल्न विवश हुन्छन् ।    आफ्नो शान कायम राख्नकै लागि युवकहरू प्रेमिकाका अगाडि झूटो बोल्छन्, विशेष गरी आफ्नो तलब वा आम्दानीका विषयमा ।    नातेदार, साथीभाइ तथा महिलाहरूका अगाडि आफ्नो इमेज एवं पोजिसन बढाइचढाइ पेस गर्ने क्रममा पुरुषहरू अनगिन्ती झूट बोल्छन् । यस्तोमा उनीहरू आफ्नो शिक्षा, उपलब्धि, पद, आम्दानी आदि विषयमा फुर्ती लगाउँछन् ।    पुरुषहरूले आफूलाई सुपेरियर देखाउन खोज्नु नै यसको कारण हुन्छ ।    करिअरमा अघि बढ्न नसक्दा, असफलता हात लाग्दा आदिमा पनि पुरुषहरू झूट बोल्छन् । पुरुषहरू कहिल्यै आफ्नो असफलता सार्वजनिक होस् भन्ने चाहँदैनन् ।    संयुक्त परिवारमा बस्ने दम्पतीको सम्बन्ध खराब छ वा दाम्पत्य जीवन निकै तनावपूर्ण छ भने पनि पुरुषहरू अरूका अगाडि सबै कुरा ठीकठाक छ भनेर सजिलै झूटो बोलिदिन्छन् । परिवारका सदस्यलाई कुनै कष्ट नपुगोस्, परिवारको परम्परा एवं शान्ति कायम होस् भन्ने अभिप्रायले उनीहरू त्यसो गर्छन् । परिवारसँग जोडिएको कुनै कमजोरी छ भने पुरुषहरू यस्ता विषयप्रति कम कुरा गर्छन् र आवश्यक परे त्यसलाई ढाकछोप गर्ने गरी झूट बोल्न पछि पर्दैनन् । 

नारी संवाददाता , जेष्ठ ६, २०७५

-- पुरै पढ्नुहोस् --

अहिलेको पुस्ता भनेकै युट्युब पुस्ता हो

उकाली चढौंला, सुन, भन, छिटको गुन्यू, मोहनी लाग्लाजस्ता सदाबहार गीतको कभरसङ्ग राखेपछि धेरैले रुचाए र मेरा युवापुस्ताका प्रशंसकहरू बढ्दै गए ।

नारी संवाददाता , वैशाख ९, २०७५

-- पुरै पढ्नुहोस् --

संघर्षले सफल आचार्य

जीवनसाथी गुमाएपछि एक्लै बसेका भए हरिवंश सायदै यसरी सक्रिय हुनसक्थे । उनले आफ्नो जस्तै पीडा भएकी रमिलासँग छोराहरूकै आग्रहमा विवाह गरे । हाम्रोजस्तो समाजका एकल महिलाले मुखले नभने पनि उनीहरूमा कसैको साथ पाए हुन्थ्यो भन्ने सोच पुरुषमा जस्तै हुन्छ ।

नारी संवाददाता , चैत्र ११, २०७४

-- पुरै पढ्नुहोस् --

सबै युवती उत्तिकै सुन्दर हुन्छन

नेपाली महिलाहरू काममा अग्रसर, उत्सुक एवं समर्पित छन् । ट्याम्पु ड्राइभरदेखि कर्पाेरेट लेबलसम्म महिलाहरूको उपस्थिति उत्साहजनक छ । नेपाली महिलाहरूमा कामप्रति सम्मान छ ।

नारी संवाददाता , फाल्गुन ८, २०७४

-- पुरै पढ्नुहोस् --

आर्थिक कुरामा झूट बोल्छन् पुरुष

सबैभन्दा बढी झूट ऋणकै विषयमा बोलिन्छ । खर्च गरिने रकम तथा ऋणका सम्बन्धमा एक–अर्कालाई जानकारी नहुँदा समस्या सिर्जना हुनसक्छ । अझ श्रीमान् केही गरी तलमाथि भए श्रीमतीले असाध्यै दु:ख पाउँछिन् । परिवारमा आर्थिक संकट उत्पन्न हुन्छ ।

नारी संवाददाता , माघ २१, २०७४

-- पुरै पढ्नुहोस् --

मूर्तिको सौख भनेको महँगो सौख हो

मन्दिरअगाडि माटोको शिवलिङ्ग बनाइराख्दा पूजा गर्न तथा पाला चढाउन थालेपछि मूर्ति कलाप्रति आकर्षण बढेको हो । स्कुल पढ्दा नै म पेन्टिङ बेच्थें । अरूसँग ५–१० रुपैंयाँ हुने बेला मसँग ३–४ सय हुन्थ्यो । साँच्चै भन्नुपर्दा आर्थिक लाभले मेरो सिर्जनशीलता जगाइराख्यो ।

नारी संवाददाता , माघ ४, २०७४

-- पुरै पढ्नुहोस् --

गृहनिर्मात्री होइन गृहनिर्माता

यसरी हेर्दा उनीहरूको जोडी कतिपय चलचित्रमा देखाइएजस्तो काल्पनिक पनि लाग्नसक्छ तर वास्तविकतामै उनीहरू सफल एवं सुखी जीवन बिताइरहेका छन् । यहाँ केवल भूमिका फेरिएको छ । यही एक उदाहरण नै हिजोआज महिलाहरूको बदलिँदो भूमिका दर्शाउन पर्याप्त छ ।

नारी संवाददाता , पुस २५, २०७४

-- पुरै पढ्नुहोस् --

म भर्खर ठूलो हुँदैछु

म फिजिकल ब्युटीमा मात्र विश्वास गर्दिन । कतिपय व्यक्ति हेर्दा अत्यन्त सुन्दर हुन्छन् तर उनीहरूमा ज्ञान, बुद्धि एवं क्षमताको कमी हुन्छ । त्यसैले ब्युटी विथ ब्रेन एन्ड गुड हार्ट चाहिन्छ ।

नारी संवाददाता , पुस ५, २०७४

-- पुरै पढ्नुहोस् --

भाँडा माझ्न रुचाउँछु : सौगात मल्ल

म जस्तोसुकै चरित्र पनि जीवन्त रूपले निर्वाह गर्ने प्रयास गर्छु । लुटको हाकु कालेदेखि शब्दको दमाई, फाटेको जुत्ताको मधेसी चरित्र सबै उत्तिकै मनपर्छन् । यद्यपि दर्शकहरूमाझ उही हाकु कालेको चरित्र नै छाएजस्तो लाग्छ ।

नारी संवाददाता , मंसिर ६, २०७४

-- पुरै पढ्नुहोस् --

लज्जित बनाउने पुरुषका छ बानी

हिजोआज मानिसहरू काममा भन्दा मोबाइलमा बढी व्यस्त हुन्छन् । उनीहरू मिटिङमा पनि म्यासेज गर्न छोड्दैनन् । त्यस्तो बानी बदल्नु आवश्यक छ । कसैसित भेट गर्न जाँदा, ऊसितको कुराकानीका बेला पनि अरूलाई म्यासेज गरिन्छ भने उसको कुराकानीमा कम मोबाइलमा बढी ध्यान केन्द्रित हुन्छ, यसले गर्दा आफ्नै इम्प्रेसन डाउन हुन्छ ।

नारी संवाददाता , कार्तिक १६, २०७४

-- पुरै पढ्नुहोस् --

केकी अधिकारी सरल छन् : दिक्पाल कार्की

गत वर्ष थाइल्यान्डमा सम्पन्न मिस्टर ग्लोबल–२०१६ मा सहभागी दिक्पाल कार्की उत्कृष्ट ५ मा पर्न सफल भए । सानैदेखि मोडलिङ एवं अभिनयमा रुचि राख्ने दिक्पालले हालसम्म सयभन्दा बढी म्युजिक भिडियोमा अभिनय गरिसकेका छन् ।

नारी संवाददाता , भाद्र १२, २०७४

-- पुरै पढ्नुहोस् --