विज्ञान प्रविधि

महिलाहरू फेक अकाउन्टको जालमा

प्रविधिले हाम्रो काम जति सहज गराइदिएको छ, त्यति नै यसका बेफाइदा पनि छन् । सोसल नेटवर्किङ साइटका माध्यमद्वारा हामी आफ्ना परिवारजन, इष्टमित्र, आफन्त एवं साथीभाइसँगको निरन्तर सम्पर्कमा त रहन सक्छौं तर पर्याप्त सावधानी अपनाइएन भने हामीलाई त्यसभन्दा ठूलो समस्या केही हुँदैन ।हिजोआज फेक आइडी (इन्टरनेटमा गलत ठेगाना) का कारण थुप्रै घटना घटेका समाचार पत्रपत्रिका तथा टेलिभिजनलगायत सोसल साइटमै पनि पढ्न–देख्न पाइन्छ । यस्ता साइट जसको प्रयोग बालबालिकादेखि लिएर बूढाबूढीसम्मले गर्छन् । तीमध्ये कतिपय व्यक्ति फेक अकाउन्ट खोलेर अरुका विषयमा गोप्य जानकारी तथा सूचना लिइरहेका हुन्छन् । कतिपयले त प्रेम र विवाहको लालच देखाएर युवतीहरूको भावनासँग खेलवाड गरिरहेका हुन्छन् भने साथसाथै पैसासमेत मागिरहेका वा प्राप्त गरिरहेका हुन्छन् । कतिपयले त हाकाहाकी गु्रप बनाएर जागिर दिने वा व्यापारमा संलग्न गराउने लोभमा पारेर ठगिरहेका हुन्छन् । यस्ता फेक अकाउन्ट कसरी पत्ता लगाउने, केही कुरा जानिराखौं ।सोसल साइटमा साथी बन्दाफेक अकाउन्ट खुट्याउनु वा कसले खोलेको हो पत्ता लगाउनु जरुरी हुन्छ । हुनसक्छ एकपटक धोका पाएपछि आफू त सजग भइन्छ तर दोस्रो व्यक्तिलाई पनि सजग गराउनु आफ्नो कर्तव्य हो । कतिपय मानिस एकपटक कुनै काममा असफल भए भने सोसल मिडियाबाटै गायब हुन्छन् र केही समयको अन्तरालमा पुन: आउँछन् । फेरि अर्कोलाई फसाउँछन् । कतिपय मानिस अज्ञानतावश पनि उनीहरूको जालमा फसिरहेका हुन्छन् । मुख्यत: यस्ता मानिसले किशोर–किशोरी एवं युवतीलाई टार्गेट बनाइरहेका हुन्छन् । यदि कुनै अकाउन्ट फेक हो भन्ने लाग्छ भने अरूलाई पनि त्यसको जानकारी गराउनुपर्छ । किनभने त्यसले अपहरणदेखि लिएर बलात्कार र हत्यासम्म हुने खतरा निम्त्याउँछ । यस्ता अकाउन्ट समाजकै लागि हानिकारक छन् । कतिपयले आफ्नो पार्टनरको जासुसीका लागि फेक अकाउन्ट बनाउँछन् तर यो उपाय पनि अत्यन्तै जोखिमपूर्ण छ । यसको अर्थ हुन्छ तपाईं आफ्नो पार्टनरप्रति विश्वास गर्नुहुन्न ।कसरी पत्ता लगाउने ?कतिपय अवस्थामा यस्ता अकाउन्ट शतप्रतिशत असली देखिन्छन्, छुट्याउनै कठिन हुन्छ । अकाउन्टमा राखिएको फोटोलगायत स्टाटसहरू नक्कली हुन् भन्ने छनक नै हुँदैन । यहाँसम्म कि आफू र उक्त अकाउन्टधारीबीच थुप्रै म्युचअल फ्रेन्डस् पनि देखिन्छन् । यस्तो अवस्थामा आफ्ना म्युचअल फ्रेन्डस्सँग जानकारी लिई उनीहरूका बारेमा बुझ्न सकिन्छ ।- जसलाई व्यक्तिगत रूपमा चिनिँदैन, उनीहरूलाई आफ्नो फ्रेन्ड रिक्वेस्ट लिस्टमा एड गर्नुहुँदैन । एड भैहाले पनि उनीहरूसँग कुराकानी गर्नुहुँदैन, आफ्ना निजी जानकारी उनीहरूसँग सेयर गर्नुहँुदैन ।- फ्रेन्ड रिक्वेस्ट पठाउनेहरूको प्रोफाइलमा जाने । उसका बारेमा जानकारी लिने । उसका तस्बिर, उसले पोस्ट गरेका जानकारीलगायत उसका बारेमा गम्भीर रूपमा सूचना लिने अनि मात्र फ्रेन्ड स्वीकार गर्ने ।- कयौं पटक फेक अकाउन्टधारीहरू अर्काको तस्बिर चोरेर आफ्नो प्रोफाइल पिक्चर बनाउँछन् जसबाट उनीहरू वास्तविक रूपमा बाहिर नचिनिऊन् । यस्तो बेला गुगलमार्फत उनीहरू साँचो हुन् वा होइनन् जाँच्न सकिन्छ ।- आफूसँग साथी बन्न चाहनेहरूको सन्जाल कस्तो छ जान्नुपर्छ । उसका साथीसंगी कस्ता र कहाँका छन् । बढी विदेशी, नितान्त फरक क्षेत्रका तथा अत्यन्तै नचिनेका मानिसहरू छन् भने त्यस्ता रिक्वेस्ट एसेप्ट गर्नुहुँदैन ।- अकाउन्ट नक्कली हो भन्ने लाग्यो भने ब्लक वा रिपोर्ट गर्न सकिन्छ । त्यति मात्र होइन आफ्नो अकाउन्टमार्फत उसका सूचनाहरू सेयर गरेर अरूलाई पनि सजग बनाउन सकिन्छ । यसका लागि उसको प्रोफाइल लिंक कपी गरेर आफ्नो वालमा पेस्ट गरिदिन सकिन्छ ।- प्राइवेसी सेटिङमा गएर आफ्नो अकाउन्टलाई चुस्तदुरुस्त राख्नुपर्छ । त्यसभित्र आफ्नो अकाउन्ट सुरक्षित राख्ने थुप्रै उपाय फेला पर्छन् । सोसल नेटवर्किङद्वारा जोकोहीले कुनै पनि बेला आफ्नो कुराकानी वा तस्बिर गलत तरिकाले प्रयोग गर्न सक्छन् । तसर्थ यसमा हरक्षण सजग एवं सचेत रहनुपर्छ । यसमा अलिकति मात्र गल्ती भयो भने पनि जीवनभर पछुताउनुपर्ने घटना घट्न सक्ने प्रबल सम्भावना हुन्छ । सामाजिक सञ्जालमा कुनै पनि गल्ती माफ हुँदैन र त्यसको सजाय आफैले भोग्नुपर्ने हुन्छ । 

नारी संवाददाता , भाद्र १३, २०७४

-- पुरै पढ्नुहोस् --

इएमआई सुविधा

आर्थिक विकासले तीव्र गति नलिए पनि हाम्रो मुलुकमा पनि एटीएमको प्रयोगद्वारा बैंकिङ कारोवार गर्ने मानिसहरूको संख्या बढ्दै गएको छ र त्यसले दैनिक व्यवहारलाई सहज तुल्याएको छ । यही क्रममा इएमआई (इक्वेटेड मन्थ्ली इन्स्टलमेन्ट) का माध्यमद्वारा किस्ताबन्दीमा कर्जा लिन सकिन्छ ।

नारी संवाददाता , पुस २३, २०७३

-- पुरै पढ्नुहोस् --

च्यालेन्जिङ भूमिका खोज्दै रेसु

अध्ययनमा अब्बल रेसु तामाङमा सानैदेखि केही नयाँ काम गरौं भन्ने सपना थियो । नाचगान तथा अभिनय गरेर घरमा सबैलाई मख्ख पार्ने रेसु डेब्यु चलचित्र द विनरमा आफ्नो वास्तविक जीवनमा जस्तै विशेष भूमिकामा देखा परेकी छिन् ।

नारी संवाददाता , पुस १९, २०७३

-- पुरै पढ्नुहोस् --

सिटी म्याक्स हलमा मेट्रो लन्ज बार

कलाकार अमित श्रेष्ठले राजधानीको बागबजारस्थित सिटी म्याक्स हल परिसरमा मेट्रो लन्ज बार सञ्चालनमा ल्याएका छन् । झण्डै आधा दर्जन फिल्ममा अभिनय गरिसकेका अमितले जीवन लामा र ज्ञानेन्द्र खड्कासाग सहकार्य गर्दै बार खोलेका हुन् ।

नारी संवाददाता , पुस ३, २०७३

-- पुरै पढ्नुहोस् --

सय वर्ष पुरानो पुस्ताको कथा

सय वर्ष पहिलेको पुस्ताको कथा प्रस्तुत गरिएको चलचित्र पुरानो पुस्ता मंसिरको पहिलो हप्ता प्रदर्शनमा आउने भएको छ ।

नारी संवाददाता , मंसिर ८, २०७३

-- पुरै पढ्नुहोस् --

प्रविधिको दुष्प्रभाव

बाहिर निस्कँदा हातमा ट्याबलेट, घरमा भिडियो गेम तथा कार्टुन अहिलेका बालबालिकाहरूको दिनचर्या बनेको छ ।

झरना नहर्की, मंसिर १, २०७३

-- पुरै पढ्नुहोस् --

खर्चालु साथीको पहिचान

फजुल खर्च गर्ने साथीलाई सम्हाल्न निकै कठिन हुन्छ ।

नारी संवाददाता , भाद्र ७, २०७३

-- पुरै पढ्नुहोस् --

मिसावटी खाद्यपदार्थ बहिष्कार गरौं

हामी थुप्रै प्रकारका खाद्यपदार्थ उपभोग गर्छौं । हामी खानपानप्रति उदासीन पनि रहन सक्दैनौं । त्यसैले खानाप्रति सजग र सचेत हुनु आवश्यक छ । ताजा तथा विषादीरहित खाद्यपदार्थ उपभोग गर्नु नै बुद्धिमानी हुन्छ ।

नारी संवाददाता , श्रावण २९, २०७३

-- पुरै पढ्नुहोस् --

एकैपटक धेरै काम गर्नु खतरनाक

एउटा हातमा फोन, दोस्रोमा बेलन अनि कम्प्युटरमा काम गर्दै मोबाइलमा कसैलाई म्यासेज गर्नु । छोराछोरीलाई पढाउने क्रममा अफिसको प्रेजेन्टेसन तयार गर्नु । यो हो आजका कामकाजी महिलाहरूको कथा ।

नारी संवाददाता , श्रावण २१, २०७३

-- पुरै पढ्नुहोस् --

आपत्कालीन अवस्थाका लागि कोष

कुनै पनि आशंकाबिना कसैको पनि आर्थिक अवस्था बिग्रन सक्छ । व्यवसाय घाटामा जानसक्छ । लगानी गरेको ठाउँमा भनेजति नाफा नहुन सक्छ । त्यसले आफ्नो आर्थिकस्थिति नाजुक बनाउन सक्छ । त्यसैले सदैव वित्तीय योजना बनाएर

नारी संवाददाता , श्रावण १४, २०७३

-- पुरै पढ्नुहोस् --

महिलाहरूको धन प्रबन्ध

हिजोआज महिलाहरू हर क्षेत्र तथा प्रभावशाली पदमा छन् । हरेक दिन त्यस्ता महिलाहरूको संख्या वृद्धि हुँदैछ जसको साथमा आफ्नो पैसा छ । उनीहरूलाई वित्तीय संसारको महत्वपूर्ण अंग पनि मानिएको छ ।

झरना नहर्की, असार ८, २०७३

-- पुरै पढ्नुहोस् --