गन्तव्य

घुमघामका लागि पोखरा आसपास

घुम्न तथा नयाँ कुराको जानकारी लिन उत्सुक आन्तरिक एवं बाह्य पर्यटक पोखरा पुग्छन् । केही वर्षअघिसम्म पोखरा पुग्ने आन्तरिक तथा बाह्य पर्यटक सहरमै केन्द्रित हुन्थे । पोखरा पुग्ने पर्यटकको ध्यान कास्कीका सुन्दर गाउँहरूले समेत खिच्न थालेका छन् । कास्कीका गाउँ भौगोलिक रूपमा त्यति विकटसमेत नभएकाले पनि बर्खायामबाहेक अन्य समयमा पुग्न सहज छ । सिक्लेसकास्कीको सुन्दर गाउँ हो–सिक्लेस । मादी गाउँपालिकामा पर्ने यो गाउँ पर्यटकीय आकर्षणको केन्द्र बन्दै गएको छ । गुरुङ कला–संस्कृतिको जीवन्त अनुभव गर्न पाइने सिक्लेस गाउँ लमजुङ हिमालको काखमा अवस्थित छ । करिब ४ सय घरधुरी भएको यो गाउँ झुप्प परेर बसेको छ । समुद्री सतहबाट २ हजार मिटरको उचाइमा रहेको यो गाउँबाट डेढ घन्टा उकालो चढेपछि मनमोहक रिसिङ डाँडा पुगिन्छ । गुरुङ संस्कृतिको धनी सिक्लेसमा चरा तथा वन्यजन्तु प्रेमीहरूसमेत रमाउन सक्छन् । नेपालकै ठूलो गुरुङ बस्तीका रूपमा रहेको यो गाउँ अन्नपूर्ण संरक्षण क्षेत्रअन्तर्गतको घलेखर्क सिक्लेस इको ट्रेकभित्र पर्छ । कला–संस्कृति जगेर्नाका लागि यहाँ बेलाबेलामा मेला–महोत्सवहरू आयोजित गरिन्छ । यहाँका दुईवटा टावरबाट सुन्दर दृश्यावलोकन गर्न सकिन्छ । सिक्लेसमा पर्यटकहरूलाई आमा समूहमार्फत स्वागत गर्ने चलन छ ।पोखरा महानगरपालिका, काहुँखोलाबाट ३८ किलोमिटर उत्तरस्थित सिक्लेस पदयात्रा, जिप वा बसबाट पुग्न सकिन्छ । काहँु खोलाबाट बस तथा जिपमा ढाडबेंसी, काभ्रेखोला, छाचोक, मेल्चो, थाक, तप्राङ, चिप्ली तथा पार्चे हुँदै जिपबाट सिक्लेस पुग्न झन्डै ४ घन्टा लाग्छ । गुरुङ संस्कृतिको अध्ययनका लागि सिक्लेस ईको म्युजियम पनि महत्वपूर्ण अंग बन्ने गरेको छ । संग्रहालयमा गुरुङ संस्कृतिको वेशभूषा, रहनसहन तथा परम्परा झल्काउने सामग्री अवलोकन गर्न सकिन्छ । सग्रहालयमा सिक्लेस क्षेत्रमा पाइने अत्यन्त महत्वपूर्ण कुट्को, कुरिलो, सतुवा, विष, जटामसी, सिल्टीमुर, पाँचऔँले तथा यार्सागुम्बाजस्ता जडीबुटीसमेत राखिएको छ । सिक्लेसमा खान–बस्नका लागि स्थानीय बासिन्दाले सञ्चालन गरेका १५ घरमा होमस्टे तथा १२ वटा होटल उपलब्ध छन् । यहाँ एक दिन बास बस्न १ हजार २ सय रुपैयाँ भए पुग्छ । त्यति पैसामा बेलुकाको खाना, बिहानको ब्रेकफास्ट तथा खानाका साथै बासमेत पाइन्छ । यहाँ स्पेसल लोकल अर्गानिक खाना, ढिँडो खान पाइन्छ ।घान्द्रुककास्की जिल्ला अन्नपूर्ण गाउँपालिकामा अन्नपूर्ण पदयात्रा मार्गमा पर्ने घान्द्रुक गाउँ पोखरा घुम्न आउने पर्यटकका लागि आकर्षक गन्तव्य मानिन्छ । घान्दु्रकमा ऐतिहासिक तथा धार्मिक पर्यटकीय स्थलहरू मेश्रमवराह, तौजीवराह, पोज नेबवराह, कोटडाँडा, गुम्बा, ङयोवराह ताल आदि छन् । पोखराको टुँडिखेल, हरिचोकबाट जिप वा बसबाट किम्चेसम्म जान सकिन्छ । प्रतिव्यक्ति ३ सय ३० रुपैयाँमा जिपमा लगभग ३ घन्टामै त्यहाँ पुगिन्छ । बसमा जाँदा २ सय ५० रुपैयाँ तिर्नुपर्छ । बस अथवा जिपबाट ओर्लेपछि त्यहाँबाट झन्डै एक घन्टाको उकालो पैदल यात्रापछि घान्द्रुकको मुख्य गाउँ पुगिन्छ । पैदल यात्रामा ठूला–ठूला झरना, पानीघट्ट, गाउँको हरियाली तथा घान्द्रुक पारीको गाउँ लान्द्रुकका मनोरम दृश्यको मज्जा लिन सकिन्छ । घान्द्रुकमा झन्डै ५० वटा होटल छन् भने होमस्टे समेत सञ्चालनमा छन् । यहाँ होटलको आँगनबाट माछापुच्छ्रे तथा अन्नपूर्ण हिमालका शृंखला मज्जाले हेर्न सकिन्छ । यहाँ पुगेर बिहानको चिया–नास्तापछि गाउँ घुम्नुको मज्जा लिनुपर्छ । तपार्इं हिँड्न सक्नुहुन्छ भने झन्डै ३ घन्टाको पैदलयात्रा गरी छोमरोङ पुगेर हिमाल आदि प्राकृतिक दृश्य नजिकबाट नियाल्न सकिन्छ । यहाँ एटेच बाथरुमसहितको रुममा एक रात बसेको बेलुकाको खाना तथा बिहानको ब्रेकफास्ट सहित प्रतिव्यक्ति १ हजार रुपैयाँ लाग्छ । सिजनमा घान्द्रुक पुग्ने आन्तरिक तथा बाह्य पर्यटक भीड अत्यधिक हुन्छ । ट्रेकिङ रुटसमेत भएकाले यो बाटो भएर अन्नपूर्ण बेस क्याम्पसमेत पुग्न सकिन्छ ।धम्पुसपोखराबाट नजिकको दूरीमा पर्ने सुन्दर ठाउँ हो–धम्पुस गाउँ । कास्कीको माछापुच्छ्रे गाउँपालिकामा पर्ने यो गाउँबाट हिमाल आदि प्राकृतिक दृश्य नियाल्न पाइन्छ । पर्यटकहरू यहाँ रहेका धम्पुसकोट, भुमे मन्दिर, नेवोताल बराह, सिद्घबराह मन्दिर, थाकडाँडा, तप्राङ मैदान आदि ठाउँमा समेत पुग्छन् । यहाँबाट माछापुच्छ्रे हिमालको सुन्दर दृश्य अवलोकन गर्न सकिन्छ । त्यसका अतिरिक्त यहाँबाट धौलागिरि, हिमचुली, अन्नपूर्ण आदि हिमालको रेञ्जसमेत नियाल्न पाइन्छ । पोखराबाट झन्डै २१ किलोमिटरको दूरीमा पर्ने यो गाउँमा आफ्नै सवारी साधन हुनेहरू १ घन्टामै पुग्न सक्छन् ।यहाँ झन्डै २५ वटा होटल सञ्चालनमा छन् । धम्पुसमा ५ सयदेखि ३ हजार रुपैयाँसम्ममा कोठा पाइन्छ । नेपाली खाना, गाउँमा पाइने अर्गानिक चिया, कफी यहाँका विशेषता हुन् । हरिचोकबाट दैनिक ८ वटा जिप तथा दुईवटा बस धम्पुस पुग्छन् । बसले १ सय तथा जिपले १ सय २० रुपैयाँ भाडा लिन्छन् । धम्पुस लालीगुराँसका लागि पनि प्रख्यात छ । यहाँ लालीगुँरास महोत्सवसमेत आयोजित गरिन्छ । भूपि शेरचन राजमार्गको घट्टेखोलाबाट एक घन्टाको पैदल यात्रापछि पनि धम्पुस पुग्न सकिन्छ । अस्ट्रेलियन बेस क्याम्प जानेहरू यही बाटो भएर हिँड्छन् । धम्पुसमा लालीगुराँस इको पार्क छ । त्यहाँको भ्यूटावरबाट पञ्चासे, पोखरा आदिका दृश्य हेर्न सकिन्छ । भ्यूटावर चढ्न विदेशीलाई ५० रुपैयाँ, नेपालीलाई २० रुपैयाँ तथा विद्यार्थीलाई १० रुपैयाँ लाग्छ । धिताल अस्तामकास्कीको माछापुच्छ्रे गाउँपालिका–६ स्थित अस्ताम शान्त वातावरणमा मन बहलाउन खोज्नेहरूको रोजाइमा पर्छ । पोखराको लेकसाइडबाट झन्डै २० किलोमिटर उत्तरपश्चिमको यात्रापछि अस्ताम पुग्न सकिन्छ । हेम्जाको सुइखेत तथा मर्दीखोलाबाट १ घन्टाको पैदल यात्रापछि पनि त्यहाँ पुगिन्छ भने हेम्जाको मिलनचोकबाट गाडीमा झन्डै ६ किलोमिटरको यात्रापछि पनि अस्ताम पुग्न सकिन्छ ।यहाँबाट मनास्लु, अन्नपूर्ण, काहुँ, रूपाकोट, पोखरा उपत्यका, सेती नदी, मर्दीखोला, हेम्जा, कास्कीकोट, सराङकोट, लुम्ले, धम्पुस, ल्वाङघलेल, रिभान, लाहाचोक, घाचोक, पञ्चासेका साथै पर्वतका केही भूभाग देख्न सकिन्छ । घाम अस्ताउने बेला राम्रो देखिने भएकाले यो ठाउँको नाम अस्ताम रहेको स्थानीय बासिन्दा शिवलाल अधिकारीले बताए । अन्नपूर्ण बेस क्याम्प जाने ट्रेकिङ रुटसमेत यहीँबाट जान्छ । हेम्जा अस्ताम हुँदै अन्नपूर्ण बेसक्याम्प जानेहरू बढी हुन्छन् । यहाँ बिहान–बेलुकाको खाना, दिउँसोको खाजा, चिया पानी र कोठासहित नेपालीलाई प्रतिव्यक्ति ३ हजार ५ सय ५० रुपैयाँ शुल्क लाग्छ । कालाबाङ घडेरीवि.सं. २०७१ चैतदेखि हालको पोखरा लेखनाथ महानगरपालिका–२२, पुम्दीभुम्दीमा कालाबाङ घरेडीको होमस्टे सुरु भयो । सञ्चालनमा आएको छोटो समयमै कालाबाङ घडेरी होमस्टेले आन्तरिक तथा बाह्य पर्यटकको मन जित्दै आएको छ । आन्तरिक तथा बाह्य पर्यटक भित्र्याउन त्यहाँका होमस्टे सञ्चालकहरू दत्तचित्त छन् । गुरुङ, ब्राह्मण तथा कथित दलितहरूको बसोबास भएको कालाबाङ घडेरीमा १८ घरधुरीमा होमस्टे सञ्चालन गरिएको छ । पोखराबाट साढे १२ किलोमिटरको दूरीमा यो होमस्टे गाउँ छ । विगतमा लाहुरे समुदायका ३ सय घर रहेको यो गाउँमा हाल १ सय ५६ घर छन् जसमध्ये ब्राह्मणका ६, गुरुङका ११ तथा कथित दलितको १ घरमा होमस्टेको सुविधा छ । 

राजाराम पौडेल, पुस १, २०७५

-- पुरै पढ्नुहोस् --

दसैंमा भारत घुमघाम

नेपालमा फरक–फरक प्रयोजनको घुमफिरका लागि फरक–फरक गन्तव्य रोजिन्छ भारतमा पनि घुमफिर गर्ने थुप्रै ठाउँ छन् । सांस्कृतिक एवं धार्मिक विविधता, प्राकृतिक दृश्यावलोकन तथा सामाजिक रहनसहनको अवलोकन जस्ता फरक–फरक प्रयोजनका लागि भारत भ्रमण उपयुक्त मानिन्छ । विश्वलाई बुझ्न संसार घुमिरहनै पर्दैन एउटा भारत घुमे पुग्छ भन्ने भनाइ यी सबै कुरा हेर्दा हो नै जस्तो लाग्छ ।

नारी संवाददाता , आश्विन २३, २०७५

-- पुरै पढ्नुहोस् --

टर्कीको सम्झना

लामो इतिहास बोकेको टर्कीले साम्राज्यवादी मुलुकका रूपमा विश्वका थुप्रै देशमा राज्य गथ्र्यो । सन् १९२३ पछि गणतन्त्रमा परिवर्तन भएको टर्कीलाई एउटा आधुनिक मुस्लिम राष्ट्रको नमुनाका रूपमा प्रस्तुत गर्न सकिन्छ । यहाँ बुर्का लगाएका महिला फेला पार्न गार्‍हो छ । मुस्लिम राज्य भएर पनि यहाँका महिलाहरू मिनी स्कर्टमा भेटिन्छन् । त्यहाँका युवतीहरू अग्ला, फेयर स्किन, टलक्क टल्किने आँखा, ब्लन्ड कलरको केशले गर्दा निकै आकर्षक देखिन्छन् ।

सिर्जना जोशी, भाद्र ५, २०७५

-- पुरै पढ्नुहोस् --

कर्णालीमा धेरै राम्रा कुरा छन् तर त्यसको चर्चा हुँदैन

कर्णालीका बासिन्दालाई दु:ख गर्न सक्ने एवं तत्कालै प्रतिक्रिया दिन सक्ने हिम्मतिला मानिसका रूपमा चिनिन्छ । कर्णालीका मानिसहरूले मागेर खाँदैनन् । कर्णालीका मानिस कर्मशील छन् । कर्णालीका मानिस चोर र डाँका छैनन्, आत्महत्या गरेर मर्नेहरू छैनन्, भए पनि नगन्य छन् । उपलब्ध साधनहरू थोरै भएकाले विकल्पहरूका बारेमा सोंच्ने क्षमता राख्छन् ।

पदम भण्डारी, असार ८, २०७५

-- पुरै पढ्नुहोस् --

चर्चित हिल स्टेशन

नेपाल प्राकृतिक सम्पदाले भरिपूर्ण विश्वकै सुन्दर देशमध्ये एक हो । हिमाल, पहाड र तराई मिलेर बनेको नेपाल सानो तर प्राकृतिक सम्पदाले सम्पन्न मुलुक मानिन्छ । यहाँ थुप्रै त्यस्ता घुम्न लायक स्थान छन् जहाँ पुगेपछि जोकसैको मन लोभिन्छ ।

नारी संवाददाता , वैशाख २०, २०७५

-- पुरै पढ्नुहोस् --

टापुको सौन्दर्य

भ्रमणको अविस्मरणीय क्षण संगाल्न, प्रकृतिको अनुपम सौन्दर्यसँग साक्षात्कार गर्न तथा आनन्दपूर्ण भावदशामा आफैलाई बिर्सदै प्रियजनसँग मिठासपूर्ण समय बिताउन नचाहने सायदै कोही होलान् । त्यसो हो भने अनुपम सौन्दर्यले भरिपूर्ण संसारका केही प्रसिद्ध टापु तपाईंको स्वागत गर्न आतुर छन् ।

नारी संवाददाता , फाल्गुन १४, २०७४

-- पुरै पढ्नुहोस् --

जाडो मौसममा आन्तरिक पर्यटन

पर्यटनमा संलग्न हुने धेरैजसो खर्चयोग्य आम्दानी र घुम्न समय भएकाहरू नै हुन् । त्यसमा पनि सरकारी, गैरसरकारी, वित्तीय, व्यापारिक तथा अन्य संस्थामा कार्यरत कर्मचारी, उद्योगी, व्यवसायी, व्यापारी एवं पेसाकर्मीहरू अग्रपंक्तिमा हुन्छन् । विशेषत: जाडो मौसम व्यापार–व्यवसायका हिसाबले सुस्त समय हो ।

नारी संवाददाता , माघ ११, २०७४

-- पुरै पढ्नुहोस् --

नायाग्रा फल्सको झिनो पर्दाभित्र पस्दा

नायाग्रा फल्स खस्छ कहाँ त ? तीनवटै झरना आफ्ना लाखौं क्युबिक फिट आयातनसहित गडगडाउँदै तल बगिरहेको नायाग्रा नदीमा खस्छन् । यही नायाग्रा नदीले संयुक्त राज्य अमेरिकाको न्यूयोर्क राज्य र क्यानाडाको ओन्टारियो प्राप्तका बीच सीमाको काम गर्छ ।

शरद निरौला, पुस २८, २०७४

-- पुरै पढ्नुहोस् --

चितवनका रिसोर्ट

यहाँका होटलमा प्राय: बन्ने परिकार भारतीय, कन्टिनेन्टल एवं चाइनिज नै हुन् । यहाँ चाइनिज तथा भारतीय पाहुना बढी आउँछन् जसलाई मध्यनजर गर्दै खानपिनको व्यवस्था गरिन्छ । नेपाली पाहुना विदेशीजस्तै खर्च गर्न हिचकिचाउँदैनन् । नेपालीले भने थकाली सेट बढी रुचाउँछन् । नेपाली खाना विदेशीहरूलाई समेत चखाइन्छ ।

विमल खतिवडा, कार्तिक २२, २०७४

-- पुरै पढ्नुहोस् --

गरौं निस्फिक्री भ्रमण

नेपालीहरूको आयस्रोत बढ्दै गएको र ट्राभल एजेन्सीहरूको आकर्षक प्याकेजका कारण आउटबाउन्डमा नेपालीहरूको आकर्षण बढ्ने क्रमसँगै नेपालमा आउटबाउन्ड गराउने ट्राभल एजेन्सीहरूको संख्या समेत बढ्दै गएको छ । हाल डेढ दर्जनभन्दा बढी एजेन्सीले यस्तो सेवा उपलब्ध गराउँदै आएका छन् । यी ट्राभल एजेन्सीले विशेष सहुलियत मूल्यका प्याकेज टुरको व्यवस्था मिलाएका छन् ।

नारी संवाददाता , आश्विन १०, २०७४

-- पुरै पढ्नुहोस् --

दशैं बिदामा दिल्ली घुम्ने कि ?

छिमेकी देश भारत विशाल छ । भौगोलिक विशालतासँगै यसका सांस्कृतिक, ऐतिहासिक तथा धार्मिक विशेषता पनि उत्तिकै छन् । विकासको मार्गमा अघि बढिरहेको भारत भ्रमणमा गएर एउटा रमाइलो अनुभव गर्न सकिन्छ किनभने भारत भ्रमण आफैंमा अनौठो अनुभव हुनसक्छ । भारतको राजधानी दिल्लीको भ्रमण जीवनकै अविस्मरणीय क्षण बन्नसक्छ ।

नारी संवाददाता , आश्विन १, २०७४

-- पुरै पढ्नुहोस् --