अनुभब

दसैं योजना

 आँचल शर्मा, अभिनेतृफेसन : फेसन त आफूले सिर्जना गर्ने कुरा हो । आफूलाई मन परेको जे लगायो त्यही नै फेसन हो । मलाई कुर्ता र साडी एकदमै मनपर्छ । त्यसैले यसपटकको दसैंभरि साडी एवं कुर्ता नै लगाउने सोंचमा छु ।खानपान : मलाई कालो दाल, भात, घिउ, साग, टमाटरको अचार तथा आलु तारेको नेपाली सेट एकदमै मनपर्छ । दसैंको हकमा भन्ने हो भने खसीको भुटन भनेपछि म हुरुक्क हुन्छु । अर्को कुरा दसैंको मासुको स्वाद नै फरक हुन्छ । त्यसैले म दसैंमा मासुमात्र खान्छु ।घुमघाम : मलाई कतै घुम्न जानभन्दा पनि परिवार सँगै बस्न मनलाग्छ । त्यसैले मैले घुमघामका लागि कुनै योजना बनाउने गरेकी छैन ।किनमेल : पहिले सानै छँदा नयाँ कपडा किन्ने भनेपछि फुरुङ्ग हुन्थें । अहिले चाहिँ दसैंमा एउटा राम्रो कुर्ता मात्र किन्ने सोंचमा छु ।मैले बुझेको दसैं : मानिसहरू विभिन्न काममा व्यस्त हुने भएकाले आफन्त एवं परिवारजनसँग निरन्तर भेट हुँदैन । दसैं सबैसँग भेटघाट गराउने माध्यम बन्छ । सबैसँग भेट हुनु तथा मान्यजनबाट आशीर्वाद थाप्न पाउनु दसैंको सबैभन्दा सुन्दर पक्ष हो । अहिले दसैंको नाममा विभिन्न विकृतिसमेत देखा पर्न थालेका छन् । यस्तो देख्दा चाहिँ केही नरमाइलो लाग्छ ।चङ्गा–पिङ : मलाई चङ्गा उडाउन आउँदैन तर दाजुभाइले उडाएको हेर्न चाहिँ साह्रै मनलाग्छ । म पिङ खेल्न भने असाध्यै रमाउँछु । त्यसैले यसपटक मज्जाले पिङमा मच्चिन्छु ।सृष्टि खड्का, मोडलफेसन : मलाई क्याजुअल ड्रेस नै मनपर्छ । दसैंलगायतका चाडपर्वमा परिवारसँग रहने हुँदा कुर्ता–सुरुवाल लगाउँछु ।खानपान : मलाई खानेकुरामा मनपर्ने दाल, भात, तरकारी नै हो । दसैंमा घरमा मासु बढी पाक्नु स्वाभाविक हो । म खानासँग त्यति मासु खाँदिन, खाजामा चाहिँ एकदमै मनपर्छ ।घुमघाम : दसैंमा घुमघामका लागि थाइल्यान्ड जाने योजना छ तर फिक्स भएको छैन ।किनमेल : दसैंका लागि म सबैभन्दा पहिले लुगा नै किन्छु । मलाई सपिङ एकदमै मनपर्छ । बाहिर कतै जाँदा केही पहिरनका साथै घर सजाउने सरसामान अनिवार्य रूपमा किन्छु ।मैले बुझेको दसैं : दसैंले टाढाटाढा रहेका आफन्तहरूसँग भेटघाट गराउँछ । त्यतिबेलाको वातावरण निकै रमाइलो हुन्छ । परिवारका सदस्यहरूबीच एक–अर्काको दु:ख–सुख बुझ्ने एउटा माध्यम हो जस्तो लाग्छ दसैं ।चङ्गा–पिङ : मलाई चङ्गा उडाउन आउँदैन तर पिङ खेल्न चाहिँ असाध्यै रमाइलो लाग्छ । 

नारी संवाददाता , आश्विन २६, २०७५

-- पुरै पढ्नुहोस् --

मिडियामा लाग्न घरमा संघर्ष नै गर्नुपर्‍यो

टेलिभिजनबाट टाढिएको वा छोडिहालेको चाहिँ होइन तर चलचित्रमा व्यस्त हुनुपर्ने र अर्काे मनोरञ्जक कार्यक्रम चलाउन व्यस्त हुनुपरेका कारण केही समयका लागि ब्रेक लिएकी हुँ ।

नारी संवाददाता , माघ ७, २०७३

-- पुरै पढ्नुहोस् --

भूकम्पको तीतो अनुभव

शुक्रबार बलम्बुमा भोज भएकाले म शनिबार पनि उतै थिएँ। शनिबार बहिनी, बहिनीकी साथी र म घर नजिकै फुपूको घर गएका थियौं।

सिर्जना दुवाल श्रेष्ठ, जेष्ठ ६, २०७२

-- पुरै पढ्नुहोस् --

अनुभवहरूमा दसैं

हरेक दिन मेसिनजस्तै व्यस्त हुनुपर्ने यो जीवनमा वर्षमा एकपटक आउने दसैंले नयाँ ऊर्जा थपेको महसुस हुन्छ ।

आश्विन १, २०७१

-- पुरै पढ्नुहोस् --

युवाहरूको दसैं अनुभव

परम्परागत रूपमा चलिआएको धर्म-संस्कृतिलाई अहिलेका युवाहरूले हेर्ने दृष्टिकोण फरक छ ।

सिर्जना दुवाल श्रेष्ठ, झरना नहर्कीआश्विन १, २०७१

-- पुरै पढ्नुहोस् --

दसैं अनुभव ती दिनका.....

डा. निभा राजभण्डारीलाई दसैं भन्नासाथ रमाइलो पर्व, नयाँ पहिरन लगाउने चाडजस्तो लाग्थ्यो । मामाघरमा हुर्किएकी डा. निभाका एकजना भाइ छन् ।

आश्विन १, २०७१

-- पुरै पढ्नुहोस् --