कभर गर्ल

साइन्स पढेकी समाचारवाचिका 

सपना देख्नुपर्छ अनि मात्र त्यसलाई पूरा गर्ने दिशामा हामी अघि बढ्छौं भन्ने सोच राख्ने समाचारवाचिका हुन्–श्री पाण्डे । ३ वर्षदेखि टेलिभिजनमा समाचार भन्दै आएकी श्रीको प्रस्तुति, कन्फिडेन्ट तथा सुन्दरताका कारण उनका प्रशंसकको संख्या बढ्दो छ । सानैदेखि क्यामेराको अगाडि काम गर्ने रहर थियो उनमा । पाल्पाको सरकारी विद्यालयमा पढेकी पाण्डेको नेपाली लेखाइ र बोलाइ निकै आकर्षक थियो । त्यतिबेला टेलिभिजनमा रमा सिंह, मनीषा घिमिरेहरूको समाचार वाचन सुन्दै हुर्किएकी श्री एकदिन आफू पनि त्यसरी समाचार भन्छु भन्ने सपना बुन्थिन् । हुन त उनले ४ वर्षअघि म्युजिक भिडियोबाट यो क्षेत्रमा प्रवेश गरेकी हुन् उनी । पाण्डेले केही म्युजिक भिडियोमा काम गरिन् तर त्यसमा खासै खुसी अनुभव गरिनन् । हिमालयन टेलिभिजनमा समाचारवाचनका लागि आवेदन दिएकी पाण्डेले सयभन्दा बढी पत्रकारिता पढेकाहरूबाट छानिइन् । उनले पत्रकारितासम्बन्धी कुनै प्रशिक्षण लिएकी थिइनन् । उनको मुख्य प्लस प्वाइन्ट भन्नु नै प्रस्ट नेपाली बोल्न र लेख्न सक्नु थियो ।अहिले पनि उनलाई सम्झना छ, पहिलोपल्ट समाचार भन्दा मुटुको धड्कन ठूलो स्वरले धड्किएको । त्यतिबेला उनी नर्भस, डर र खुसीको मिश्रित अनुभव गरिरहेकी थिइन् । पढाइ निकै राम्रो भएकाले उनको परिवार साइन्स पढेर उनी डाक्टर बनून् भन्ने चाहन्थ्यो । एमबीबीएसका लागि काठमाडौं आएपछि उनी आफ्नो सपना साकार बनाउनतर्फ लागिन् ।माइक्रो बायोलोजीमा ब्याचलर सकेकी श्रीको परिवार अहिले भने खुसी नै छ । उनी अब मास कम्युनिकेसनमा मास्टर गर्ने योजनामा छिन् । माइक्रो बायोलोजी र लमा पनि क्रमश : मास्टर गर्ने योजना बनाइसकेकी छिन् । कसैलाई चित्त दुखाउन नचाहने श्रीले माइक्रो बायोलोजीमा मास्टर सकेर डाक्टर बन्नेहरूलाई पढाउने मनसाय बनाएकी छिन् । पुस्तक पढ्न, खाना बनाउन र मुडअनुसार संगीत सुन्न रुचाउने पाण्डे छिट्टै नेपालका टप लिडरहरूसँगको टक सो संचालनमा ल्याउने तयारीमा छिन् । अरु कामभन्दा समाचारवाचन निकै सिरियस जब हो भन्ने पाण्डेका अनुसार यो पनि एउटा अभिनय हो तर रियल देखिनुपर्छ । समाचारअनुसार एक्सप्रेसन र स्वर पनि त्यस्तै हुनुपर्छ–उनले बताइन् । हामीले लेखेको कुरा पढ्ने मात्र होइन, सम्पादन र रिपोर्टिङ समेत गर्न सक्नुपर्छ । श्रीका अनुसार कुनै पनि काममा दक्ष हुन पढाइ मात्र भएर हुँदैन त्यसप्रति रुचि र धैर्य पनि हुनुपर्छ अनि मात्र सफल हुन सकिन्छ ।संयोजन : सिर्जना दुवाल श्रेष्ठतस्बिर : महेश प्रधानपहिरन : रमिला नेमकुल, कासा, पाटनढोकामेकअप तथा हेयर स्टाइल : मेकअप बाई रज्जु, दरबारमार्गलोकेसन : लेबल थ्री रेस्टुरेन्ट, लबिम मल

नारी संवाददाता , जेष्ठ ७, २०७६

-- पुरै पढ्नुहोस् --

फिटनेसमा सचेत वर्षा 

वर्षा केही समयदेखि अभिनयका साथमा आफ्नो फिगर मेन्टेनमा पनि ध्यान दिइरहेकी छिन् । हरेक दिन जिम जाने वर्षा खानपानमा पनि उत्तिकै सचेत छिन् । वर्षा भन्छिन्–‘आगामी दिनमा राम्रो भन्दा राम्रो चलचित्रमा अभिनय गर्ने सोच छ ।’ 

नारी संवाददाता , वैशाख ९, २०७६

-- पुरै पढ्नुहोस् --

मिस टिनदेखि ज्वेलरी डिजाइनर 

कार्कीले नयाँ डिजाइनमा पनि नेपाली कला–संस्कृतिलाई बढावा दिएकी छिन् । उनी आधुनिकता, विकास र कला–संस्कृतिलाई एकसाथ लानुपर्छ भन्ने सोचका साथ व्यवसायमा लागिपरेकी हुन् । नेपालीहरूको जातीय, सांस्कृतिक तथा धार्मिक विविधता एवं सहिष्णुतालाई विश्व बजारसम्म पुर्‍याउने माध्यमका रूपमा हस्त निर्मित गरगहनाको व्यवसाय रोजेको उनले बताइन् ।

सिर्जना दुवाल श्रेष्ठ, चैत्र १७, २०७५

-- पुरै पढ्नुहोस् --

पब्लिक हेल्थमा मनिता

मिस युनिभर्स–२०१८ मा नेपालको प्रतिनिधित्व गरेकी मनिता देवकोटा टप १० सम्म पुग्न सफल भइन् । नेपालबाहेक दक्षिण अफ्रिका, भियतनाम, भेनेजुएला, कोस्टारिका, कुराकाओ, क्यानाडा, थाइल्यान्ड तथा पुयोर्टो रिको शीर्ष १० मा रहे । द हिडन ट्रेजर मिस नेपाल–२०१८ को बर्जर मिस ग्ल्यामरको उपाधि जितेकी मनिता देवकोटा बर्जरको प्रिमियम ब्रान्ड बर्जर सिल्क ग्ल्यामरसँग आबद्ध छिन् ।

सिर्जना दुवाल श्रेष्ठ, फाल्गुन १०, २०७५

-- पुरै पढ्नुहोस् --

परिवारबाटै महिलालाई सम्मान हुनु पर्छ : नीति शाह

समाजसेवा गर्दा कम्तीमा आफूसँग भएको खुसी बाँड्न खोजेजस्तो लाग्छ । यसले मलाई पूर्णरूपमा खुसी प्रदान गर्छ । यदि आफूले बोलेर मात्र पनि परिवर्तनको सम्भावना हुन्छ भने हामीले किन मौन बस्ने ?

नारी संवाददाता , पुस ५, २०७५

-- पुरै पढ्नुहोस् --

उरुसा गिरी

उनले युवापुस्ताका प्रिय नायक अनमोलसँग डेब्यु गर्छु भन्ने कुराको पनि कल्पना गरेकी थिइनन् । अनमोलका सबै चलचित्र हेरेकी उरुसालाई मनपर्ने नायक उनै हुन् । आफ्ना तस्बिर हेरेर चलचित्रबाट अफर आउँदा गिरी केही नर्भस पनि भइन् । यद्यपि स्किन टेस्टमा राम्रो गरेपछि उनी त्यसका लागि छानिइन् ।

नारी संवाददाता , आश्विन १०, २०७५

-- पुरै पढ्नुहोस् --

को हुने हो हिट सारा र पूजा

धेरै नायिका आउने–जाने क्रम चलि रहेको नेपाली चलचित्रमा दुई नायिका पूजा र सारा अहिले चर्चामा छन् । चलचित्र सुश्री सम्पत्ति तथा राम कहानीको प्रमोसनमा व्यस्त पूजा र साराले सँगै चलचित्रमा काम नगरे पनि नारीको कभर फोटोसुटका लागि उनीहरूसँगै भए ।

नारी संवाददाता , भाद्र ३, २०७५

-- पुरै पढ्नुहोस् --

आँचल शर्मा

फोटोसुटभरिमा उनले सयौं जनासँग सेल्फी र फोटो खिचाइरहिन् । पटक्कै भाउ नखाने, जोसँग पनि हाँसेर बोल्ने, सबैलाई धन्यवाद भन्दै मुस्कुराउन सक्ने उनको खुबीबाट जोकोही प्रभावित हुन्छन् ।छोटो समयमै धेरै प्रशंसक बटुल्न सफल आँचल आफ्नो डेब्यु चलचित्र नार्इं न भन्नु लबाटै धेरैको नजरमा परेकी नायिका हुन् ।

नारी संवाददाता , श्रावण २९, २०७५

-- पुरै पढ्नुहोस् --

फिटनेसमा सचेत बेनिशा

चलचित्र ब्लाइन्ड रक्सका लागि शरीर घटाउने क्रममा फिटनेस फ्रिक बनेकी बेनिशाले त्यसपछि आफूलाई मेन्टेन गर्दै आएकी छिन् । अहिले उनको फिगर आकर्षक छ । नियमित जिम जाने हमाल पब्लिक फिगर भएपछि फिट एन्ड स्मार्ट हुनुपर्ने धारणा राख्छिन् । हरेक दिन जिम गर्ने बेनिशा २० मिनेट कार्डियो तथा वेट लिफ्टिङ गर्छिन् ।

नारी संवाददाता , असार ८, २०७५

-- पुरै पढ्नुहोस् --

श्रृंखला खतिवडा

म आफ्नो पहिरन मिलाएर अघि बढ्न ठिक्क परिसकेकी थिएँ । मेरो नाम घोषणा हुँदा खासै अचम्म वा अनौठो लागेन, किनभने मैले त्यो क्षणको कल्पना पहिले नै गरिसकेकी थिएँ । मेरो आत्मविश्वास नै मेरो जितको मुख्य कडी हो ।

नारी संवाददाता , जेष्ठ ३, २०७५

-- पुरै पढ्नुहोस् --