हेरचाह

हरियो तरकारी स्वस्थ जीवनका लागि

स्वस्थ जीवनमा हरियो तरकारीको ठूलो महत्व छ । ताजा र हरियो तरकारीबाट शरीरलाई आवश्यक पर्ने भिटामिन, खनिज तथा प्रोटिनका साथै कार्बोहाइड्रेट प्राप्त हुन्छ । त्यति मात्र नभै हामीले प्रोटिनका लागि खाने माछा मासु, फुल, दूध आदिबाट शरीरमा उत्पन्न अम्लीय पदार्थ नष्ट गर्न हरियो तरकारीको आवश्यकता पर्छ । ताजा तथा हरियो तरकारी प्राप्त गर्न त्यति गार्‍हो पनि छैन । हामीले अलिकति मात्र ध्यान दियौं भने आफ्नै करेसाबारीबाट ताजा तरकारी आपूर्ति गर्नसक्छौं ।करेसाबारी योजना अर्थात् योजनाबद्ध तरकारी खेतीबाट दैनिक उपभोगका लागि आवश्यक ताजा तरकारी आपूर्ति मात्र हुँदैन बढी भएको तरकारी बेचेर अतिरिक्त आम्दानीसमेत गर्न सकिन्छ । त्यसैगरी यो कार्यबाट बिहान–बेलुकाको समय सदुपयोग गर्न, मनोरञ्जन लिन र वातावरण स्वच्छ एवं सुन्दर बनाउन पनि मद्दत पुग्छ । यसका लागि सर्वप्रथम बजारबाट झोलाभरि तरकारी बोकेर ल्याउँदा गर्व तर आफ्नो बारीको तरकारी बेच्न संकोच मान्ने स्वभाव भने त्याग गर्नुपर्छ ।करेसाबारी स्थापना गर्दा करेसाबारी क्षेत्रमा प्लट बनाएर बीचबीचमा आवश्यकतानुसार कुलेसो निर्माण गर्नुपर्छ । यसबाट सिंचाइ, हिँडडुल तथा गोडमेल गर्न सजिलो हुन्छ । त्यस्तै बारको छेउमा झाँगिने र लहरे तरकारी बाली लगाएर बारलाई थाँक्राका रूपमा प्रयोग गर्न सकिन्छ । दुवै छेउतिर खाडल बनाएर झारपात तथा घरधन्धापछि बाँकी रहेका अवशेषहरूलाई हालेर कम्पोस्ट मल तयार गर्न सकिन्छ । भान्साको पानी जम्मा हुने खाल्टो बनाएर पनि त्यसको उपयोग गर्न सकिन्छ । तरकारी लगाउने समय र किसिमका सम्बन्धमा प्राविधिक जानकारी लिई तरकारी रोप्दा बढी फाइदा लिन पाइन्छ ।करेसाबारी स्थापना गर्दा निम्न कुरामा ध्यान पुर्‍याउनुपर्छ-    करेसाबारीका लागि सुविधायुक्त क्षेत्र, उपयुक्त माटो र सिंचाइको भरपर्दो स्रोत भएको जमिन छनोट गर्नुपर्छ ।-    के–कस्ता र के–कति तरकारी लगाइने हो त्यसैअनुसार प्लट बनाई हिँडडुल गर्ने बाटो तथा सिंचाइका लागि कुलेसो बनाउनुपर्छ ।-    एउटै मौसममा विभिन्न प्रकारका तरकारी उत्पादन गरी करेसाबारीको आकर्षण बढाउन सकिन्छ ।-    पशु वा जंगली जन्तुबाट सुरक्षित राख्न करेसाबार उपलब्ध कच्चापदार्थ प्रयोग गरी तयार गर्न सकिन्छ ।-    तरकारी खेती गरिने माटो ऊर्वर, प्रशस्त प्राङ्गारिक पदार्थ भएको दोमट हुनुपर्छ । बलौटे माटो भए चिम्ट्याइलो माटो तथा प्रशस्त प्राङ्गारिक वा कम्पोस्ट मल हाल्नुपर्छ ।-    तरकारी बालीको जरा मसिना र तलैसम्म फैलने हुँदा माटोको खनजोत राम्रोसँग गरी माटो मसिनो पारी झारपात र अन्य बालीको अवशेषहरू हटाउनुपर्छ ।-    तरकारी बालीको बीउ उन्नत र स्वस्थ हुनुपर्छ । रोप्दा उचित दूरी, मात्रा र गहिराइको ख्याल राख्नुपर्छ । बालीको किसिम तथा आवश्यकताअनुसार नियमित गोडमेल, सिंचाइ, निकास एवं संरक्षण गर्नुपर्छ ।  

रत्नबहादुर बस्नेत, झापाचैत्र १९, २०७४

-- पुरै पढ्नुहोस् --

छाला र अनुहार बिग्रने प्राकृतिक कारणहरू

शरीर र अनुहारको छालालाई घामपानी, धूवाँ–धूलो, बढी चिसोका साथै विभिन्न किसिमको प्रदूषणबाट बचाउनुपर्ने हुन्छ । बाहिरी प्रकोपबाट बचाएर छालालाई स्वस्थ बनाउन अलिकति समय निकालेर यसको हेरचाह गर्नुपर्छ ।

नारी संवाददाता , चैत्र १७, २०७३

-- पुरै पढ्नुहोस् --

मिड डे मोइस्चराइजर

कुनै पनि मोइस्चराइजरको प्रभाव ६–७ घन्टापछि कम हुन्छ । यसलाई लन्चपछि लगाउँदा छालामा चमक आउँछ ।

नारी संवाददाता , फाल्गुन १६, २०७३

-- पुरै पढ्नुहोस् --

हरियालीले खुसी दिन्छ

फूलले सबैको मन लोभ्याउँछ । त्यसैगरी घर वरिपरि हरियाली भए आनन्द महसुस गर्न सकिन्छ । घर वरिपरि फूल, बगैंचा भए वातावरण नै रमणीय हुन्छ ।

नारी संवाददाता , फाल्गुन १४, २०७३

-- पुरै पढ्नुहोस् --

इन्डक्सन चलाउँदा अपनाउनुपर्ने सावधानी

नेपालीहरू इन्धन अभावका कारण खाना पकाउने वैकल्पिक उपाय अपनाउन बाध्य भए। यसै क्रममा उच्च तथा मध्यमवर्गीय परिवारमाझ इन्डक्सन चुल्हो विशेष लोकप्रिय भयो।

नारी संवाददाता , माघ २८, २०७३

-- पुरै पढ्नुहोस् --

मनको ऐनामा मान्छे

कुनै पनि मानिसले आफ्नो रूप–रंग, बोलीचाली, आफूले गरेको व्यवहार, उसलाई समाजले हेर्ने दृष्टिकोण तथा आफ्नै सोच आदिबाट आफ्नो व्यक्तित्व निर्माण गर्छ । मानिस जतिसुकै सुन्दर तथा तेजस्वी भए पनि प्राय: उसले आफ्नो रूप–रंग एवं व्यवहारमा कुनै न कुनै खोट निकालिरहेको हुन्छ ।

नारी संवाददाता , पुस २९, २०७३

-- पुरै पढ्नुहोस् --

उमेरअनुसार स्किन केयर

उमेरअनुसार छालाको स्याहार गर्नुपर्छ । बाल्यावस्थाको छाला र युवावस्थाको छालामा भिन्नता हुन्छ ।

नारी संवाददाता , मंसिर २६, २०७३

-- पुरै पढ्नुहोस् --

मासु कसरी संचय गर्ने ?

एकैपटक धेरै मासु पकाउनुभन्दा पनि मासुलाई साना–साना पोका बनाएर फ्रिजमा राखी आवश्यक मासु मात्र पकाउन सकिन्छ ।

नारी संवाददाता , आश्विन १६, २०७३

-- पुरै पढ्नुहोस् --

खाद्यपदार्थको ढुसीबाट पैदा हुनसक्ने ढुसीजन्य विष

ढुसीले खाद्यपदार्थको स्वाभाविक गुणमा परिवर्तन गर्दै विषसमेत पैदा गर्न सक्छ्र ।

नारी संवाददाता , भाद्र १५, २०७३

-- पुरै पढ्नुहोस् --

आँखाको सुन्दरता

अहिले कलर्ड कन्टेक्ट लेन्सको सबैभन्दा बढी क्रेज युवतीहरूमा पाइन्छ । कन्टेक्ट लेन्स पहिले आँखाबाट भद्दा र मोटो देखिने चस्मा उतार्न वा कमजोर दृष्टि भएकाहरूका लागि उचित विकल्पका रूपमा परिचित हुन्थ्यो भने अहिले यो स्टाइलिस र फेसनेबल पक्ष बन्न पुगेको छ ।

रोजिन शाक्य, श्रावण २९, २०७३

-- पुरै पढ्नुहोस् --

वृद्धावस्था आजको चुनौती

संसारको हरेक चीज पुरानो भएपछि नष्ट भएर जान्छ । मानिस पनि जन्मन्छ, हुर्कन्छ, वृद्ध हुन्छ र अन्त्यमा उसको मृत्यु हुन्छ ।

श्रावण २८, २०७३

-- पुरै पढ्नुहोस् --