हाम्रो समाज हाम्रा नारी

संकल्प भए सफलता प्राप्त गर्न कठिन छैन : दृष्टिविहीन सृष्टि केसी

 सृष्टि केसी, दृष्टिविहिन आठ कक्षा अध्ययनरत छँदा आँखाको ज्योति गुमाएकी सृष्टिले प्रमाणपत्र तहमा सर्वोत्कृष्ट अंक हासिल गरिन् । आँखाको ज्योति धमिलो बन्दै गएर अक्षर ठम्याउनै मुस्किल भएपछि नियमित अध्ययनमा समस्या आयो । यसबाट उनी कत्ति पनि विचलित भइनन् । बरु शिक्षकले पढाएको कुरा सुनेकै भरमा गरेको अध्ययनबाट प्रमाणपत्र तहमा त्रिभुवन विश्वविद्यालयअन्तर्गत सर्वोत्कृष्ट नतिजा हासिल गरिन् । सृष्टि नाच्न, गाउन तथा कविता लेख्न रुचाउँछिन् । आफ्ना आँखाले रंगीन संसार नदेखे पनि उनी अरूको आँखालाई भने नृत्यबाट मनोरञ्जन प्रदान गर्छिन् । आँखाको ज्योति गुमाएपछिको जीवन भोगाइमा थुप्रै नमीठा अनुभव संगालेकी छिन् सृष्टिले । शारीरिक रूपमा अशक्त भएकै भरमा अपहेलित हुनुपरेको तिक्ततालाई उनले ऊर्जामा परिवर्तन गरेकी हुन् । ‘आफू अशक्त भएपछि अपहेलित हुनुपर्दोरहेछ’ उनले भनिन्–‘तर त्यसबाट मलाई आत्मग्लानि होइन केही गर्ने प्रेरणा मिल्यो ।’ सृष्टि भन्छिन्–‘इच्छाशक्ति भयो भने कुनै पनि कुरा प्रगतिका लागि तगारो बन्दैन ।’ आँखामा उत्पन्न सामान्य समस्याको उपचार गर्ने क्रममा चिकित्सकले लापरबाही गरेको उनले बताइन् ।आँखाले काम गर्न छाडेपछि उनले सुनेकै भरमा पढ्नुपर्ने भयो । जन्मजात दृष्टिविहीन नभएकीले ब्रेल लिपि पनि पढ्न जानिन् उनले । त्यसैले आफ्नै तरिकाले काठमा प्वाल खोपेर त्यसैका आधारमा लेख्दै पढ्न थालिन् । यसरी नै पढेर उनले एसएलसी परीक्षा दिइन् जसमा उनलाई ७० दशमलव २५ प्रतिशत अंक प्राप्त भयो । साथीहरूकै सहयोगमा शिक्षकले पढाएको कुरा रेकर्ड गरेर सुन्दै अध्ययन गर्न थालिन् । सृष्टिकै नाममा क्याम्पसकी उप–प्राध्यापक उपमा आचार्यले ‘सृष्टि केसी प्रतिभा पुरस्कार’ स्थापना गरिदिएकी छिन् । त्यसो त उनी अध्ययनमा मात्र होइन अतिरिक्त क्रियाकलापमा पनि सवलाङ्गभन्दा कम छैनन् । गायन, नृत्य, वक्तृत्वकला एवं चित्रकलामा पोख्त सृष्टि केही वर्षअघि नृत्य प्रतियोगितामा १५ मुलुकका सहभागीलाई उछिन्दै प्रथम भएकी थिइन् । उनी अहिले आफूसँग भएको नृत्य प्रतिभा दृष्टिविहीन साथीहरूलाई सिकाइरहेकी छिन् । मानिसमा भित्री चाहना र केही गर्ने संकल्प छ भने सफलता प्राप्त गर्न कठिन छैन भन्ने उदाहरण पनि हुन्, दृष्टिविहीन सृष्टि केसी । 

सिर्जना दुवाल श्रेष्ठ, चैत्र २२, २०७३

-- पुरै पढ्नुहोस् --

दुवै हात र एउटा खुट्टा गुमाएकी समचारवाचिका

डल्लु विजेश्वरीमा बस्ने कमला श्रेष्ठले १२ वर्षकी हुँदा घरमै खेल्ने क्रममा दुवै हात र एउटा खुट्टा गुमाएकी थिइन् ।

सिर्जना दुवाल श्रेष्ठ, चैत्र २१, २०७३

-- पुरै पढ्नुहोस् --

महिला र राजनीति

राजनीति न्यायोचित वितरणको सशक्त माध्यम हो । वि.सं. २०४६ पछिको पुस्ता सबैतिर राजनीतिमा देखिन्छ भने यसमा संख्यात्मक रूपमा पुरुष बढी छन् ।

लक्ष्मी भण्डारी थापा, फाल्गुन ८, २०७३

-- पुरै पढ्नुहोस् --

समाजसेवी मिस नेवा

२०१३ कि मिस नेवा सुदिना श्रेष्ठ अहिले सामाजिक काममा व्यस्त छिन् । सानै उमेरदेखि समाजका लागि केही गर्नुपर्छ भन्ने सोच राख्ने फर्पिङकी सुदिनाले सोसल वर्क नै पढेकी हुन् ।

नारी संवाददाता , फाल्गुन ५, २०७३

-- पुरै पढ्नुहोस् --

अदितिको चर्चा चुलिंदै

मोडल, फेसन ब्लगर र अब अभिनेत्रीका रुपमा पनि परिचय थपिएको छ, अदिति बुढाथोकीको । फेसबुक, इन्स्टाग्राम र ट्वीटरमा पनि उनको लोकप्रियता उतिक्कै छ ।

नारी संवाददाता , फाल्गुन १, २०७३

-- पुरै पढ्नुहोस् --

रोकिएन चेलीबेटी बेचबिखन

चेलीबेटी ओसार–पसार तथा बेचबिखनका विरुद्ध सुरक्षा निकायसँगै धेरैवटा गैरसरकारी संस्थाले विभिन्न कार्यक्रम गरे पनि मानव तस्करी तथा बेचबिखन रोकिएको छैन । नेपाली चेली भारत तथा भारतको बाटो हुँदै तेस्रो मुलुकमा बेचिने क्रम बढेको छ ।

नारी संवाददाता , माघ १८, २०७३

-- पुरै पढ्नुहोस् --

महिला हिंसा धेरै, न्यायमा पहुँच थोरै

सहरी क्षेत्रका महँगा होटलहरूमा सेमिनार र गोष्ठी गरेर महिलाविरुद्ध हुने हिंसा र महिला हक–अधिकारका कुरा गरेकै भरमा मात्र महिलाविरुद्ध हुने हिंसाको उन्मूलन र आममहिलाको विकास हुन सक्दैन ।

नारी संवाददाता , भाद्र ६, २०७३

-- पुरै पढ्नुहोस् --

संगीताको ‘कथामा अल्झिएको प्रेम’

नेपाली साहित्यमा संगीताको श्रेष्ठद्वारा लिखित ‘कथामा अल्झिएका प्रेम’ नामक पुस्तक शनिबार सार्वजनिक भएको छ ।

नारी संवाददाता , फाल्गुन ९, २०७२

-- पुरै पढ्नुहोस् --

पूर्वेली रोइला संरक्षणमा गंगा

पालको पूर्वीय लोकभाका मार्फत हजारौं मानिसलाई आफ्नो गायकीले लठ्ठ पार्ने लोकदोहोरी गायिका गंगा गौंतमको माग अहिले पूर्व मेचिदेखी पश्चिम महाकालीसम्म बढेको छ ।

सरस्वती कटुवाल, फाल्गुन ४, २०७२

-- पुरै पढ्नुहोस् --

विवाहित महिलाहरूको सौन्दर्य

विवाहित महिलाहरूको सौन्दर्य प्रतियोगिता मिसेस हिमालयन नेपाल २०१६ का विजयीहरु क्रमश: मिसेस हिमालयन नम्रता राई, फस्ट रनरअप ललीता भट्टराई, सेकेन्ड रनर्सअप मुना न्यौपाने तथा थर्ड रनर्सअप तुल्सा खड्का ।

नारी संवाददाता , माघ २७, २०७२

-- पुरै पढ्नुहोस् --

कामकाजी महिलाहरूको चुनौती

हिजोआज मानिसहरूमा धैर्य कम हुँदै गएको पाइन्छ । सहनशीलताका प्रतीक मानिने महिलाहरूमा पनि धैर्य घट्दै गएको छ । केही वर्ष पहिलेसम्म पनि महिलाहरू परम्परा, मान्यता एवं संस्कारमा बाँधिएर निर्धारित परिधिभित्र रही धेरै कुरा सहेर बस्थे तर आज महिलाहरू त्यस्ता मान्यताबाट टाढिँदै गएका छन् ।

नारी संवाददाता, भाद्र २७, २०७२

-- पुरै पढ्नुहोस् --