नारी आवाज

महिला सशक्त हुन घरबाहिर निस्किनु पर्छ : राजभण्डारी

कामिनी राजभण्डारी, प्रबन्ध–निर्देशक, नेपाल दूरसंचार संस्थानमुलुकभर १ करोड ७१ लाखभन्दा बढी सेवाग्राही तथा ४ हजार २ सयजना कर्मचारी रहेको नेपाल दूरसंचार संस्थानको सय वर्षे इतिहासमा पहिलो पटक नेतृत्वमा पुग्न सफल व्यक्तित्व हुन्–कामिनी राजभण्डारी । कुशल व्यवस्थापकीय क्षमता भएकी राजभण्डारीमा समय व्यवस्थापनको कौशल पनि गज्जबको छ । सेवाग्राहीलाई कसरी राम्रो सेवा प्रदान गर्ने, उनीहरूको गुनासोलाई कसरी समयमै सम्बोधन गर्ने, संस्थानलाई कसरी अब्बल एवं अग्रगामी साबित गर्ने, प्राविधिक तथा अन्य योजना एवं रणनीति कसरी तयार पार्ने भन्ने काममा उनी दैनिक १२ घन्टाभन्दा बढी खट्छिन् ।वि.सं. २०४२ सालमा सातौं तहको इन्जिनियर पदबाट नेपाल दूरसंचार संस्थानमा प्रवेश गरेकी कामिनीले यो अवधिमा टेलिकमभित्रका प्रमुख शाखामा दृढतापूर्वक काम गरेकी छिन् । मेकानिकल इन्जिनियर स्व.भुवनबहादुर प्रधान मल्ल एवं स्व. रोशनी रानी प्रधानका ७ सन्तानमध्ये कान्छी छोरी कामिनीका प्राय: दाजुभाइ इन्जिनियर नै छन् । पद्मकन्या हाइस्कुलबाट एसएलसी, अमृत साइन्स कलेजबाट आइएस्सी तथा पञ्जाव इन्जिनियरिङ कलेज चण्डीगढबाट ब्याचलर इन इलेक्ट्रोनिक्स एन्ड इलेक्ट्रिकल कम्युनिकेसन इन्जिनियरिङ पूरा गरेकी राजभण्डारीले बैंककबाट इन्जिनियरिङमै मास्टर्स गरेकी छिन् ।चण्डीगढमा अध्ययन गर्दाका सहपाठी एरोनटिकल इन्जिनियर दिगम्बरप्रसाद राजभण्डारीसँग ०४४ सालमा विवाह गरेकी कामिनीका २ छोरा छन् । उतिबेला छोरीले पनि इन्जिनियरिङ पढ्छन् र ? भनेर हतोत्साहित गर्ने समाजका अगाडि अटल विश्वास बोकेका उनका बुबा तथा सिर्जनशील एवं कर्मठ आमाले गर्दा नै आफूले रुचिको क्षेत्रमा अघि बढ्ने अवसर पाएको राजभण्डारी बताउँछिन् । नेपाली महिला सशक्त हुन घरबाहिर निस्कनैपर्ने अनुभव साट्दै राजभण्डारी भन्छिन्–‘बाहिर निस्केर मात्र पनि पुग्दैन, अदम्य साहस र दर्‍हो व्यवस्थापकीय क्षमताका साथै शिक्षा पनि आवश्यक छ । आफ्नो क्षमता पहिचान गरी दृढतापूर्वक निरन्तर अघि बढ्न सके महिलाले जस्तोसुकै चुनौती पनि सहज रूपमा पन्छाउन सक्छन् ।’ 

लक्ष्मी भण्डारी थापा, श्रावण ११, २०७४

-- पुरै पढ्नुहोस् --

महिला हिंसा अन्त्यको प्रश्न

पाँच वर्षीया बालिकादेखि लिएर सय वर्ष नाघेका वृद्धासमेत यौनपिपासुहरूको गिद्धेदृष्टिबाट बच्न सक्दैनन् । परपुरुषसँग अवैध यौन सम्पर्क गरेको आरोप लगाई एउटी अबला नारीलाई महिलाहरू नै मिली समाजबाट बहिस्कार गर्छन् । त्यति मात्र होइन बोक्सीको आरोपमा बूढी महिलालाई महिलाहरूले नै कुटपिट गर्ने, शारीरिक यातना दिने काम हुने गरेका छन् जसबाट पीडितको ज्यानैसम्म जाने गरेको छ ।

नारी संवाददाता , पुस १४, २०७३

-- पुरै पढ्नुहोस् --

जादु झैं निस्किए, उन्मुक्त भएर नाचे, क्षणभरमै बिलाए

शनिबारको कुरा हो, ललितपुरको पुल्चोकस्थित लबिम मलाको ग्राउन्ड फ्लोरमा एकाएक आफ्नो हिसाबले रमाइरहेका मानिसहरूको ध्यान भंग गर्दै एक हूल युवती नाच्न थाले ।

सरस्वती कटुवाल, मंसिर २५, २०७३

-- पुरै पढ्नुहोस् --

घरमा बिजातीय बुहारी भित्रिँदा

हिजो जुन कुरा वा घटना असामान्य र असम्भव थिए, आज ती कुरा सामान्य र सम्भव भएका छन् ।

नारी संवाददाता , श्रावण २५, २०७३

-- पुरै पढ्नुहोस् --

महिला हिंसाको कारण छाउपडी प्रथा

जिल्लामा व्याप्त महिला हिंसा एवं लैंगिक विभेदको प्रमुख कारण छाउपडी प्रथा रहेको सरोकारवालाहरूले बताएका छन् । गत महिना मुगुको गमगढीमा कानुन, न्याय तथा संसदीय मामिला मन्त्रालयको आयोजनामा सम्पन्न लैंगिक हिंसाविरुद्धको

नारी संवाददाता , जेष्ठ ६, २०७३

-- पुरै पढ्नुहोस् --