खेलकुद

फुपू परिन् प्रतिबन्धमा

आखिर जुन कुराको डर थियो त्यही भएको छ । नेपाली जुडोले पाएको अहिलेसम्मकै सबैभन्दा प्रभावशाली महिला स्टार फुपू ल्हामु खत्री प्रतिबन्धमा परेकी छिन् । उनलाई नेपाल जुडो संघले सन् २०२० सम्म कुनै पनि प्रतियोगितामा भाग लिन नपाउने गरी प्रतिबन्ध लगाएको हो । त्यसैले फुपू अहिले चलिरहेको राष्ट्रिय खेलकुदमा सहभागी हुन पाइनन् । त्यति मात्र होइन, तोकिएको समयमा दक्षिण एसियाली खेलकुद हुने हो भने त्यसमा पनि उनी सहभागी हुन पाउने छैनन् । ओलम्पिक्समा समेत नेपालको प्रतिनिधित्व गरिसकेकी फुपूले जापानको ओलम्पिक्स छात्रवृत्ति प्राप्त गरेकी थिइन् । उक्त छात्रवृत्ति आफैमा ठूलो थियो र त्यो जो–कोही खेलाडीले पाउने अवसर थिएन् । फुपू उक्त छात्रवृत्ति पूरा नहुँदै बीचमै छाडेर नेपाल फर्किएकी थिइन् । यही विषयमा रुष्ट जुडो संघले अन्ततः फुपूमाथि प्रतिबन्ध लगाएको हो र यो एक प्रकारले नेपाली जुडो इतिहासमै अहिलेसम्मको सबैभन्दा ठूलो अनुशासनको कारबाही हो । तय छ, यो प्रतिबन्धले फुपूको खेल जीवनमा ठूलो धब्बा लगाएको छ । 

नारी संवाददाता , वैशाख ७, २०७६

-- पुरै पढ्नुहोस् --

अब महिला फ्रेन्चाइज क्रिकेट

नेपाली महिला क्रिकेटमा प्रसस्तै गुनासा छन् । पहिलो त प्रतियोगिता नै हुँदैन, खेल्नै नपाएको दुःख कस्तो हुन्छ, नेपाली महिला क्रिकेट खेलाडीहरूसँग सोधे हुन्छ । पुरुष खेलाडीको तुलनामा आफूविरुद्ध विभेद भएको आरोप लगाउन पनि चुक्दैनन, महिला खेलाडीहरू ।

नारी संवाददाता , चैत्र २४, २०७५

-- पुरै पढ्नुहोस् --

महिला फुटबल : अझै धेरै गर्न बाँकी

नेपालले प्रतियोगिता जित्न सक्छ भन्ने केही आधार पनि थिए, तर फाइनलमा नेपाल फेरि एकपटक भारतकै हातबाट पराजित भयो र भन्नैपर्ने भयो, नेपाली महिला फुटबलले अझै धेरै गर्न बाँकी छ । फाइनलमा नेपाल ३–१ ले पराजित भयो ।

नारी संवाददाता , चैत्र १८, २०७५

-- पुरै पढ्नुहोस् --

महिला फुटबल

नेपाली महिला फुटबलको अन्तर्राष्ट्रिय प्रतिस्पर्धाको ३३ वर्षे लामो इतिहासमा यसपटक अनपेक्षित जित हात परेको छ । हालसम्म ६ वटा अन्तर्राष्ट्रिय फाइनल (३ साफ, २ साग, १ हिरो गोल्डकप) स्पर्धामा सहभागिता जनाएको नेपाली महिला फुटबल टिम साफमा प्रायः भारतको सिकार हुँदै आएको थियो ।

लक्ष्मी भण्डारी थापा, चैत्र १४, २०७५

-- पुरै पढ्नुहोस् --

एक युग पछिको  पुनरागमन

नेफाली महिला क्रिकेट टिम थाइल्यान्ड स्म्यास ट्वान्टी–२० त्रिकेट प्रतियोगितामा उपविजेता भएर स्वदेश फर्किएको छ । पछिल्लो समय खासै नतिजामुखी बन्न नसकेको यो टिमले लगातार सेमिफाइनलमा हार बेहोर्दै आएको थियो । राउन्ड रोबिन प्रतियोगितामा पनि यस्तै देखिएको थियो । थाइल्यान्ड स्म्यास ट्वान्टी–२० क्रिकेट प्रतियोगिताले भने नेफाललाई महिला क्रिकेटमा समेत खुड्किलो चढ्ने आशा जगाएको छ

लक्ष्मी भण्डारी थापा, फाल्गुन २१, २०७५

-- पुरै पढ्नुहोस् --

तेस्रो पिंकाथनको उपाधि कान्छीमायालाई 

पिंकाथन काठमाडौंको तेस्रो संस्करणको उपाधि सशस्त्र प्रहरीकी कान्छीमाया कोजुले जितेकी छन् । यसपटक पनि मुख्य प्रतिस्पर्धा हाफ म्याराथनमा सशस्त्र प्रहरीकी कोजु विजयी हुँदै लगातार तेस्रो पटक उपाधि जितेर ह्याट्रिक गरेकी हुन् ।

नारी संवाददाता , फाल्गुन १३, २०७५

-- पुरै पढ्नुहोस् --

तेस्रो पिंकाथन काठमाडौंमा

महिलाको स्वास्थ्य अवस्थाप्रति उनीहरूलाई सचेत गराउने उद्देश्यले आयोजना हुँदै आएको पिंकाथन काठमाडौंको तेस्रो संस्करण आगामी भोलि फागुन ११ गते संचालन हुने भएको छ । नेपालकै सबैभन्दा ठूलो यो महिला दौडमा पाँच हजार महिला सहभागी हुने अपेक्षा गरिएको छ ।

सिर्जना दुवाल श्रेष्ठ, फाल्गुन १०, २०७५

-- पुरै पढ्नुहोस् --

कान्छीमायालाई दमक रनको उपाधि

झापाको दमकमा सम्पन्न तेश्रो दमक रन (मिनी म्याराथन)को महिला तर्फको उपाधि अन्र्तराष्ट्रिय खेलाडी कान्छीमाया कोजुले जितेकी छिन् । गतसाता सम्पन्न १५ किलोमिटरको दुरी ५६ मिनेट २ सेकेण्डमा पार गर्दै सशस्त्र प्रहरी बलकी कोजुले महिला तर्फको उपाधि हात पारेकी हुन् ।

नारी संवाददाता , माघ २९, २०७५

-- पुरै पढ्नुहोस् --

फुपुलाई होमसिक

जुडोकी स्टार खेलाडी फुपु ल्हामु खत्री यति बेला विवादमा तानिएकी छिन् र त्यसको एउटा प्रमुख कारण हो— होमसिक । केही समयअघिसम्म उनी टोकियो ओलम्पिक्सको तयारीका लागि जापानमा थिइन् ।

नारी संवाददाता , माघ ११, २०७५

-- पुरै पढ्नुहोस् --

नेपाली महिला क्रिकेट टिमको घोषणा

थाइल्यान्ड हुने महिला टी–ट्वान्टी स्मास क्रिकेट प्रतियोगिताको लागि नेपाली महिला क्रिकेट टिमको घोषणा भएको छ । रुविना क्षेत्रीको कप्तानीमा १४ सदस्यीय अन्तिम नामावली सार्वजनिक भएको हो । 

नारी संवाददाता , पुस २६, २०७५

-- पुरै पढ्नुहोस् --

बाल विवाह विरुद्ध भलिबल

बाल विवाह न्युनीकरण्का लागि सिन्धुलीमाढीमा किशोरी भलिवल प्रतियोगिता सम्पन्न भएको छ । ‘तपाई हाम्रो एउटै शन्देश, बाल विवाह मुक्त हाम्रो प्रदेश’ भन्ने नाराका साथ उक्त प्रतियोगिता सम्पन्न गरिएको हो ।

नारी संवाददाता , पुस ९, २०७५

-- पुरै पढ्नुहोस् --