दम्पती

गजबको केमेस्ट्री समुद्र र देविताको

वि.सं २०५८ सालतिर ताहाचलमा सम्पन्न एउटा पेन्टिङ वर्कसपका क्रममा कलाकार समुद्रमान सिंह श्रेष्ठको नजर देवितामा पर्‍यो । देविता कलाकार गोपाल कलाप्रेमीसँग त्यहाँ पुगेकी थिइन् । समुद्रलाई देविता बलिउड कलाकार ऐश्वर्या रायकी बहिनीजस्तै लाग्यो । त्यतिबेला समुद्रको भियोर्स समूह थियो । उक्त समूहले एकपटक मास्क डान्स प्रदर्शन गर्‍यो । देविता त्यहाँ पुन: समुद्रको आँखामा झुल्किइन् । त्यो आकृतिले समुद्रको मनमा हलचल मच्चाउन थाल्यो । तेस्रो पल्ट पर्यटन बोर्डको हलमा आयोजित कलाकार सम्मान कार्यक्रममा देविता पुन: देखा परिन् । उकुसमुकुस थाम्न गार्‍हो भएपछि समुद्रले आँट गरेर हाइ गरे, देविताले पनि मुसुक्क हाँसेर हाइ गरिन् । देविता आफैले आर्ट नगरे पनि आर्टलाई माया गर्ने कलापारखी हुन् । उनलाई समुद्रको काम राम्रो लाग्थ्यो तर उनीहरूबीच बोलचाल भैसकेको थिएन । केही समयपछि ओशो तपोवन, नागार्जुनमा आर्ट वर्कसप थियो । समुद्र त्यहाँको रेस्टुरेन्टबाट दुरबिनले प्राकृतिक सौन्दर्य नियाल्दै थिए । उनले अचानक देवितालाई त्यहाँ देखे । त्यो दिनदेखि उनीहरूबीच कुराकानी हुन थाल्यो अनि दुवैको जीवनमा रमाइलो समय सुरु भयो । देविता समुद्रको आवाज र केयर गर्ने उनको स्वभावबाट प्रभावित भइन् । समुद्र फुर्सदमा देवितालाई भेट्न उनको घरमै पुग्न थाले । त्यतिबेला उनले देविताका तीनवटा पोट्रेट बनाए जसमध्ये दुईवटा देवितालाई गिफ्ट दिए । विवाहपछि फ्ल्याट लिएर छुट्टै बस्न थालेको यो जोडीमा अचानक जिम्मेवारी बढ्यो जसले गर्दा समुद्रले दिनरात मेहनत गर्न थाले । समुद्रकै भाषामा भन्ने हो भने विवाहपछि उनी आर्टप्रति अझ सिरियस भएर लागे । देविताले पेन्टिङ नगरे पनि उनलाई पेन्टिङको विषयमा पर्याप्त ज्ञान छ । देविता आफ्नी श्रीमतीभन्दा बढी बेस्ट फ्रेन्ड तथा कला समालोचक भएकी समुद्र बताउँछन् । श्रीमतीकै आग्रहमा उनले परम्परागत कलासँगै  कम्टेम्परी आर्ट गर्न थाले । समुद्र देविताको आँखाबाट आफ्नो कलाको मूल्यांकन गर्छन् । समुद्रमा म राम्रो कलाकार हुँ, मैले गरेकै सही भन्ने सोच पटक्कै छैन, श्रीमतीले यसो हुनुपर्ने भनिन् भने त्यसैअनुसार पेन्टिङ गर्छन् । अहिले देविता एनिमल राइट्सका पक्षमा सक्रिय छिन् । देविता बिहानदेखि ठूल्ठूला भाँडामा खानेकुरा पकाई टोलभरिका कुकुरलाई ख्वाउने, भ्याक्सिनहरू दिन लगाउने, बिरामी कुकुरलाई आफैले क्लिनिक लाने, राति बोरा, कम्मल लिएर सुताउनेजस्ता काममा व्यस्त हुन्छिन् । समुद्र कहिलेकाहीँ किन यस्तो दु:ख गर्नुपर्‍यो, आनन्दले बस भन्छन् । देवितालाई किन चित्त बुझ्थ्यो र ? त्यसमै खुसी लुकेको छ । नियमित ध्यान गर्ने साईभक्त देवितामा प्रशस्त मात्रामा करुणा छ । यो कुरा बुझेका समुद्रले श्रीमतीको समाजसेवामा फाइनान्सियल सपोर्ट गरिदिन्छन् । जति–जति वर्ष बित्दै गए उति–उति माया बढ्दै गएजस्तो लाग्छ, यो जोडीलाई ।  सम्बन्ध टिकाइराख्ने उपाय मायामा स्वतन्त्रता एवं इमान्दारिता चाहिन्छ । एक–अर्काप्रतिको विश्वासले स्वतन्त्रता प्रदान गर्छ । इगो बढी भयो भने ब्रेकअप हुने सम्भावना तीव्र हुन्छ ।   

सिर्जना दुवाल श्रेष्ठ, फाल्गुन २७, २०७३

-- पुरै पढ्नुहोस् --

प्रेमले बाँधिएको जोडी

एक–अर्काको भावना, इच्छा र कामको सम्मान गर्न जानियो भने मात्र वैवाहिक सम्बन्ध दिगो रहन सक्छ भन्छिन्–सञ्चारकर्मी श्रद्धा अर्याल ।

सिर्जना दुवाल श्रेष्ठ, फाल्गुन १४, २०७३

-- पुरै पढ्नुहोस् --

जुनीजुनी एक अर्काको साथ चाहने जोडी

श्रीमतीको हरेक काम, करियर तथा इच्छामा पूर्ण सहयोग गर्ने जीवनसाथी पाउँदा समा दंग छिन् ।

नारी संवाददाता , फाल्गुन १०, २०७३

-- पुरै पढ्नुहोस् --

एक–अर्काको साथ चाहने जोडी

डर थियो समालाई । समुदायमा संघर्ष गरी स्थापित गरेको आफ्नो नाम वैवाहिक सम्बन्धको सागरमा डुब्ने डुँगा हुने त होइन, घरभित्र रुमल्लिएर बस्नुपर्ने त होइन ? शंका थियो तर अहिले शंका गरेजस्तो रहेन जीवन । बरू स्वतन्त्रता थपियो अझै ।

सिर्जना दुवाल श्रेष्ठ, फाल्गुन ७, २०७३

-- पुरै पढ्नुहोस् --

प्रेममय जोडी : डा. प्रवीन र डा. ईशा

न्यूरो सर्जन डा. प्रवीन श्रेष्ठ तथा न्यूरो फिजिसियन डा. ईशा ढुंगाना हरेक समय साथसाथै हुन्छन् । वैवाहिक जीवनको डेढ दशक लामो समय बिताइसकेको यो जोडीको काम पनि एकै ठाउँमा छ र विषय पनि एउटै हो ।

सिर्जना दुवाल श्रेष्ठ, माघ १२, २०७३

-- पुरै पढ्नुहोस् --

पैसा दम्पतीकै

कुनै समयमा पैसा पुरुषले नै कमाउनुपर्छ भन्ने मान्यता थियो । जति कमाए पनि पुरुषहरू त्यसलाई खर्च गर्न पछि पर्दैनन् । उनीहरू बचत गर्न जान्दैनन् ।

झरना नहर्की, मंसिर २४, २०७३

-- पुरै पढ्नुहोस् --

शेरबहादुर देउवा र आरजु राणाको पुरानो एल्बम

राजनैतिक संघर्षका क्रममा उहाँले नौ वर्ष जेलजीवन बिताएका हुन् ।

सरस्वती कटुवाल, भाद्र २१, २०७३

-- पुरै पढ्नुहोस् --

धेरै हेरविचारले सम्बन्ध टाढिन सक्छ

धेरैजसो महिला श्रीमान्सँग बढीभन्दा बढी समय बिताउन चाहन्छन् ।

नारी संवाददाता , भाद्र ७, २०७३

-- पुरै पढ्नुहोस् --

संघर्षशील जोडी : जितु र मुना

दर्शकहरूलाई पेट मिचीमिची हँसाउने जितु नेपाल वास्तविक जीवनमा भने केही हदसम्म सेन्टिमेन्टल छन् । संघर्षबाटै आजको स्थानसम्म पुगेका जितुले २८ वर्षको उमेरमा विवाह गरेका हुन् ।

सिर्जना दुवाल श्रेष्ठ, श्रावण २, २०७३

-- पुरै पढ्नुहोस् --

श्रीमानले के गर्नुपर्छ ?

अहिलेको महंगीको जमानामा एक जनाको मात्रै कमाइले खुशी र सुशी जिन्दगी जिउन मुश्किल छ त्यसकारण पनि पती पत्नी दुबै वर्किगं हुनु जरुरी छ ।

नारी संवाददाता , चैत्र २५, २०७२

-- पुरै पढ्नुहोस् --

टुट्न नदिऔं सम्बन्धको डोरी

आजको जीवनशैलीमा सबैभन्दा बढी हाम्रो सम्बन्ध प्रभावित भैरहेको पाइन्छ । भौतिक सुख एवं आपसी प्रतिस्पर्धाको भोकले श्रीमान्–श्रीमती, माता–पिता, छोरा–छोरी र अरू कतिपय भावनात्मक सम्बन्धलाई तोडिरहेको हुन्छ ।

नारी संवाददाता , चैत्र १९, २०७२

-- पुरै पढ्नुहोस् --